ഇങ്ങേരു ശരിക്കും ഇലുമിനാറ്റി തന്നെയോ?; പണ്ടു പറഞ്ഞതെല്ലാം അച്ചെട്ടാവുകയാണല്ലോ!; ഞെട്ടിച്ചു പൃഥ്വിയുടെ ത്രോബാക്ക് വീഡിയോ

ലൂസിഫറിന്റെ വിജയത്തിനു പിന്നാലെ കേരളത്തിൽ ഹിറ്റായ വാക്കാണ് 'ഇല്ലുമിനാറ്റി.' സോഷ്യൽ മീഡിയ ട്രോളന്മാരെ സംബന്ധിച്ച് ഇല്ലുമിനാറ്റിയുടെ കേരളത്തിലെ ബ്രാൻഡ് അംബാസിഡറാണ് പൃഥ്വിരാജ്. പൃഥ്വിരാജിന്റെ പഴയ അഭിമുഖങ്ങൾ സോഷ്യൽ മീഡിയയിൽ പ്രത്യക്ഷപ്പെട്ടാൽ, അതിലെ സ്ഥിരം കമന്റുകളിൽ ഒന്നാണ് 'പൃഥ്വിരാജ് ഇലുമിനാറ്റി ആണോ' എന്നത്.

ഇപ്പോഴിതാ പൃഥ്വിരാജിന്റെ സമാനമായൊരു വീഡിയോയാണ് വീണ്ടും ശ്രദ്ധനേടുന്നത്. പഴയ ഒരു അഭിമുഖത്തിൽ നിന്നുള്ള വീഡിയോയാണിത്. ഭാവിയിൽ സാധ്യമാക്കേണ്ട ആഗ്രഹങ്ങളും ലക്ഷ്യങ്ങളുമെല്ലാം പൃഥ്വി തുറന്നു പറയുന്നതാണ് വീഡിയോ. തമിഴിൽ അഭിനയിക്കണമെന്നും, താരമാകണമെന്നും, തന്റെ മലയാളം സിനിമ തമിഴ്നാട്ടിൽ പ്രദർശിപ്പിച്ച് വിജയിപ്പിക്കണമെന്നുമെല്ലാമാണ് പൃഥ്വി അഭിമുഖത്തിൽ പറയുന്നത്.

തന്റെ ആഗ്രഹങ്ങളിൽ ഭൂരിഭാഗവും പൃഥ്വി സാധിച്ചിരിക്കുന്നു എന്നതാണ് ആരാധകരെ അടക്കം വീഡിയോ കാണുന്നവരെയെല്ലാം അമ്പരപ്പിക്കുന്നത്. 

അതേസമയം, മലയാളം, തമിഴ്, തെലുങ്ക്, ഹിന്ദി, കന്നഡ തുടങ്ങി വിവിധ ഭാഷകളിലായാണ് പൃഥ്വിരാജ് സംവിധാനം ചെയ്യുന്ന ബ്രഹ്മാണ്ഡ ചിത്രമായ എമ്പുരാൻ റിലീസിന് എത്തുന്നത്. മോഹൻലാൽ നായകനാകുന്ന ചിത്രത്തിൽ വൻ താരനിരയാണ് അണിനിരക്കുന്നത്. ഐമാക്സിൽ എത്തുന്ന എമ്പുരാനായി വലിയ പ്രതീക്ഷയോടെയാണ് സിനിമ ലോകം കാത്തിരിക്കുന്നത്. മാർച്ച് 27-ന് ആണ് ചിത്രത്തിന്റെ വേൾഡ് വൈഡ് റിലീസ്.

മോഹൻലാൽ, മഞ്ജുവാര്യർ, ടൊവിനോ തോമസ്, സച്ചിൻ ഖേദേക്കർ, പൃഥ്വിരാജ്, ഇന്ദ്രജിത്ത്, ശിവദ, സായ് കുമാർ, ഫാസിൽ, സുരാജ് വെഞ്ഞാറമൂട്, കാർത്തികേയ ദേവ്, ഒസിയേൽ ജിവാനി, സത്യജിത്ത് ശർമ, ശുഭാംഗി ലത്കർ, ഐശ്വര്യ ഒജ്ഹ, നിഖാത് ഖാൻ, അലക്സ് ഒ'നെൽ, ബെഹ്സാദ് ഖാൻ, അനീഷ് ജി. മേനോൻ, ജെയ്സ് ജോസ്, നൈല ഉഷ, ജിലു ജോൺ, മൈക്ക് നോവിക്കോവ്, ശിവജി ഗുരുവായൂർ, മുരുഗൻ മാർട്ടിൻ, മണിക്കുട്ടൻ, നയൻ ഭട്ട്, ബൈജു സന്തോഷ്, നന്ദു, സാനിയ ഇയ്യപ്പൻ,  എറിക് എബൗനി, സ്വകാന്ത് ഗോയൽ, ആൻഡ്രിയ തിവാദർ, ജെറോം ഫ്ലിൻ, അഭിമന്യു സിംഗ്, കാർത്തിക് എന്നിവരാണ് എമ്പുരാനിലെ പ്രധാന അഭിനേതാക്കൾ.

Read More

• എമ്പുരാൻ റിലീസ്; വിദ്യാർത്ഥികൾക്ക് അവധി പ്രഖ്യാപിച്ച് ബെംഗളൂരുവിലെ കോളേജ്
• ഈ പടക്കളത്തിലേക്കാണല്ലോ ദൈവമേ സ്പ്ലെൻഡറും കൊണ്ട് ഇറങ്ങിയത്!
• മലയാളത്തിന്റെ അഭിമാനതാരം വളർന്ന വീടാണിത്
• 15-ാം വയസ്സുമുതൽ അമ്മയ്ക്കും 5 സഹോദരങ്ങൾക്കും തണലായവൾ; ഈ നടിയെ മനസ്സിലായോ?
• Empuraan and the Illuminati: എന്താണ് സത്യത്തിൽ ഈ ഇല്ലുമിനാറ്റി?
• 'ചേട്ടൻ വിളിച്ചിട്ട് വന്നവൻ' തന്നെ ചേട്ടന് എതിരാവുമോ? എമ്പുരാനിലെ വില്ലൻ ടൊവിനോയോ?