പോളിംഗിനിടെ മമ്മൂക്കയെ കണ്ടാൽ എന്തുചെയ്യും? ചിലപ്പോൾ രണ്ടു കയ്യിലും മഷി പുരട്ടി പോവും

തിരഞ്ഞെടുപ്പു ദിവസം ഭാര്യ സുൽഫത്തിനൊപ്പം വോട്ട് ചെയ്യാനെത്തുന്ന മമ്മൂട്ടി വാർത്തകളിൽ നിറഞ്ഞുനിൽക്കാറുണ്ട്. ഇത്തവണയും പതിവു തെറ്റിയില്ല. കൊച്ചി പൊന്നുരുന്നിയിലെ പോളിങ് ബൂത്തിലേക്ക്  മൂന്ന് മണിയോടെയാണ് മമ്മൂട്ടിയും സുൽഫത്തും എത്തിയത്. മമ്മൂട്ടി വോട്ട് ചെയ്യുന്നതിന്റെ ദൃശ്യങ്ങൾ പകർത്താൻ മാധ്യമപ്പട തന്നെ പുറത്തു കാത്തുനിന്നിരുന്നു.  

താരമെത്തിയതോടെ തിക്കും തിരക്കും നിറഞ്ഞ പോളിങ് ബൂത്തിൽ നിന്നുള്ള ദൃശ്യമാണ് ഇപ്പോൾ ശ്രദ്ധ കവരുന്നത്. തിരക്കിലും ബഹളത്തിലും ശ്രദ്ധ മാറിയതുകൊണ്ടാവാം പോളിങ് ബൂത്തിലിരുന്ന ഉദ്യോഗസ്ഥൻ ആദ്യം വലതുകൈയ്യിലാണ് മഷി പുരട്ടിയത്. എന്നാൽ, പെട്ടെന്ന് തന്നെ മറ്റൊരു ഉദ്യോഗസ്ഥൻ ഇടപ്പെട്ട് ഇടതുകയ്യിലാണ് മഷി പുരട്ടേണ്ടതെന്ന് ഓർമ്മപ്പെടുത്തി. വലതുകൈയിലെ മഷി തുടക്കാൻ ശ്രമിക്കുന്നതും കാണാം. എന്തായാലും, ഇരുകൈകളിലെ ചൂണ്ടുവിരലിലും മഷിയുമായാണ് മെഗാസ്റ്റാർ പോളിങ് ബൂത്തിൽ നിന്നും മടങ്ങിയത്. 

മുണ്ടും ഷർട്ടും കൂളിങ് ഗ്ലാസും ധരിച്ചായിരുന്നു മെഗാസ്റ്റാറിന്റെ എൻട്രി. ഗ്രേ കളർ ഡിഫൻഡർ കാറിലാണ് മമ്മൂട്ടി പോളിങ് ബൂത്തിലേക്ക് വന്നത്. പുതിയ ചിത്രം ടർബോയുടെ ഗെറ്റപ്പിലാണ് മമ്മൂട്ടി ബൂത്തിലെത്തിയത്. 

മമ്മൂട്ടി-വൈശാഖ് കൂട്ടുക്കെട്ടിൽ ഒരുങ്ങുന്ന ടർബോ റിലീസിനൊരുങ്ങുകയാണ്. ബിഗ് ബജറ്റിൽ ഒരുങ്ങുന്ന ഈ മാസ് ആക്‌ഷൻ കോമഡി ചിത്രം നിർമ്മിക്കുന്നത് മമ്മൂട്ടി കമ്പനിയാണ്. ടർബോ ജോസ് എന്ന കഥാപാത്രത്തെയാണ് ചിത്രത്തിൽ മമ്മൂട്ടി അവതരിപ്പിക്കുന്നത്.

മിഥുൻ മാനുവൽ തോമസാണ് ടർബോയുടെ തിരക്കഥ ഒരുക്കിയിരിക്കുന്നത്.  തെലുങ്കിൽ നിന്ന് സുനിൽ, ഹിന്ദിയിൽ നിന്ന് കാബിർ ദുർഹാൻ സിംഗ്, കന്നടയിൽ നിന്ന് രാജ് ബി ഷെട്ടി തുടങ്ങിയവരും ടർബോയിൽ അഭിനയിക്കുന്നുണ്ട്.  ചിത്രത്തിന്റെ വിതരണാവകാശം ദുൽഖർ സൽമാന്റെ വേഫെറൽ ഫിലിംസിനാണ്. വിഷ്ണു ശർമ്മ ഛായാഗ്രഹണവും ജസ്റ്റിൻ വർഗീസ് സംഗീതവും ഷമീർ മുഹമ്മദ് എഡിറ്റിംഗും നിർവ്വഹിക്കുന്നു. ചിത്രത്തിലെ ആക്‌ഷൻ രംഗങ്ങൾ വിയറ്റ്നാം ഫൈറ്റേർസാണ് കൈകാര്യം ചെയ്യുന്നത്. 

Read More Entertainment Stories Here

• ഓട്ടോ ചേട്ടനോട് ലോഹ്യം പറഞ്ഞ്, കാസർഗോഡൻ തെരുവിൽ ചുറ്റികറങ്ങി സണ്ണി ലിയോൺ; വീഡിയോ
• ബേബി ശാലിനിയുടെ ഷൂട്ടിങ് കണ്ടിട്ടുണ്ട്, ഒരിക്കലും വിവാഹം കഴിക്കുമെന്ന് പ്രതീക്ഷിച്ചില്ല: അജിത്
• സൂപ്പർസ്റ്റാറിന്റെ പ്രതിഫലം 100 കോടി, ബഡ്ജറ്റ് 600 കോടി; തിയേറ്ററിൽ കൂപ്പുകുത്തി ബോളിവുഡ് ചിത്രങ്ങൾ
• 63-ാം വയസ്സിലും എന്തൊരു എനർജി; ലാലേട്ടൻ സൂപ്പറാ, കയ്യടിച്ച് സോഷ്യൽ മീഡിയ
• അച്ഛനേക്കാളും പത്തിരട്ടി വരുമാനം; അഹാനയുടെയും അനിയത്തിമാരുടെയും വരുമാന കണക്കുകളിങ്ങനെ
• ഒന്നിനു പിറകെ ഒന്നായി പൊട്ടിയത് 66 തമിഴ് സിനിമകൾ; തിയേറ്ററുകൾക്ക് ആശ്വാസമായി മലയാള ചിത്രങ്ങൾ