അക്കാ, നിങ്ങൾക്ക് നാണമില്ലേ?: നയൻതാരയുടെ ബന്ധമറിഞ്ഞ് ധനുഷ് വിളിച്ചതിനെ കുറിച്ച് രാധിക

സിനിമാലോകത്ത് നയൻതാര- വിഘ്നേഷ് ശിവൻ പ്രണയത്തെ കുറിച്ച് ആദ്യം അറിഞ്ഞ ആളുകളിൽ ഒരാൾ ധനുഷാണ്. ധനുഷ് പറഞ്ഞാണ് താനും ആ ബന്ധത്തെ കുറിച്ച് അറിഞ്ഞതെന്ന് നടി രാധിക ശരത് കുമാർ പറയുന്നു. നാനും റൗഡി താൻ എന്ന ചിത്രത്തിൽ വിഘ്നേഷിനും നയൻതാരയ്ക്കുമൊപ്പം രാധിക ശരത്കുമാറും പ്രവർത്തിച്ചിട്ടുണ്ട്. ഈ ചിത്രത്തിന്റെ ഷൂട്ടിംഗിനിടയിലാണ് നയൻതാരയും വിഘ്നേഷും പ്രണയത്തിലായത്.

ചിത്രത്തിൻ്റെ നിർമ്മാണ സമയത്ത് നയൻതാരയുടെയും വിഘ്നേഷിൻ്റെയും വളർന്നുവരുന്ന ബന്ധത്തെ കുറിച്ച് ആദ്യം സംസാരിച്ചത് ധനുഷ് ആണെന്ന് നയൻതാര: ബിയോണ്ട് ദി ഫെയറിടെൽ എന്ന ഡോക്യുമെന്ററിയിൽ രാധിക പറയുന്നു. ഇക്കാര്യം പറഞ്ഞുകൊണ്ട് ധനുഷിൽ നിന്നും വന്ന ഫോൾ കോളിനെ കുറിച്ചും രാധിക ഡോക്യുമെന്ററിയിൽ പറയുന്നുണ്ട്.

“ധനുഷ് എന്നെ വിളിച്ച് പറഞ്ഞു, ‘സഹോദരി, നിങ്ങൾക്ക് നാണമില്ലേ?"എന്നു ചോദിച്ചു. ഞാൻ, ‘അവൻ എന്താണ് പറയുന്നത്?’ എന്നായി. ‘എന്താണ് സംഭവിക്കുന്നതെന്ന് നിങ്ങൾക്കറിയില്ലേ? വിക്കിയും നയനും ഡേറ്റിംഗിലാണെന്ന് നിങ്ങൾക്കറിയില്ലേ?’ എന്നവൻ ചോദിച്ചു. ‘എന്താടാ നീ പറയുന്നത്. എനിക്കൊന്നും അറിയില്ലായിരുന്നു." എന്നു ഞാനും പറഞ്ഞു. 

അതേസമയം, നയൻതാരയും ധനുഷും തമ്മിലുള്ള പ്രശ്നങ്ങളും സമൂഹമാധ്യമങ്ങളിൽ വലിയ രീതിയിൽ ചർച്ചയാവുകയാണ്. ധനുഷുമായുള്ള തൻ്റെ പ്രശ്‌നങ്ങൾ അഭിസംബോധന ചെയ്ത് നയൻതാര എഴുതിയ തുറന്ന കത്താണ് വ്യാപകമായ ചർച്ചകൾക്ക് വഴിയൊരുക്കിയത്.

 നാനും റൗഡി താൻ എന്ന സിനിമയിലെ ബിഹൈൻഡ് സീനിൽ നിന്നുള്ള മൂന്ന് സെക്കൻഡ് ക്ലിപ്പ് നെറ്റ്ഫ്ലിക്‌സിൽ ഉപയോഗിച്ചതിന് ധനുഷ് 10 കോടി രൂപ നഷ്ടപരിഹാരം ആവശ്യപ്പെട്ടുകൊണ്ട് കേസ് നൽകിയെന്ന് നയൻതാര പറഞ്ഞു. 

Read More

• എന്നെ കാണാൻ വിക്കി ആദ്യം കൂട്ടാക്കിയിരുന്നില്ല; പ്രണയനാളുകളെ കുറിച്ച് നയൻതാര
• ആദ്യത്തെ അര മണിക്കൂറിൽ പ്രശ്നമുണ്ട്, പക്ഷേ; 'കങ്കുവ'യുടെ കുറവുകൾ അംഗീകരിച്ച് ജ്യോതിക
• ധനുഷിനെ വിമർശിച്ചിതിനു പിന്നാലെ നയൻതാരയ്ക്കുനേരെ വ്യാപക സൈബർ ആക്രമണം
• ധനുഷ് നയൻതാരയ്ക്ക് കൊടുക്കാത്ത വീഡിയോ ക്ലിപ്പുകൾ എന്താണ്? എന്ത് കൊണ്ടാണ് അത് അവർക്ക് പ്രധാനപ്പെട്ടതാകുന്നത്?
• ഇത്രയും തരം താഴാമോ ധനുഷ്? ദൈവം എല്ലാം കാണുന്നുണ്ട്: നയൻ‌താര