അച്ഛന്റെ വിയോഗത്തിൽ മനംനൊന്ത് സാമന്ത; വികാരനിര്‍ഭരമായി കുറിപ്പ്

തെന്നിന്ത്യൻ താരം സാമന്ത റൂത്ത് പ്രഭുവിൻ്റെ പിതാവ് ജോസഫ് പ്രഭു അന്തരിച്ചു. മരണ വിവരം സാമന്ത തന്റെ ഇൻസ്റ്റഗ്രാം അക്കൗണ്ടിലൂടെ അറിയിച്ചിട്ടുണ്ട്. വികാരനിര്‍ഭരമായ കുറിപ്പ് പങ്കുവച്ചുകൊണ്ടാണ് അച്ഛന്റെ മരണ വിവരം താരം പുറത്തുവിട്ടത്.

"അച്ഛാ, ഞങ്ങള്‍ വീണ്ടും കണ്ടുമുട്ടും," ഇൻസ്റ്റഗ്രാം സ്റ്റോറിയിൽ സാമന്ത കുറിച്ചു. പിതാവിൻ്റെ വിയോഗത്തിൽ, സാമന്തയും കുടുംബവും ഏറെ ദുഖകരമായ അവസ്ഥയിലൂടെയാണ് കടന്നുപോകുന്നത്. ഈ അവസരത്തിൽ ആരാധകരും മാധ്യമങ്ങളും താരത്തിന്റെയും കുടുംബത്തിന്റെയും സ്വകാര്യത മാനിക്കണമെന്ന് അഭ്യർത്ഥിക്കുന്നതായി സാമന്തയുടെ വക്താവ് അറിയിച്ചു.

ജോസഫ് പ്രഭുവിന്റെയും നിനെറ്റ് പ്രഭുവിൻ്റെയും മകളായി ചെന്നൈയിൽ ജനിച്ച സാമന്ത, തൻ്റെ വളർച്ചയിൽ കുടുംബം വഹിച്ച പങ്ക് പലപ്പോഴും ആരാധകരുമായി പങ്കുവച്ചിട്ടുണ്ട്. തന്റെ കരിയറിൽ കുടുംബ നൽകിയ പിന്തുണയും താരപദവിയിലേക്കുള്ള യാത്രയിൽ അത് എങ്ങനെ സഹായിച്ചു എന്നതിനെക്കുറിച്ചും താരം തുറന്നു പറഞ്ഞിട്ടുണ്ട്.

അതേസമയം, തെലുങ്ക് താരം നാഗ ചൈതന്യയുമായുള്ള വിവാഹമോചനത്തിന് ശേഷം തനിക്കു നേരിടേണ്ടി വന്ന സാമൂഹിക സമ്മർദ്ദങ്ങളെയും അധിക്ഷേപങ്ങളെയും കുറിച്ച് കഴിഞ്ഞ ദിവസം സാമന്ത മനസ്സ് തുറന്നിരുന്നു. വിവാഹമോചനത്തിന് ശേഷം താൻ  "സെക്കൻഡ് ഹാൻഡ്" എന്ന് ലേബൽ ചെയ്യപ്പെട്ടതിനെ കുറിച്ചും സാമന്ത സംസാരിച്ചു. അടുത്തിടെ നടന്ന ഒരു അഭിമുഖത്തിലാണ് ഇന്ത്യൻ സമൂഹത്തിൽ വ്യാപിച്ചുകിടക്കുന്ന ആഴത്തിലുള്ള പുരുഷാധിപത്യത്തെയും ലൈംഗികതയെയും സാമന്ത ഉയർത്തിക്കാട്ടിയത്. 

Read More

• നാഗ ചൈതന്യ- ശോഭിത വിവാഹ ഒരുക്കങ്ങൾ തുടങ്ങി; പ്രീ വെഡ്ഡിംഗ് ചിത്രങ്ങൾ
• ഞാനൊരു ബഡഗയെ വിവാഹം കഴിക്കണമെന്നാണ് അവരെന്നോട് പറഞ്ഞത്: സായ് പല്ലവി: Sai Pallavi marriage statement
• ധനുഷ് നയൻതാരയ്ക്ക് കൊടുക്കാത്ത വീഡിയോ ക്ലിപ്പുകൾ എന്താണ്? എന്ത് കൊണ്ടാണ് അത് അവർക്ക് പ്രധാനപ്പെട്ടതാകുന്നത്?
• Vivekanandan Viralanu OTT: വിവേകാനന്ദൻ വൈറലാണ് ഇപ്പോൾ ഒടിടിയിൽ കാണാം
• എന്റെ മകളുടെ പേര് ഞാൻ ശരീരത്തിൽ ടാറ്റൂ ചെയ്തിട്ടുണ്ട്: പാർവതി