വേട്ടയ്യനായി താരങ്ങൾ കൈപ്പറ്റിയ പ്രതിഫലമിങ്ങനെ

Vettaiyan Salaries: രജനികാന്തിൻ്റെ കരിയറിലെ 170-ാമത്തെ ചിത്രമായ വേട്ടയ്യൻ 2024 ഒക്‌ടോബർ പത്തിനാണ് തിയേറ്ററുകളിലെത്തിയത്. ബോളിവുഡ് താരം അമിതാഭ് ബച്ചന്റെ തമിഴ് അരങ്ങേറ്റ ചിത്രം കൂടിയായിരുന്നു വേട്ടയ്യൻ. മഞ്ജുവാര്യർ, ഫഹദ് ഫാസിൽ, റാണ ദഗ്ഗുബാട്ടി എന്നിങ്ങനെ വലിയൊരു താരനിര തന്നെ ചിത്രത്തിനായി അണിനിരന്നിരുന്നു.  ടി ജെ ജ്ഞാനവേൽ ആയിരുന്നു ചിത്രത്തിന്റെ സംവിധായകൻ. 

വേട്ടയ്യനായി താരങ്ങൾ വാങ്ങിയ ശബളമാണ് ഇപ്പോൾ സമൂഹമാധ്യമങ്ങളിൽ ചർച്ചയാവുന്നത്. ഈ ആക്ഷൻ-ഡ്രാമയ്ക്ക് അമിതാഭ് ബച്ചനേക്കാൾ 17 മടങ്ങ് കൂടുതൽ പ്രതിഫലം രജനികാന്തിനു ലഭിച്ചു എന്നാണ് റിപ്പോർട്ട്. ഫഹദ് ഫാസൽ, റാണ ദഗ്ഗുബാട്ടി, മഞ്ജു വാര്യർ എന്നിവർ ചിത്രത്തിനായി കൈപ്പറ്റിയ പ്രതിഫല വിവരങ്ങൾ അറിയാം.

എസ്‌പി അജിത് ഐപിഎസായി രജനീകാന്ത് എത്തുമ്പോൾ ഡിജിപി സത്യദേവ് പാണ്ഡെ എന്ന കഥാപാത്രത്തെയാണ് അമിതാഭ് ബച്ചൻ അവതരിപ്പിച്ചത്. രജനീകാന്തിന്റെ ഭാര്യയുടെ വേഷമാണ് മഞ്ജുവാര്യർക്ക്. 

വേട്ടയാനിൽ താരങ്ങളുടെ പ്രതിഫല കണക്കുകൾ പരിശോധിക്കുമ്പോൾ ഏറ്റവും കൂടുതൽ ചർച്ചയാവുന്നത് അതിലെ പ്രധാന അഭിനേതാക്കൾ തമ്മിലുള്ള ശമ്പളത്തിലെ അസമത്വമാണ്. ടൈംസ് ഓഫ് ഇന്ത്യയുടെ റിപ്പോർട്ടു പ്രകാരം,  രജനികാന്തിന് 125 കോടി രൂപയാണ് പ്രതിഫലം ലഭിച്ചത്. അതേസമയം, അമിതാഭ് ബച്ചന് ലഭിച്ചതാവട്ടെ 7 കോടി രൂപയാണ്. അമിതാഭ് ബച്ചനെക്കാൾ 17 മടങ്ങ് കൂടുതൽ പ്രതിഫലം രജനിയ്ക്ക് ലഭിച്ചു എന്നു റിപ്പോർട്ട് ചൂണ്ടി കാണിക്കുന്നു. 

അതേസമയം, ഫഹദ് ഫാസിലിന് 4 കോടി രൂപയ്ക്ക് അടുത്താണ് പ്രതിഫലം നൽകിയതെന്നും റിപ്പോർട്ട് പറയുന്നു. മഞ്ജു വാര്യർ മൂന്നു കോടിയും റാണ ദഗ്ഗുബാട്ടി 3 കോടിയും കൈപ്പറ്റിയപ്പോൾ റിതിക സിംഗിന് പ്രതിഫലമായി ലഭിച്ചത്  25 ലക്ഷം രൂപയാണ്.

Read More

• New OTT Release: ഏറ്റവും പുതിയ 12 ഒടിടി റിലീസുകൾ
• കിംഗ് ഖാന്റെ വഴികാട്ടി;ആരായിരുന്നു ബ്രദർ എറിക് ഡിസൂസ?
• എഡിഎച്ച്ഡി; ഇതാണ് ആലിയയും ഫഹദും ഷൈൻ ടോമും നേരിടുന്ന അപൂർവ്വരോഗാവസ്ഥ
• 'ഇതു കണ്ട് എന്റെ അമ്മ ഞെട്ടും;' മഞ്ജു പിള്ളയ്ക്ക് സർപ്രൈസുമായി മകൾ
• ഇപ്പോഴും വാടകവീട്ടിൽ താമസിക്കാൻ കാരണമിതാണ്...: വെളിപ്പെടുത്തി വിദ്യാ ബാലൻ
• അന്ന് അടികൊണ്ട് ചോരതുപ്പി, ഇനിയെങ്കിലും ജീവിക്കാൻ അനുവദിക്കണം; ബാലയ്‌ക്കെതിരെ അമൃത സുരേഷ്
• കുടിച്ചു വന്ന് അമ്മയെ തല്ലുമായിരുന്നു, അച്ഛനെ സ്‌നേഹിക്കാന്‍ എനിക്കൊരു കാരണമില്ല: ബാലയ്ക്ക് എതിരെ മകള്‍
• നിന്നോട് തര്‍ക്കിക്കാന്‍ അപ്പാ ഇല്ല, ഇനി ഞാന്‍ വരില്ല; മകളോട് ബാല
• New OTT Release: ഇന്ന് അർദ്ധരാത്രിയോടെ ഒടിടിയിൽ എത്തുന്ന 7 ചിത്രങ്ങൾ