ഇഷ്ടപ്പെട്ട നടന്മാരെല്ലാം മലയാളികൾ; എറ്റവും ഇഷ്ടം... സാമന്ത പറയുന്നു

ഇന്ത്യയൊട്ടാകെ നിരവധി ആരാധകരുള്ള ചലച്ചിത്ര താരമാണ് സാമന്ത റൂത്ത് പ്രഭു. കേരളത്തിലടക്കം പ്രേക്ഷക സ്വീകാര്യതയുള്ള സാമന്ത, ആരോഗ്യ പ്രശ്നങ്ങളെ തുടർന്ന് കുറച്ചു കാലമായി അഭിനയത്തിൽ നിന്ന് വിട്ടുനിൽക്കുകയായിരുന്നു. മയോസൈറ്റിസ് രോഗത്തിന്റെ പിടിയിലായിരുന്നെന്നും വീണ്ടും ചലച്ചിത്ര മേഖലയിലേക്ക് മടങ്ങി വരികയാണെന്നും താരം തന്നെ അടുത്തിടെ ആരാധകരെ അറിയിച്ചിരുന്നു.

കഴിഞ്ഞ ദിവസം തെടുപുഴയിൽ ഒരു സ്വകാര്യ ചടങ്ങിനിടെ സാമന്ത പറഞ്ഞ വാക്കുകളാണ് ശ്രദ്ധനേടുന്നത്. തനിക്ക് പ്രീയപ്പെട്ട താരങ്ങളെല്ലാം മലയാളം നടന്മാരാണെന്ന് സാമന്ത വെളിപ്പെടുത്തി. ഹിന്ദി, തെലുങ്ക്, തമിഴ് തുടങ്ങി ഏതു ഭാഷകളിലെ നടന്മാരെയെടുത്താലും തനിക്ക് ഏറ്റവും ഇഷ്ടം 'മമ്മൂക്കയേയും, ഫഹദ് ഫാസിലി'നെയുമാണെന്ന് സാമന്ത പറഞ്ഞു. അടുത്തിടെ മമ്മൂട്ടിക്കൊപ്പം ഒരു പരസ്യത്തിൽ അഭിനയിച്ചതായും സാമന്ത കൂട്ടിച്ചേർത്തു.

"ഞാൻ മമ്മൂക്കയ്ക്കൊപ്പം ഒരു പരസ്യത്തിൽ അഭിനയിച്ചു. ഷൂട്ടിനിടെ  ഞാൻ വിറയ്ക്കുകയായിരുന്നു. കാരണം ഞാൻ അദ്ദേഹത്തിന്റെ വലിയ ആരാധികയാണ്. 'കാതൽ ദ കോർ' എന്ന ചിത്രം വളരെ അധികം ഇഷ്ടമാണ്," സാമന്ത പറഞ്ഞു.

തന്റെ പ്രിയപ്പെട്ട അഭിനേതാക്കൾ മമ്മൂട്ടിയും ഫഹദ് ഫാസിലുമാണെന്ന് അടുത്തിടെ ഇൻസ്റ്റഗ്രാം സ്റ്റോറിയിലൂടെയും സാമന്ത പങ്കുവച്ചിരുന്നു. 'കാതൽ' 2023ലെ ഏറ്റവും മകച്ച ചിത്രമാണെന്നും സാമന്ത അഭിപ്രായപ്പെട്ടിരുന്നു. "മമ്മൂട്ടി സാര്‍, നിങ്ങള്‍ എന്റെ ഹീറോയാണ്. ഒരുപാട് കാലത്തേക്ക് ഈ പ്രകടനം ഉണ്ടാക്കിയ ആഘാതത്തില്‍ നിന്ന് പുറത്തു കടക്കാന്‍ സാധിക്കില്ലാ," സാമന്ത പറഞ്ഞു.

Read More Entertainment Stories Here

• "മോനേ ആ കൂളിങ് ഗ്ലാസ് അങ്ങ് ഊരിയേക്ക്... 'ആ' ഇനി വെച്ചോ," വീണ്ടും വൈറലായി മമ്മൂട്ടി
• പൂർണനഗ്നനായി ആ സീനിൽ അഭിനയിക്കാൻ ഭാസിയ്ക്ക് സെക്കന്റുകൾ പോലും ആലോചിക്കേണ്ടി വന്നില്ല: ചിദംബരം പറയുന്നു
• മഞ്ഞുമ്മൽ വഴി കമൽഹാസനിലേക്ക്, ഒരു ഫാൻ ബോയിക്ക് ഇതിൽ കൂടുതൽ എന്തുവേണം: ചിദംബരം
• 30 വർഷത്തെ കഷ്ടപ്പാട്, നല്ല വേഷത്തിനായി പലരോടും കെഞ്ചി, കളിയാക്കലുകൾ കേട്ടു, ഒടുവിൽ ഒരു മലയാളി വേണ്ടി വന്നു: കരച്ചിലടക്കാനാവാതെ തമിഴ് നടൻ
• മമ്മൂട്ടിയുടെ മകളായും കാമുകിയായും അമ്മയായും അഭിനയിച്ച നടിയാണിത്; ആളെ മനസ്സിലായോ?