വിയറ്റ്നാം കോളനിയിലെ റാവുത്തർ; നടൻ വിജയ രംഗരാജു അന്തരിച്ചു

മോഹൻലാൽ നായകനായ 'വിയറ്റ്‌നാം കോളനി'യെന്ന ചിത്രത്തിലൂടെ മലയാളി പ്രേക്ഷകർക്ക് സുപരിചിതനായ തെന്നിന്ത്യൻ നടൻ വിജയ രംഗരാജു അന്തരിച്ചു. ഹൃദയാഘാതത്തെ തുടർന്ന് ചെന്നൈയിലെ സ്വകാര്യ ആശുപത്രിയിൽ വച്ചായിരുന്നു അന്ത്യം. എഴുപത് വയസ്സായിരുന്നു. 

വില്ലൻ വേഷങ്ങൾ അവതരിപ്പിച്ചുകൊണ്ടായിരുന്നു വിജയ രംഗരാജുവിന്റെ സിനിമാ അരങ്ങേറ്റം. 1973 മുതൽ സിനിമ ഇൻഡസ്ട്രിയിൽ സജീവമായ വിജയ രംഗരാജു ഇതുവരെ ഏകദേശം നാലായിരത്തോളം ചിത്രങ്ങളിൽ അഭിനയിച്ചിട്ടുണ്ട്

Actor #VijayaRangaRaju passes away due to Heart attack pic.twitter.com/uxVfxnvU25

— Telugu Film Producers Council (@tfpcin) January 20, 2025

സിദ്ദിഖ് ലാല്‍ സംവിധാനം ചെയ്ത വിയറ്റ്‌നാം കോളനിയിലെ 'റാവുത്തർ' എന്ന കഥാപാത്രത്തിലൂടെയാണ് മലയാളി പ്രേക്ഷകർക്കിടയിൽ വിജയ രംഗരാജു ശ്രദ്ധനേടുന്നത്. മഹാരാഷ്ട്ര സ്വദേശിയാണെങ്കിലും ഹൈദരബാദിൽ സ്ഥിരതാമസക്കാരനാണ് വിജയ രംഗരാജു. രാജ്കുമാർ എന്നാണ് യഥാർത്ഥ പേര്.

കഴിഞ്ഞയാഴ്ച ഹൃദയാഘാതം ഉണ്ടായതിനെ തുടർന്ന് വിജയ രംഗരാജുവിനെ ആശുപത്രിയിൽ പ്രേവിശിപ്പിച്ചിരുന്നു. തുടർ ചികിത്സയ്ക്കായി ചെന്നൈയിൽ എത്തിച്ചു. ചെന്നൈയിൽ ചികിത്സയിലിരിക്കെയാണ് അന്ത്യം.

വില്ലൻ വേഷങ്ങൾക്കു പുറമെ സഹനടനായും അദ്ദേഹം നിരവധി ചിത്രങ്ങളിൽ അഭിനയിച്ചിട്ടുണ്ട്. തെലുങ്ക്, തമിഴ്, മലയാളം ഭാഷകളിൽ നിരവധി ചിത്രങ്ങളുടെ ഭാഗമായി. 1994ൽ പുറത്തിറങ്ങിയ ഭൈരവ ദ്വീപം എന്ന ചിത്രത്തിലൂടെയാണ് തെലുങ്ക് സിനിമയിലേക്ക് അരങ്ങേറ്റം കുറിക്കുന്നത്. യജ്ഞം എന്ന സിനിമയിലൂടെയാണ് കൂടുതൽ ശ്രദ്ധനേടിയത്.

പടയോട്ടം, ആയുധം, ആരംഭം, ആധിപത്യം, അനുരാഗക്കോടതി, സംരംഭം, ഹലോ മദ്രാസ് ഗേള്‍, ഹിറ്റ്‌ലര്‍ ബ്രദേഴ്‌സ്, വെനീസിലെ വ്യാപാരി, മനുഷ്യമൃഗം തുടങ്ങിയ മലയാളം സിനിമകളിലും വിജയ രംഗരാജു അഭിനയിച്ചിട്ടുണ്ട്.

Read More

• ഇത് അവസാനിപ്പിക്കൂ, ദൈവത്തെ ഓർത്ത് ഞങ്ങളെ വെറുതേവിടൂ; പാപ്പരാസികളോട് കരീന കപൂർ
• ഞങ്ങളില്ലാതെ അപ്പനെന്ത് ആഘോഷം; പണിയിൽ താരമായി ജോജുവിന്റെ മക്കളും
• വിരസകാഴ്ചകൾ, ഏൽക്കാതെ പോയ കോമഡികൾ; പ്രാവിൻകൂട് ഷാപ്പ് റിവ്യൂ; Pravinkoodu Shappu Review
• ഒരു പക്കാ നായികാ പ്രോഡക്റ്റ്; അനശ്വരയെക്കുറിച്ച് മനോജ് കെ ജയൻ
• സ്ക്രീനിലേക്ക് ഇടിച്ചുകയറിയ കൊമ്പന്മാർ
• അച്ഛനെ പോലെ തന്നെ അതിസുന്ദരി; ശ്രദ്ധ കവർന്ന് ബോബൻ ആലുംമൂടന്റെ മകൾ