സംവിധാനം ആര്യൻ ഖാൻ, കൈകൊടുത്ത് നെറ്റ്ഫ്ളിക്സ്; സീരീസ് പറയുന്നത് ഷാരൂഖിന്റെ ജീവിതം?

ഷാരൂഖ് ഖാൻ്റെ മകൻ ആര്യൻ ഖാൻ ആദ്യമായി സംവിധായകനായി അരങ്ങേറ്റം കുറിക്കുകയാണ്. നെറ്റ്ഫ്ളിക്സിനു വേണ്ടി സീരീസ് ഒരുക്കികൊണ്ടാണ് ആര്യന്റെ അരങ്ങേറ്റം. ബോളിവുഡ് കിങ് ഖാൻ ഷാരൂഖ് തന്നെയാണ് മകന്റെ അരങ്ങേറ്റത്തെ കുറിച്ചുള്ള ഔദ്യോഗിക പ്രഖ്യാപനം നടത്തിയിരിക്കുന്നത്. നെറ്റ്ഫ്ലിക്സും റെഡ് ചില്ലീസ് എൻ്റർടൈൻമെൻ്റും കൈകോർക്കുന്ന സീരീസിനെ കുറിച്ചുള്ള ചില വിശദാംശങ്ങൾ ഷാരൂഖ് ചൊവ്വാഴ്ച സോഷ്യൽ മീഡിയയിൽ പങ്കിട്ടു. 

റെഡ് ചില്ലീസ് എൻ്റർടൈൻമെൻ്റിന്റെ ബാനറിൽ ഗൗരി ഖാൻ ആണ് ഈ പരമ്പര നിർമ്മിക്കുന്നത്.  “2025: നെറ്റ്ഫ്ലിക്സും റെഡ് ചില്ലീസ് എൻ്റർടൈൻമെൻ്റും  കൈകോർത്ത് ഗൗരി ഖാൻ നിർമ്മിച്ച് ആര്യൻ ഖാൻ സംവിധാനം ചെയ്യുന്ന ഒരു ബോളിവുഡ് സീരീസ് വരുന്നു," എന്നാണ് കമ്പനികളുടെ സംയുക്ത പ്രസ്താവനയിൽ പറയുന്നത്. 

അതേസമയം, ഷാരൂഖ് ഖാൻ്റെ ജീവിതത്തിൽ നിന്ന് പ്രചോദനം ഉൾക്കൊണ്ടാണ് ആര്യൻ ഈ സീരീസ് ഒരുക്കുന്നത് എന്നും റിപ്പോർട്ടുകളുണ്ട്. സിനിമാ വ്യവസായത്തിനു പുറത്തു നിന്നെത്തി  ലോകത്തിലെ ഏറ്റവും വലിയ സൂപ്പർസ്റ്റാറുകളിൽ ഒരാളായി മാറിയ ഒരു സാധാരണക്കാരന്റെ കഥയാണ് സീരീസ് പറയുന്നതെന്നും ബോളിവുഡിൻ്റെ തിളക്കമാർന്നതും എന്നാൽ തന്ത്രപരവുമായ ലോകത്ത് നാവിഗേറ്റ് ചെയ്യുന്ന ഒരു പുറംനാട്ടുകാരൻ്റെ സാഹസികവും വിനോദപ്രദവുമായ യാത്രയാണ് മൾട്ടി-ജെനർ പ്രോജക്റ്റ് വാഗ്ദാനം ചെയ്യുന്നതെന്നും റിപ്പോർട്ടുകൾ പറയുന്നു.“ഒരു പുതിയ കഥ പ്രേക്ഷകർക്കായി അവതരിപ്പിക്കുന്ന ഒരു പ്രത്യേക ദിവസമാണിത്. റെഡ് ചില്ലീസ് എന്റർടെയിൻമെന്റും ആര്യൻ ഖാനും അവരുടെ പുതിയ സീരീസ് നെറ്റ്ഫ്ളിക്സ് ഇന്ത്യയിൽ പ്രദർശിപ്പിക്കാനുള്ള യാത്ര ആരംഭിക്കുന്നതിനാൽ ഇന്നത്തെ ദിവസം കൂടുതൽ സവിശേഷമാണ്. ഓർക്കുക, ഷോ ബിസിനസ്സ് പോലെ ഒരു ബിസിനസ്സ് ഇല്ല,”എക്‌സിൽ ആര്യൻ്റെ ആദ്യ സംവിധാനത്തെക്കുറിച്ച് ഷാരൂഖ് കുറിച്ചു. 

It’s a special day when a new story is being presented for the audience. Today is even more special as @RedChilliesEnt and Aryan Khan embark on their journey to showcase their new series on @NetflixIndia . Here’s to untamed story telling….controlled chaos…gutsy scenes and lots… pic.twitter.com/8v0eBzRZ6S

— Shah Rukh Khan (@iamsrk) November 19, 2024

ഹിറ്റ് ഡാർക്ക് കോമഡി ചിത്രമായ ഡാർലിംഗ്, നിരൂപക പ്രശംസ നേടിയ ക്രൈം ഡ്രാമ ഭക്ഷക്, കോപ്-ഡ്രാമ ഫിലിം ക്ലാസ് ഓഫ് '83, സോംബി ഹൊറർ സീരീസ് ബീറ്റാൽ, സ്പൈ ത്രില്ലർ സീരീസ് ബാർഡ് ഓഫ് ബ്ലഡ് എന്നിവയ്ക്ക് ശേഷം നെറ്റ്ഫ്ലിക്സും റെഡ് ചില്ലീസ് എൻ്റർടൈൻമെൻ്റും ഒന്നിക്കുന്ന ആറാമത്തെ സംരംഭമാവും ആര്യന്റെ സീരീസ്. 

Read More

• പെട്ടെന്ന് പുരികവും കൺപീലിയും നരച്ചു; അപൂർവ്വ രോഗത്തെ കുറിച്ച് ആൻഡ്രിയ
• ബജറ്റ് 35 കോടി, ആകെ നേടിയത് 2 കോടി മാത്രം; ഒരു വർഷത്തിനിപ്പുറം ആ ദിലീപ് ചിത്രം ഒടിടിയിലേക്ക്
• എന്നെ കാണാൻ വിക്കി ആദ്യം കൂട്ടാക്കിയിരുന്നില്ല; പ്രണയനാളുകളെ കുറിച്ച് നയൻതാര
• അക്കാ, നിങ്ങൾക്ക് നാണമില്ലേ?: നയൻതാരയുടെ ബന്ധമറിഞ്ഞ് ധനുഷ് വിളിച്ചതിനെ കുറിച്ച് രാധിക