"രക്ഷപെട്ടത് മരണത്തിൽ‌നിന്ന്;" രശ്മിക മന്ദാന യാത്രചെയ്ത വിമാനം അടിയന്തരമായി താഴെയിറക്കി

നടി രശ്മിക മന്ദാന യാത്രചെയ്ത വിമാനം അടിയന്തരമായി താഴെയിറക്കി. മുംബൈയിൽ നിന്ന് ഹൈദരാബാദിലേക്ക് യാത്രതിരിച്ച എയർ വിസ്താര വിമാനമാണ് സാങ്കേതിക തകരാറിനെ തുടർന്ന് എമർജൻസി ലാൻഡിങ്ങ് നടത്തിയത്. മരണത്തിൽ നിന്ന് രക്ഷപെട്ടെന്ന് രശ്മിക തന്നെ സോഷ്യൽ മീഡിയയിലൂടെ പങ്കുവയ്ക്കുകയും ചെയ്തു.

നടി ശ്രദ്ധ ദാസുമായുള്ള സെൽഫിയോടൊപ്പമാണ്, രശ്മിക സംഭവം വെളിപ്പെടുത്തിയത്. 'ഇങ്ങനെയാണ് ഞങ്ങൾ ഇന്ന് മരണത്തിൽ‌നിന്ന് രക്ഷപ്പെട്ടത്' എന്ന കുറിപ്പും ഇൻസ്റ്റഗ്രാം സ്റ്റോറിയിൽ താരം പങ്കുവച്ചു. തകരാറിനെ തുടർന്ന് കാലുകൾ ഫുട്ബോർഡിൽ ശക്തമായി ചവിട്ടി സാഹചര്യം നേരിടുന്ന ചിത്രങ്ങളും താരം പങ്കുവച്ചു.

മുംബൈയിൽ നിന്ന് ഹൈദരാബാദിലേക്ക് പുറപ്പെട്ടവിമാനം, ടർബുലൻസിനെ തുടർന്ന് 30 മിനിട്ടിന് ശേഷം മുംബൈലേക്ക് മടങ്ങിയെത്തിയതായി ഡെക്കാൻ ക്രോണിക്കിൾ റിപ്പോർട്ട് ചെയ്തു.

രൺബീർ കപൂർ നായകനായ അനിമൽ എന്ന ചിത്രത്തിൻ്റെ റിലീസിലൂടെ കരിയറിലെ ഏറ്റവും വലിയ വിജയമാണ് താരത്തെ തേടിയെത്തിയത്. പാൻ ഇന്ത്യൻ ചിത്രമായ പുഷ്പയുടെ വിജയത്തിന് ശേഷം. രണ്ടാം ഭാഗമായ പുഷ്പ: ദി റൂളിന്റെ തിരക്കിലാണ് താരം. പുഷ്പയിലെ ശ്രീവല്ലിയെന്ന കഥാപാത്രം നിരവധി ആരാധകരെയാണ് രശ്മികയ്ക്ക് നേടിക്കൊടുത്തത്. 2024 ഓഗസ്റ്റ് 15ന്, പുഷ്പാ: ദി റൂൾ തിയേറ്ററുകളിലെത്തും.

Read More Entertainment Stories Here

• എന്താണ് സുഹാനിയുടെ മരണത്തിനു കാരണമായ അപൂർവരോഗം?
• ബർഫി നിർമ്മിക്കാമെന്ന് പറഞ്ഞപ്പോൾ പരാജയമാകുമെന്ന് പറഞ്ഞ് വിലക്കിയത് രൺബീർ: രൺധീർ കപൂർ
• ഹോപിന് ഒന്നാം പിറന്നാൾ; ഒരു 'ഫീൽ ഗുഡ്' വീഡിയോയുമായി ബേസിൽ ജോസഫ്
• ഗീതയ്ക്ക് ഒപ്പമുള്ള ഈ സൂപ്പർ സ്റ്റാറിനെ മനസ്സിലായോ?
• ശ്രീദേവിയോട് 'യെസ്' പറയിപ്പിക്കാൻ ബച്ചൻ ഇറക്കിയത് ഒരു ട്രക്ക് നിറയെ റോസാപൂക്കൾ