99,000 രൂപയുടെ ഡെനിം ജാക്കറ്റ്,  ക്രോപ്പ് ടോപ്പിന് 16,000 രൂപ: ആര്യന്റെ ബ്രാൻഡിന് തൊട്ടാൽ പൊള്ളുന്ന  വില

പുതിയ ബിസിനസ് സംരംഭത്തിന് തുടക്കം കുറിച്ചിരിക്കുകയാണ് ബോളിവുഡ് താരം ഷാരൂഖ് ഖാന്റെ മകൻ ആര്യൻ. ഡെവൊള്‍ (D'YAVOL) എന്ന  ലൈഫ്‌സ്‌റ്റൈൽ ലക്ഷ്വറി ബ്രാന്‍ഡാണ് ആര്യൻ ആരംഭിച്ചിരിക്കുന്നത്. ലക്ഷ്വറി പ്രൊഡക്റ്റുകളാണ് ഈ ബ്രാൻഡിലൂടെ വിപണിയിലെത്തുക. ഞായറാഴ്ച ഷാരൂഖ് ഖാൻ ആര്യന്റെ പുതിയ ബ്രാൻഡായ DyavolX-ൽ നിന്നുള്ള ഏറ്റവും പുതിയ പ്രൊഡക്റ്റുകൾ പ്രകാശനം ചെയ്തു. 'ട്രിപ്പിൾ ത്രെറ്റ്. X-2’ എന്നു പേരിട്ടിരിക്കുന്ന ശ്രേണിയിൽ നിന്നും ഹുഡി, ടി-ഷർട്ടുകൾ, ക്രോപ്പ് ടോപ്പുകൾ, ഡെനിം ജാക്കറ്റുകൾ എന്നിവയുൾപ്പെടെ വൈവിധ്യമാർന്ന വസ്ത്രങ്ങൾ ലഭ്യമാണ്. 16,000 മുതൽ 99,000 രൂപ വരെയാണ് ഇവയുടെ വില വരുന്നത്. 

99,000 രൂപ വിലയുള്ള ഡെനിം ജാക്കറ്റാണ് ലിമിറ്റഡ് എഡിഷൻ ശേഖരത്തിലെ ഹൈലൈറ്റുകളിൽ ഒന്ന്, ഇത് ഡെനിം ഡിസൈനിലേക്കുള്ള ആര്യൻ്റെ ആദ്യ ചുവടുവെപ്പിനെ അടയാളപ്പെടുത്തുന്നു. ഹുഡിയ്ക്ക്  യഥാക്രമം 41,000 രൂപയും 40,000 രൂപയുമാണ് വില, അതേസമയം പോസ്റ്ററിൽ സുഹാന ധരിച്ചിരിക്കുന്നതുൾപ്പെടെയുള്ള ക്രോപ്പ് ടോപ്പുകൾക്ക് 16,000 രൂപയാണ് വില. പോസ്റ്ററിൽ ഷാരൂഖ് ഖാനും ആര്യൻ ഖാനും പ്രദർശിപ്പിച്ചിരിക്കുന്ന ടീ ഷർട്ടുകൾക്ക് 21,500 രൂപയാണ് വില. കൂടാതെ, ഏറ്റവും പുതിയ ശേഖരത്തിൽ 35,000 രൂപ വിലയുള്ള കാർഗോ പാൻ്റും അവതരിപ്പിക്കുന്നു.

ഈ ഉയർന്ന വിലകൾ ഉണ്ടായിരുന്നിട്ടും, ഇവ 2023ൽ  ആര്യൻ പുറത്തിറക്കിയ കളക്ഷനേക്കാൾ താരതമ്യേന വില കുറവാണ്.  ഡെവൊള്‍ ആദ്യം പുറത്തിറക്കിയ ബ്രാൻഡിൽ 2 ലക്ഷം രൂപ  ( 2,00,555 രൂപ) യിലേറെ വിലയുള്ള ഹൂഡിയുൾപ്പെടെ നിരവധി ലക്ഷ്വറി ഡ്രസ്സുകളാണ് ഉണ്ടായിരുന്നത്. 

X-2. Live now.

Get yours only on https://t.co/dc5LPpu9hq

Limited quantities. Global shipping. pic.twitter.com/5SvdBbLEy2

— Shah Rukh Khan (@iamsrk) March 17, 2024

തന്റെ ബ്രാൻഡിൽ പിതാവായ ഷാരൂഖിന്റെ പങ്കിനെ കുറിച്ച് ആര്യൻ ജിക്യുവിനു നൽകിയ അഭിമുഖത്തിൽ പറഞ്ഞിരുന്നു. ഷാരൂഖിന്റെ ആശയങ്ങൾ കൂടി  ഡെവൊളിൽ സന്നിവേശിപ്പിച്ചിട്ടുണ്ടെന്നാണ് ആര്യൻ പറഞ്ഞത്. "ഞങ്ങൾക്ക് രസകരമായ ഒരു ബാലൻസ് ഉണ്ടെന്ന് ഞാൻ കരുതുന്നു: എനിക്ക് കൂടുതൽ സമകാലിക ചിന്താഗതിയുണ്ട്; എൻ്റെ അച്ഛൻ കുറേക്കൂടി പക്വതയോടെ അതിനെ സമീപിക്കുന്നു. രണ്ട് വശങ്ങളിൽ നിന്നുമുള്ള വീക്ഷണങ്ങൾ ഉള്ളത്, കൂട്ടായ കാഴ്ചപ്പാടുകളുടെ ഒരു ആകെത്തുകയായി മാറാൻ ഞങ്ങളുടെ   ബ്രാൻഡിനെ അനുവദിക്കുന്നു. 10 വയസ്സുകാരൻ മുതൽ 70 വയസ്സുകാരൻ വരെ എല്ലാവരേയും ആകർഷിക്കാൻ ഡെവൊളിനാവും."

Read More Related Stories 

• ഇതെന്താ ജാക്കറ്റിന്റെ ഹോൾസെയിൽ കടയോ?; കരണിന്റെ വാർഡ്രോബ് കണ്ട് അമ്പരന്ന് ഫറാ ഖാൻ
• ഷാരൂഖിന്റെ മകൾ സുഖാന ഖാൻ ബീച്ച് പ്രോപ്പർട്ടിക്കായി മുടക്കിയത് കോടികൾ; റിയൽ എസ്റ്റേറ്റിൽ പിടിമുറുക്കാൻ താരപുത്രി
• താടിയെടുത്താൽ ആളിങ്ങനെ മാറുമോ?; ജീൻ പോളിനെ കണ്ട് അമ്പരന്ന് പ്രേക്ഷകർ
• മഞ്ഞുമ്മൽ ബോയ്സ് കണ്ടപ്പോൾ മരണത്തിലേക്ക് ആണ്ടുപോയ എന്റെ ചേട്ടനെ ഓർത്തു: ഷാജി കൈലാസ്
• പ്രേക്ഷകരെ ചതിക്കാൻ പറ്റാ