ജയിലർ 2 ഷൂട്ടിങ്; രജനികാന്ത് അട്ടപ്പാടിയിൽ

Rajanikanth at Attapaddi: ജയിലർ 2 സിനിമയുടെ ചിത്രീകരണത്തിനായി സൂപ്പർ സ്റ്റാർ രജനികാന്ത് അട്ടപ്പാടിയിൽ. വ്യാഴാഴ്ച വൈകീട്ടോടെയാണ് താരം അട്ടപ്പാടിയിൽ എത്തിയത്. ഷോളയൂർ പഞ്ചായത്തിലെ ഗോഞ്ചിയൂർ, വരംഗംപാടി എന്നിവടങ്ങളിലാണ് ചിത്രത്തിൻറെ ചിത്രീകരണമെന്നാണ് വിവരം.

ജയിലർ 2 വിന്റെ ഷൂട്ടിങ്ങിനായി രജനീകാന്ത് അട്ടപ്പാടിയിൽ എത്തി pic.twitter.com/TvDuKpLTAG

— IE malayalam (@IeMalayalam) April 11, 2025

നെൽസൺ ദിലീപ്കുമാർ സംവിധാനം ചെയ്ത ബ്ലോക് ബസ്റ്റർ ചിത്രം ജയിലറിന്റെ രണ്ടാം ഭാഗമാണ് ജയിലർ 2. മുത്തുവേൽ പാണ്ഡ്യൻ എന്ന കഥാപാത്രത്തെയാണ് ചിത്രത്തിൽ രജനികാന്ത് അവതരിപ്പിക്കുന്നത്. 2023ൽ ആയിരുന്നു ജയിലർ റിലീസ് ചെയ്തത്. ആഗോള ബോക്‌സ് ഓഫീസിൽ നിന്ന് 600 കോടിയിലേറെ നേടിയ ചിത്രമാണ് ജയിലർ. കഴിഞ്ഞ ജനുവരി 14-നായിരുന്നു ചിത്രത്തിന്റെ രണ്ടാം ഭാഗം സംബന്ധിച്ചുള്ള ഔദ്യോഗീക പ്രഖ്യാപനം ഉണ്ടായത്. 

അനിരുദ്ധ് രവിചന്ദർ തന്നെയാണ് രണ്ടാം ഭാഗത്തിൻറെയും സംഗീത സംവിധാനം നിർവ്വഹിക്കുന്നത്. ആദ്യ ഭാഗം പോലെതന്നെ ആക്ഷൻ രംഗങ്ങളാൽ സമ്പന്നമായിരിക്കും രണ്ടാം ഭാഗവുമെന്നാണ് പുറത്തുവരുന്ന വിവരം. 

സൂപ്പർ ഹിറ്റ് ചിത്രം അയ്യപ്പനും കോശിയിലൂടെയും മലയാളികൾക്ക് സുപരിചിതമാണ് അട്ടപ്പാടിയിലെ ലൊക്കേഷനുകൾ. എം.ടി. വാസുദേവൻ നായരുടെ തിരക്കഥയിൽ മോഹൻലാൽ നായകനായ താഴ്വാരം, പൃഥിരാജ് ചിത്രം വെള്ളിത്തിര തുടങ്ങി നിരവധി മലയാള ചിത്രങ്ങൾളുടെ ലൊക്കേഷനായിരുന്നു അട്ടപ്പാടി. നിരവധി തമിഴ് ചിത്രങ്ങളും അട്ടപ്പാടിയുടെ വിവിധ ഭാഗങ്ങളിൽ ചിത്രീകരിച്ചിട്ടുണ്ട്. 

Read More

• 'എമ്പുരാൻ' സിനിമയ്ക്കെതിരായ നിർമ്മാതാക്കളുടെ സമരം കഥയറിഞ്ഞിട്ടോ?; കെ ബി ഗണേശ് കുമാർ
• Maranamass Review: സീൻ ഡാർക്കാണെങ്കിലും ചിരിയ്ക്കുള്ള വകയുണ്ട്; മരണമാസ് റിവ്യൂ
• സുന്ദരിയായ അമ്മയുടെ അതിസുന്ദരിയായ മകൾ; ഈ നടിയെ മനസ്സിലായോ?
• മമ്മൂട്ടിയുടെ മുതൽ രജനീകാന്തിന്റെ വരെ നായികയായ നടി; ആളെ മനസ്സിലായോ?
• സ്ഥലത്തെ പ്രധാന കുട്ടി ചട്ടമ്പി, വലിയ പൊക്കക്കാരി; ഈ സൂപ്പർസ്റ്റാറിനെ മനസ്സിലായോ?