കെകെആർ ക്യാമ്പിൽ ഷാരൂഖ് ഖാനൊപ്പം ബാറ്റുചെയ്തും പന്തെറിഞ്ഞും അബ്രാം ഖാൻ

ഐപിഎൽ ടീം കൊൽക്കത്ത നൈറ്റ് റൈഡേഴ്‌സിൻ്റെ സഹ ഉടമയാണ് ബോളിവുഡ് താരം ഷാരൂഖ് ഖാൻ. മകൻ അബ്രാം ഖാനൊപ്പം കൊൽക്കത്തയിലെ ഈഡൻ ഗാർഡൻസിൽ ടീമിൻ്റെ പരിശീലന സെഷനിൽ പങ്കുചേരുന്ന ഷാരൂഖിന്റെ വീഡിയോയാണ് ഇപ്പോൾ ശ്രദ്ധനേടുന്നത്. ഡൽഹി ക്യാപിറ്റൽസുമായുള്ള മത്സരത്തിന് തലേന്നാണ് ഷാരൂഖ് ടീമിനോപ്പം ചേർന്നത്.

അല്പനേരം ബാറ്റുചെയ്യുകയും, കൊൽക്കത്തയുടെ സ്റ്റാർ ബാറ്റർ റിങ്കു സിങിന് പന്തെറിയുകയും ചെയ്ത ശേഷമാണ് ഷാരൂഖ് ഖാൻ ഗ്രൗണ്ടുവിട്ടത്. അച്ഛനു ശേഷം മകൻ അബ്രാമും റിങ്കു സിങിന് പന്തെറിയുന്നുണ്ട്. കെകെആർ ക്യാമ്പിലെ സൗഹൃദ സംഭാഷണവും കളിക്കാരുമായി സംവദിക്കുന്ന ഷാരൂഖിനെയും ആരാധകർ ഏറ്റെടുത്തു. വിവിധ പ്ലാറ്റ്ഫോമുകളിലായി ഷാരൂഖിന്റെയും അബ്രാമിന്റെയും പ്രാക്ടീസ് വീഡിയോകൾ വൈറലാകുകയാണ്.

Straight from the ground: Shah Rukh Khan showing his batting skills.. #ShahRukhKhanpic.twitter.com/9F1dNetMbs

— ℣αɱριя౯ 2.1.0 (@Revamped_SRKC) April 28, 2024

കൊൽക്കത്തയുടെ എല്ലാ മത്സരങ്ങളും സ്റ്റേഡിയത്തിലെത്തി കാണാൻ ഷാരൂഖ് ശ്രമിക്കാറുണ്ട്. രണ്ടു തവണ ഐപിഎൽ കിരീടം സ്വന്തമാക്കിയ ടീമാണ് കൊൽക്കത്ത. മത്സരം കാണാൻ ഷാരൂഖ് സ്റ്റേഡിയത്തിലെത്തിയാൽ പലരുടെയും കണ്ണുകൾ ഷാരൂഖിലേക്കായിരിക്കും. പലപ്പോഴും ഷാരൂഖിന്റെ വികാര പ്രകടനങ്ങൾക്കും സ്റ്റേഡിയങ്ങൾ സാക്ഷിയാകാറുണ്ട്.

📸Rinku Singh faces little boy Abram during fun session between the practice.💜pic.twitter.com/i31f34F0Ns

— KKR Vibe (@KnightsVibe) April 28, 2024

അടുത്തിടെ കൊൽക്കത്തയുടെ തോൽവിക്ക് പിന്നാലെ നിറകണ്ണുകളോടെ ഗ്യാലറിയിലിരിക്കുന്ന ഷാരൂഖിന്റെ വീഡിയോ ആരാധകർ ഏറ്റെടുത്തിരുന്നു. ഷാരൂഖിന്റെ ചക് ദേ ഇന്ത്യ' എന്ന ചിത്രത്തിലെ വൈകാരിക രംഗങ്ങളെയാണ് സംഭവം അനുസ്മരിപ്പിച്ചത്.

Read More Entertainment Stories Here

• ആരോമലേട്ടൻ ആരെയെങ്കിലും പ്രേമിച്ചിട്ടുണ്ടോ; പൊട്ടിച്ചിരിപ്പിച്ച് 'മന്ദാകിനി' ട്രെയിലർ: Mandakini
• വീണ്ടും സോഷ്യൽ മീഡിയ കത്തിച്ച് മെഗാസ്റ്റാർ; ഇങ്ങേരു മമ്മൂട്ടി അല്ല, ഫയർ ആണ്
• കൊച്ചു കരഞ്ഞപ്പോൾ ആദ്യം വാഷ് ബേസിനിൽ ഇറക്കി, പിന്നെ ഫ്രിഡ്ജിൽ കേറ്റി: ഈ അപ്പനെ കൊണ്ട് തോറ്റെന്ന് എലിസബത്ത്
• ഇതാണ് ഫാമിലി പാക്ക് 'കരിങ്കാളിയല്ലേ;' വൈറൽ റീലൂമായി ആശാ ശരത്തും കുടുംബവും
• Manjummel Boys OTT: കാത്തിരിപ്പിനൊടുവിൽ മഞ്ഞുമ്മൽ ബോയ്സ് ഓടിടിയിലേക്ക്
• 'നീയും മൈ ഉയിരാടാ,' സൂപ്പർ സ്റ്റാറായി ടൊവിനോ തോമസ്; നടികർ ട്രെയിലർ