എന്താണ് സുഹാനിയുടെ മരണത്തിനു കാരണമായ അപൂർവരോഗം?

ദംഗൽ എന്ന ബോളിവുഡ് ചിത്രത്തിലൂടെ ശ്രദ്ധനേടിയ നടിയാണ് സുഹാനി ഭട്‌നഗർ. സുഹാനിയുടെ മരണവാർത്ത ഞെട്ടലോടെയാണ് ചലച്ചിത്രലോകം ഏറ്റെടുത്തത്. നടിയുടെ മരണത്തിനു പിന്നാലെ 19കാരിയായ സുഹാനിക്ക് അപൂർവ രോഗമായ ഡെര്‍മറ്റോമയോസിറ്റിസ് ആയിരുന്നെന്ന് വെളിപ്പെടുത്തിയിരിക്കുകയാണ് കുടുംബം. രണ്ടുമാസം മുൻപ് രോഗം ലക്ഷണങ്ങൾ കണ്ടുതുടങ്ങിയിരുന്നതായും, 10 ദിവസം എയിംസ് ആശുപത്രിയിൽ ചികിത്സയിലായിരുന്നെന്നും സുഹാസിനിയുടെ മാതാപിതാക്കൾ മാധ്യമങ്ങളെ അഭിസംബോധന ചെയ്തു പറഞ്ഞു.

രണ്ടുമാസം മുൻമ്പ്, സുഹാനിയുടെ കൈകളിൽ നീരു കണ്ടുതുടങ്ങിയിരുന്നു. നീര് പതിയെ ശരീരത്തിന്റെ​ എല്ലാ ഭാഗത്തേക്കും വ്യാപിച്ചു. ആശുപത്രിയിൽവെച്ച് ചെറിയ അണുബാധയുണ്ടാകുകയും, ഇത് ശ്വാസകോശത്തിൽ ഉൾപ്പെടെ ശരീരത്തിൽ ദ്രാവകം അടിഞ്ഞുകൂടാൻ കാരണമാകുകയും ചെയ്തു.

വെൻ്റിലേഷന്റെ സഹായമുണ്ടായിട്ടും, ശരീരത്തിലെ ഓക്സിജൻ നിലനിർത്താനായില്ല. സുഹാനിക്ക് നൽകിയ സ്റ്റിറോയിഡുകൾ രോഗപ്രതിരോധ സംവിധാനത്തെ ബാധിച്ചതും രോഗം മൂർച്ഛിക്കാൻ​ കാരണമായി. ഇതോടെയാണ് ഡെര്‍മറ്റോമയോസിറ്റിസ് എന്ന അപൂര്‍വ രോഗമാണ് മകളെ ബാധിച്ചതെന്ന് തിരിച്ചറിഞ്ഞതെന്ന് മാതാപിതാക്കൾ പറഞ്ഞു.

സുഹാനിക്ക് വെൻ്റിലേറ്ററിൽ സഹായം നൽകിയ ശേഷവും ഓക്‌സിജൻ്റെ അളവ് വളരെ കുറവായിരുന്നുവെന്നും, വെറ്റിലേറ്ററില്‍ തുടരവെ മരണം സംഭവിക്കുകയായിരുന്നെന്നും, എയിംസ് ആശുപത്രിയിലെ ഡോക്ടർമാർ പറഞ്ഞു.

സുഹാനിയുടെ മരണത്തിൽ ദുഃഖം പങ്കുവച്ച്, ആമിർ ഖാൻ്റെ പ്രൊഡക്ഷൻ ഹൗസ് അനുശോചനം രേഖപ്പെടുത്തിയിരുന്നു. "ഞങ്ങളുടെ സുഹാനിയുടെ മരണത്തിൽ അതിയായ ദുഃഖമുണ്ട്. അമ്മ പൂജാജീക്കും മറ്റുകുടുംബാംഗങ്ങൾക്കും ഞങ്ങളുടെ ഹൃദയംഗമമായ അനുശോചനം. ഇത്രയും കഴിവുള്ള ഒരു പെൺകുട്ടി, ടീം പ്ലെയർ, സുഹാനി ഇല്ലായിരുന്നെങ്കിൽ ദംഗൽ പൂർണ്ണമാകില്ലായിരുന്നു. സുഹാനി, നീ എന്നും ഞങ്ങളുടെ ഹൃദയത്തിൽ ഒരു നക്ഷത്രമായി നിലനിൽക്കും," പ്രൊഡക്ഷൻ ഹൗസ് എക്സിൽ പങ്കുവച്ചു.

Read More Entertainment Stories Here

• ബർഫി നിർമ്മിക്കാമെന്ന് പറഞ്ഞപ്പോൾ പരാജയമാകുമെന്ന് പറഞ്ഞ് വിലക്കിയത് രൺബീർ: രൺധീർ കപൂർ
• ഹോപിന് ഒന്നാം പിറന്നാൾ; ഒരു 'ഫീൽ ഗുഡ്' വീഡിയോയുമായി ബേസിൽ ജോസഫ്
• ഗീതയ്ക്ക് ഒപ്പമുള്ള ഈ സൂപ്പർ സ്റ്റാറിനെ മനസ്സിലായോ?
• ശ്രീദേവിയോട് 'യെസ്' പറയിപ്പിക്കാൻ ബച്ചൻ ഇറക്കിയത് ഒരു ട്രക്ക് നിറയെ റോസാപൂക്കൾ
• ആ ചുംബന രംഗം ചിത്രീകരിക്കുമ്പോൾ കരിഷ്മയുടെ അമ്മ 3 ദിവസവും ലൊക്കേഷനിലുണ്ടായിരുന്നു: രാജാ ഹിന്ദുസ്ഥാനി സംവിധായകൻ പറയുന്നു
• എന്തെല്ലാം തരത്തിലുള്ള ചിരികളാ, ഇതൊക്കെ എങ്ങനെ സാധിക്കുന്നു; വൈറലായി വീഡിയോ