മഞ്ഞുമ്മൽ വഴി കമൽഹാസനിലേക്ക്, ഒരു ഫാൻ ബോയിക്ക് ഇതിൽ കൂടുതൽ എന്തുവേണം: ചിദംബരം

ചിദംബരം സംവിധാനം ചെയ്ത മഞ്ഞുമ്മൽ ബോയ്സ് മികച്ച പ്രേക്ഷക പ്രീതി നേടി കൊണ്ട് തിയേറ്ററുകളിൽ മുന്നേറുകയാണ്. യഥാർത്ഥ സംഭവകഥയെ ആസ്പദമാക്കി ഒരുക്കിയ ചിത്രത്തിന് വലിയ രീതിയിലുള്ള നിരൂപക പ്രശംസയാണ് ലഭിക്കുന്നത്. 

മഞ്ഞുമ്മൽ ബോയ്സിന്റെ തുടക്കത്തിൽ തന്നെ ഉലകനായകൻ കമൽഹാസന് നന്ദി പറയുന്നുണ്ട്. കമൽഹാസന്റെ ഗുണ എന്ന ചിത്രത്തിന്റെ റഫറൻസുകളും ചിത്രത്തിൽ ധാരാളമുണ്ട്. ഗുണയിലെ 'കൺമണി അൻപോട് കാതലൻ' എന്നു തുടങ്ങുന്ന ഗാനവും മഞ്ഞുമ്മൽ ബോയ്സിൽ മനോഹരമായി സമന്വയിപ്പിച്ചിട്ടുണ്ട്. 

താൻ ഞാൻ വലിയൊരു കമൽഹാസൻ ഫാനാണ് എന്ന കാര്യം അഭിമുഖങ്ങളിൽ ചിദംബരം തുറന്നു പറയുകയും ചെയ്തിരുന്നു. "ഞാൻ വലിയൊരു കമൽ ഹാസൻ ഫാൻ ആണ്. അദ്ദേഹം ഒരു നടൻ മാത്രമല്ല ഒരു  നല്ലൊരു ഫിലിം മേക്കർ കൂടിയാണ്. വളരെ ബ്രില്ല്യന്റായ സംവിധായകനാണ്. എന്നെ വളരെയധികം സ്വാധീനിച്ച പടങ്ങളാണ് വിരുമാണ്ടി പോലെയുള്ള ചിത്രങ്ങളൊക്കെ.  ഹീ വാസ് ബോൺ ഫോർ ഫിലിം. ചെറുപ്പത്തിലെ ബാലതാരമായി സിനിമയിൽ വന്നയാളാണ് അദ്ദേ​ഹം. അദ്ദേഹത്തിന്റെ മുപ്പത് വയസ്സുമുതൽ ഹീ ഈസ് എ മാസ്റ്റർ. ഈ സിനിമ കാരണം എങ്കിലും എനിക്ക് കമൽ ഹാസനെ കാണാൻ പറ്റിയിരുന്നെങ്കിൽ എന്നാണ് എന്റെ ആ​ഗ്രഹം," ചിദംബരത്തിന്റെ വാക്കുകളിങ്ങനെ.

ഒടുവിൽ, ചിദംബരം എന്ന ആ ഫാൻ ബോയുടെ ആഗ്രഹം സാധിച്ചിരിക്കുകയാണ്. ചെന്നൈയിൽ വച്ച് മഞ്ഞുമ്മൽ ബോയ്സ് ടീമിനൊപ്പം കമൽഹാസനെ കണ്ടിരിക്കുകയാണ് ചിദംബരം. "നിങ്ങൾ സിനിമയിൽ കണ്ടതല്ല, ഇതാണ് മഞ്ഞുമ്മൽ ബോയ്സിന്റെ യഥാർത്ഥ ക്ലൈമാക്സ്," എന്നാണ് ഉലകനായകനുമായുള്ള കൂടിക്കാഴ്ചയെ കുറിച്ച് ചിദംബരം പറഞ്ഞത്.  

View this post on Instagram

A post shared by Chidambaram (@__chidambaram__)

കമൽഹാസനു വേണ്ടി മഞ്ഞുമ്മൽ ബോയ്സിന്റ പ്രത്യേക പ്രീമിയർ ഷോയും സംഘടിപ്പിച്ചിരുന്നു. ‘ഗുണ’ സംവിധായകൻ സന്താനഭാരതിയും പ്രീമിയർ കാണാൻ എത്തിയിരുന്നു. മഞ്ഞുമ്മൽ സിനിമയെ പറ്റി ചോദിച്ചറിഞ്ഞും ഗുണ ഷൂട്ടിംഗ് അനുഭവങ്ങളുമൊക്കെ പങ്കുവച്ചും ഏതാണ്ട് ഒരു മണിക്കൂറോളം ചിദംബരത്തിനും ടീമിനുമൊപ്പം ചെലവഴിച്ചാണ് കമൽഹാസൻ മടങ്ങിയത്. 

View this post on Instagram

A post shared by Manjummel Boys (@manjummelboysthemovie)

Read More Entertainment Stories Here

• 30 വർഷത്തെ കഷ്ടപ്പാട്, നല്ല വേഷത്തിനായി പലരോടും കെഞ്ചി, കളിയാക്കലുകൾ കേട്ടു, ഒടുവിൽ ഒരു മലയാളി വേണ്ടി വന്നു: കരച്ചിലടക്കാനാവാതെ തമിഴ് നടൻ
• ദീപിക പദുകോൺ ഗർഭിണി; സന്തോഷ വാർത്ത പങ്കുവച്ച് രൺവീർ സിങ്
• മമ്മൂട്ടിയുടെ മകളായും കാമുകിയായും അമ്മയായും അഭിനയിച്ച നടിയാണിത്; ആളെ മനസ്സിലായോ?
• ഈ മനുഷ്യനൊരു മുത്താണ്: ഗോപി സുന്ദറിനെ കുറിച്ച് മയോനി
• മഞ്ഞ ഉടുപ്പ്, കറുത്ത കണ്ണട, ചുവന്ന ഫോൺ; മഞ്ജുവിന്റെ പുതിയ 'കളർ' പടങ്ങൾ