Thudarum Box Office Collection: ബോക്സ് ഓഫീസ് കത്തിത്തുടങ്ങി; 'തുടരും' ഇതുവരെ നേടിയത്

തിയേറ്ററുകളിൽ ഗംഭീര പ്രതികരണവുമായി പ്രദർശനം തുടരുകയാണ് മോഹൻലാലിനെ നായകനാക്കി തരുണ്‍ മൂര്‍ത്തി സംവിധാനം ചെയ്ത 'തുടരും.' മികച്ച അഭിപ്രായമാണ് ചിത്രത്തെ കുറിച്ച് വരുന്നത്. മോഹൻലാലിന്റെ തുടർച്ചയായ രണ്ടാമത് ബ്ലോക്ബസ്റ്റർ ആയിരിക്കും ചിത്രമെന്നാണ് ആരാധകർ പറയുന്നത്.

റിലീസായി ഒരു ദിവസം പൂർത്തിയാകും മുൻപ്, ചിത്രത്തിന്റെ ഇതുവരെയുള്ള ബോക്സ് ഓഫീസ് കളക്ഷൻ റിപ്പോർട്ടുകൾ പുറത്തുവന്നിട്ടുണ്ട്. ഇൻഡസ്ട്രി ട്രാക്കറായ സാക്നിൽക്കിന്റെ റിപ്പോർട്ട് അനുസരിച്ച് 3.44 കോടി രൂപയാണ് തുടരും ഇതുവരെ ഇന്ത്യയിൽ നിന്ന് മാത്രം നേടിയത്. ചിത്രത്തിന്റെ വൈകിയുള്ള ഷോകൾ ഇനിയും ബാക്കിയുണ്ട്. രാത്രി ഷോകൾ പുർത്തിയാകുന്നതോടെ ചിത്രം മികച്ച ഓപ്പണിങ് കളക്ഷൻ സ്വന്തമാക്കുമെന്നാണ് പ്രതീക്ഷ.

അതേസമയം, പ്രീ റിലീസ് കളക്ഷനായി ചിത്രം 2.33 കോടി രൂപ നേടിയതായി നേരത്തെ റിപ്പോർട്ട് വന്നിരുന്നു. 1.39 ലക്ഷത്തിലധികം ടിക്കറ്റുകൾ വിറ്റഴിച്ച് അഡ്വാൻസ് ബുക്കിങ്ങിലും ചിത്രം മികച്ച പ്രകടനം കാഴ്ചവച്ചിരുന്നു.

ഓപ്പറേഷൻ ജാവ, സൗദി വെള്ളയ്ക്ക് തുടങ്ങിയ ചിത്രങ്ങൾക്കു ശേഷം തരുൺ മൂർത്തി സംവിധാനം ചെയ്യുന്ന ചിത്രമാണ് തുടരും. നീണ്ട 16 വർഷങ്ങൾക്കു ശേഷം ശോഭനയും മോഹൻലാലും ഒന്നിക്കുന്നു എന്ന പ്രത്യേകതയും ഈ സിനിമയ്ക്കുണ്ട്.  2009ല്‍ പുറത്തിറങ്ങിയ  അമല്‍ നീരദ് ചിത്രം സാഗര്‍ ഏലിയാസ് ജാക്കിയിലാണ് അവസാനമായി ഇരുവരും ഒന്നിച്ച് അഭിനയിച്ചത്.

മോഹന്‍ലാലിന്റെ കരിയറിലെ 360-ാമത് ചിത്രമാണിത്. തരുണ്‍ മൂര്‍ത്തിയും കെ.ആര്‍ സുനിലും ചേര്‍ന്നാണ് തിരക്കഥയും സംഭാഷണവും രചിച്ചിരിക്കുന്നത്. സുനിലിന്റേതാണ് കഥ. രജപുത്ര വിഷ്വല്‍ മീഡിയ അവതരിപ്പിക്കുന്ന ചിത്രം നിര്‍മിക്കുന്നത് എം. രഞ്ജിത്ത് ആണ്. ഛായാഗ്രഹണം- ഷാജികുമാര്‍, എഡിറ്റിങ് -നിഷാദ് യൂസഫ്, ഷഫീഖ് വി.ബി. 

Read More

• സാമൂഹ്യ മാധ്യമങ്ങളിലൂടെ അശ്ലീല പരാമർശം; നടിമാരുടെ പരാതിയിൽ 'ആറാട്ടണ്ണൻ' കസ്റ്റഡിയിൽ
• മറവി‍ക്കെതിരെ ഓര്‍മയുടെ പോരാട്ടം, വൈകാരികമായ യാത്രയായിരുന്നു നരിവേട്ട: ടൊവിനോ തോമസ്
• അടുത്ത ബ്ലോക്ക്ബസ്റ്റർ? വീണ്ടും ഹിറ്റടിക്കാൻ ആസിഫ് അലി; 'സർക്കീട്ട്' ട്രെയിലർ
• തീപ്പൊരി സ്റ്റെപ്പുമായി ചാക്കോച്ചന്റെ ഇസഹാഖ്; മത്തൻ കുത്തിയാൽ കുമ്പളം മുളക്കില്ലെന്ന് ആരാധകർ
• അടുത്ത ജന്മത്തിൽ പ്രഭാസിനെ പോലെ ഒരു മകനെ വേണം: സറീന വഹാബ്
• ആ ചുംബന ഫോട്ടോ വിവാദം ഞങ്ങളെ തെല്ലും ഉലച്ചില്ല: മഹേഷ് ഭട്ടിന്റെ മകൻ പറയുന്നു