60 വയസ്സിൽ പൃഥ്വിരാജ് എങ്ങനെയിരിക്കുമെന്ന് അവതാരകൻ; തഗ്ഗടിച്ച് നിഖില

വർഷങ്ങൾക്കു മുൻപ്, മനോരമയുടെ നേരെ ചൊവ്വേയിൽ അതിഥിയായി എത്തിയപ്പോൾ, തന്റെ ഭാവിയെ കുറിച്ചും കയ്യെത്തി തൊടാൻ ആഗ്രഹിക്കുന്ന സ്വപ്നങ്ങളെ കുറിച്ചുമൊക്കെ പൃഥ്വി പറഞ്ഞ വാക്കുകൾ വലിയ രീതിയിൽ ശ്രദ്ധ നേടിയിരുന്നു. 20 വർഷങ്ങൾക്കിപ്പുറമുള്ള പൃഥ്വിരാജ് എന്തായിരിക്കുമെന്ന് പൃഥ്വി പറഞ്ഞ വാക്കുകളെല്ലാം പിൽക്കാലത്ത് സത്യമായി തീരുന്ന കാഴ്ചയാണ് പ്രേക്ഷകർ കണ്ടത്.  

പല കാര്യങ്ങളും പ്രെഡിക്റ്റ് ചെയ്യുന്ന നടൻ, ഇല്യുമിനാറ്റി തുടങ്ങിയ വിളിപ്പേരുകളും ആരാധകർ പൃഥ്വിയ്ക്ക് ചാർത്തി കൊടുക്കാറുണ്ട്. അടുത്തിടെ, ഗുരുവായൂരമ്പല നടയിൽ എന്ന ചിത്രത്തിന്റെ പ്രമോഷൻ അഭിമുഖങ്ങൾക്കിടയിലും പൃഥ്വിയ്ക്ക് സമാനമായൊരു ചോദ്യം നേരിടേണ്ടി വന്നു. 

" രാജുവേട്ടൻ കുറെ വർഷങ്ങൾക്ക് മുൻപ് ഇപ്പോഴത്തെ പൃഥ്വിരാജിന്റെ കരിയർ എങ്ങനെ ആയിരിക്കും എന്ന് പ്രെഡിക്ട് ചെയ്തിരുന്നല്ലോ," എന്നായിരുന്നു അവതാരകയുടെ ചോദ്യം. അവതാരകയുടെ ചോദ്യം മുഴുമിക്കും മുൻപു തന്നെ പൃഥ്വിരാജിനു കാര്യം പിടികിട്ടി. "അടുത്ത പത്ത് വർഷം എങ്ങനെ ആയിരിക്കും എന്ന് പറയണോ?" എന്നായിരുന്നു പൃഥ്വിയുടെ മറുചോദ്യം.

"അറുപതുകളിൽ പൃഥ്വിരാജ് എങ്ങനെ ആയിരിക്കും എന്ന് പറയാമോ?" എന്ന് അവതാരക ചോദ്യം ആവർത്തിച്ചു.

പക്ഷേ, അവതാരകയേയും പൃഥ്വിയേയും ഞെട്ടിച്ചുകൊണ്ട് ഉത്തരം പറഞ്ഞത് ഗുരുവായൂരമ്പല നടയിൽ എന്ന ചിത്രത്തിൽ പൃഥ്വിയുടെ സഹതാരം കൂടിയായി നിഖില വിമലാണ്. 

"വയ്യായിരിക്കും... ഒട്ടും വയ്യ," എന്നായിരുന്നു നിഖിലയുടെ ഉത്തരം.  

View this post on Instagram

A post shared by @parunthinkannan

നിഖിലയുടെ മറുപടി കേട്ട് ചിരിക്കുന്ന പൃഥ്വിയേയും വീഡിയോയിൽ കാണാം. . 

"ഇതിപ്പോ ബേസിൽ ജോസഫിന്റെ വുമൺ വേർഷൻ ആയല്ലോ നിഖില," എന്നാണ് സോഷ്യൽ മീഡിയയുടെ കമന്റ്.

Read More Entertainment Stories Here

• ടർബോയ്ക്കു പാടിക്കഴിയാതെ തനിക്കിവിടുന്ന് പോവാൻ അനുവാദല്ല്യ!
• എനിക്ക് ഹിന്ദിയറിയൂലാന്ന് ആരു പറഞ്ഞു, സുഗമ പരീക്ഷക്ക് നൂറായിരുന്നു മാർക്ക്: ബേസിൽ
• ഒത്തൊരുമയുടെ 42വർഷം; വിവാഹ വാർഷികത്തിൽ ഓർമ്മ ചിത്രവുമായി ബാലചന്ദ്രമേനോൻ
• കൺഫ്യൂഷൻ തീർക്കണമേ, ജയറാമിനു മുന്നിൽ സർപ്രൈസ് ഡാൻസുമായി മരുമകൻ, ചിരിയോടെ പാർവതിയും മാളവികയും; വീഡിയോ
• അയാൾക്കൊപ്പം അഭിനയിച്ചു കൊതി തീർന്നില്ല, അതിനു വേണ്ടിമാത്രം ആവേശത്തിന്റെ രണ്ടാം ഭാഗം ചെയ്യാൻ ആഗ്രഹമുണ്ട്: ഫഹദ്