അഭിനയം മാത്രമല്ല, ആദ്യചിത്രത്തിൽ ഗായികയുമായി ഈ താരപുത്രി

ബോളിവുഡ് 'കിങ് ഖാൻ'​ ഷാരൂഖിന്റെ മകൾ ചലച്ചിത്ര രംഗത്തേക്ക് അരങ്ങേറ്റം കുറിക്കുകയാണ്. സോയ അക്തറിന്റെ 'ദ ആർച്ചീസ്' എന്ന ചിത്രത്തിലൂടെയാണ്  സുഹാന ഖാൻ ബോളിവുഡിൽ അരങ്ങേറ്റം കുറിച്ചത്. അതേ ചിത്രത്തിലൂടെ ഗായികയായും തുടക്കം കുറിച്ചിരിക്കുകയാണ് സുഹാന. തിങ്കളാഴ്ച, ദ ആർച്ചീസിലെ "ജബ് തും ന തീൻ" എന്ന ഗാനമാണ് സുഹാന ആലപിച്ചിരിക്കുന്നത്. 

"ഞാൻ എന്റെ ആദ്യ ഗാനം പാടി !! എന്നോട് ക്ഷമയോടെ പെരുമാറിയതിന് സോയ അക്തർ, ശങ്കർ മഹാദേവൻ എന്നിവർക്ക് നന്ദി. ദയയോടെ കേൾക്കുക." സുഹാന പോസ്റ്റിൽ കുറിച്ചു. 

സോയ അക്തർ സംവിധാനം ചെയ്യുന്ന ചിത്രം, സുഹാനയെക്കൂടാതെ അമിതാഭ് ബച്ചന്റെ ചെറുമകൻ അഗസ്ത്യ നന്ദ, നിർമ്മാതാവ് ബോണി കപൂറിന്റെ മകൾ ഖുഷി കപൂർ എന്നിവരുടെയും അരങ്ങേറ്റ ചിത്രമാണ്.

ആർച്ചി, ബെറ്റി, വെറോണിക്ക, ജുഗ്ഹെഡ്, റെഗ്ഗി, എഥൽ, ഡിൽട്ടൺ എന്നിവരുടെ ജീവിതത്തെ പിന്തുടരുന്ന ചിത്രം, സാങ്കൽപ്പിക പട്ടണമായ റിവർഡേലിലേക്ക് പ്രേക്ഷകരെ കൂട്ടിക്കൊണ്ടുപോകുന്നു. ആർച്ചി കോമിക്‌സിലെ ഏഴ് ആകർഷകമായ കഥാപാത്രങ്ങൾ നയിക്കുന്ന ഒരു മ്യൂസിക്കൽ ജേണിയാണ് ചിത്രമെന്നാണ് ട്രെയിലർ സൂചിപ്പിക്കുന്നത്. 'ലോകത്തെ മാറ്റാൻ നിങ്ങൾ ഒരിക്കലും ചെറുപ്പമല്ല' എന്ന അഗാധമായ സന്ദേശത്തോടെയാണ് ട്രെയിലർ സൈൻ ഓഫ് ചെയ്യുന്നത്. 

ഡിസംബർ 7ന് ചിത്രം നെറ്റ്ഫ്ലിക്സിൽ റിലീസിനെത്തും.

Read More Entertainment News Here

• വീട് പൂട്ടിയിരുന്നു, അയൽക്കാർക്ക് ആർക്കും ഒന്നുമറിയില്ല; കനകയെത്തേടിപ്പോയ കഥ പറഞ്ഞു കുട്ടി പദ്മിനി
• 70 സെക്കന്റ്, 24 മണിക്കൂർ, 10 മില്യൺ; ആരാധകരെ ആകാംക്ഷയുടെ കൊടുമുടി കയറ്റി 'കാന്താര 2' ടീസർ
• ചൂളമടിച്ച് കറങ്ങി നടക്കും.... സ്റ്റെലിഷ് ചിത്രങ്ങളുമായി മഞ്ജു
• എന്റെ ദൈവമേ, തിയേറ്ററിലിരുന്ന് ഒരു കുഞ്ഞിനെപ്പോലെ ഞാൻ: ഐശ്വര്യ ലക്ഷ്മി
• തൃഷയ്‌ക്കെതിരെ കേസ് കൊടുക്കാനൊരുങ്ങി മൻസൂർ അലി ഖാൻ; വിവരങ്ങൾ നാളെ നാല് മണിക്ക് പറയുമെന്ന് നടൻ