എന്തൊരഴകുള്ള കാഴ്ച; ഓർമകളിൽ പീലി വിടർത്തി മായാമയൂരം

മലയാളികളുടെ എക്കാലത്തെയും പ്രിയപ്പെട്ട താരജോഡികളാണ് മോഹൻലാലും ശോഭനയും. തേന്മാവിൻ കൊമ്പത്ത്, പവിത്രം, മിന്നാരം, പക്ഷേ, നാടോടിക്കാറ്റ്, വെള്ളാനകളുടെ നാട് തുടങ്ങി ഒരുപറ്റം സിനിമകളിലൂടെ പ്രേക്ഷകരുടെ ഇഷ്ടം കവർന്ന താരജോഡികൾ. 

മോഹൻലാലിനൊപ്പം അഭിനയിച്ച ‘മായാമയൂരം സിനിമയുടെ ഒരു  പഴയകാല പോസ്റ്റർ ഷെയർ ചെയ്തിരിക്കുകയാണ് ശോഭന.‘മനം കവരുന്ന പോസ്റ്റർ’ എന്ന അടിക്കുറിപ്പോടെയാണ് പോസ്റ്റർ പങ്കിട്ടത്.

View this post on Instagram

A post shared by Shobana Chandrakumar (@shobana_danseuse)

1993ൽ റിലീസിനെത്തിയ മായാമയൂരത്തിന്റെ സംവിധായകൻ സിബി മലയിൽ ആയിരുന്നു. മോഹൻലാൽ ഇരട്ട വേഷങ്ങളിലെത്തിയ ചിത്രത്തിൽ  ശോഭനയും രേവതിയുമാണ് പ്രധാന കഥാപാത്രങ്ങളെ അവതരിപ്പിച്ചത്. 

മോഹൻലാലും ശോഭനയും വർഷങ്ങൾക്കു ശേഷം തരുൺ മൂർത്തി സംവിധാനം ചെയ്യുന്ന ചിത്രത്തിൽ വീണ്ടും ഒരുമിക്കുകയാണ്. L360 എന്നു പേരു നൽകിയ ചിത്രം മോഹൻലാലിന്റെ കരിയറിലെ  360മത്തെ ചിത്രമാണ്. ശോഭനയും മോഹൻലാലും ഒരുമിക്കുന്ന 56-ാമത്തെ ചിത്രവും.

മാമ്പഴക്കാലം (2004) എന്ന ചിത്രത്തിലാണ് ഏറ്റവുമൊടുവിൽ ഇരുവരും ജോഡികളായി അഭിനയിച്ചത്. സാഗർ ഏലിയാസ് ജാക്കിയിൽ (2009) ഇരുവരും ഒന്നിച്ച് അഭിനയിച്ചിരുന്നുവെങ്കിലും ഇരുവരും ജോഡികളായിരുന്നില്ല. 

സൗദി വെള്ളക്കയ്ക്ക് ശേഷം തരുൺ മൂർത്തി സംവിധാനംചെയ്യുന്ന ചിത്രമാണിത്.   കെ.ആർ സുനിലും തരുൺ മൂർത്തിയും ചേർന്നാണ് തിരക്കഥ ഒരുക്കുന്നത്. രജപുത്ര വിഷ്വൽസ് മീഡിയ അവതരിപ്പിക്കുന്ന ചിത്രം നിർമിക്കുന്നത് എം രഞ്ജിത്ത് ആണ്.

Read More Stories Here

• തങ്കമേ, എൻ ഉലകമായവളേ; നയൻതാരയ്ക്കു സ്നേഹചുംബനമേകി വിഘ്നേഷ്, ചിത്രങ്ങൾ
• അനന്ത് അംബാനിയും രാധിക മെർച്ചന്റും വിവാഹിതരായി, ആദ്യ ചിത്രങ്ങൾ പുറത്ത്
• അംബാനി കല്യാണം കൂടി നയൻതാരയും; വീഡിയോ
• നൂർ ജലീലയെ എനിക്ക് നേരത്തെയറിയാം, ഞങ്ങൾ പഴേ ഫ്രണ്ട്സാ: മമ്മൂട്ടി
• ആ പാട്ട് ഷൂട്ട് ചെയ്തത് നാലര വർഷം കൊണ്ട്: ഹിറ്റ് ഗാനത്തിനു പിന്നിലെ കഥ പറഞ്ഞ് ശിൽപ്പ ഷെട്ടി