New OTT Release This Week: സൂക്ഷ്മദർശിനി മുതൽ സബർമതി റിപ്പോർട്ട് വരെ: ഈ ആഴ്ചയിലെ ഒടിടി റിലീസുകള്‍

New OTT Release This Week: നെറ്റ്ഫ്ലിക്സ്, ഡിസ്നി പ്ലസ് ഹോട്ട്സ്റ്റാർ, സി ഫൈവ് എന്നിങ്ങനെ വിവിധ സ്ട്രീമിംഗ് പ്ലാറ്റ്ഫോമുകളിലൂടെ പുതിയ ഏതാനും ചിത്രങ്ങൾ കൂടി ഒടിടിയിലേക്ക് എത്തുകയാണ്.ഈ ആഴ്ച ഒടിടിയിൽ എത്തിയ ഏറ്റവും പുതിയ ചിത്രങ്ങൾ ഏതെന്നു നോക്കാം. 

Sookshmadarshini OTT: സൂക്ഷ്മദർശിനി ഒടിടിയിൽ

Sookshmadarshini OTT Release Date & Platform: നസ്രിയ നസീം -ബേസിൽ ജോസഫ് എന്നിവരെ കേന്ദ്രകഥാപാത്രങ്ങളാക്കി എം സി സംവിധാനം ചെയ്ത സൂപ്പർഹിറ്റ് ചിത്രം 'സൂക്ഷ്മദർശിനി' ഒടിടിയിൽ എത്തി. ദീപക് പറമ്പോല്‍, സിദ്ധാർത്ഥ് ഭരതൻ, കോട്ടയം രമേശ്, അഖില ഭാർഗവൻ, പൂജ മോഹൻരാജ്, മെറിൻ ഫിലിപ്പ്, മനോഹരി ജോയ്, ഹെസ്സ മെഹക്ക്, ഗോപൻ മങ്ങാട്, ജയ കുറുപ്പ്, റിനി ഉദയകുമാർ, ജെയിംസ്, നൗഷാദ് അലി,  അപർണ റാം, സരസ്വതി മേനോൻ, അഭിറാം രാധാകൃഷ്ണൻ തുടങ്ങിയവരാണ് ചിത്രത്തിലെ മറ്റു പ്രധാന അഭിനേതാക്കൾ. 

ഹാപ്പി ഹവേർസ് എന്‍റർടെയ്ൻമെന്‍റ്സിന്റെയും എ വി എ പ്രൊഡക്ഷൻസിന്റെയും ബാനറുകളില്‍ സമീർ താഹിർ, ഷൈജു ഖാലിദ്, എ വി അനൂപ് എന്നിവർ ചേര്‍ന്നാണ് സൂക്ഷ്മദർശിനി നിര്‍മിച്ചത്. ലിബിനും അതുലും ചേർന്നാണ് ചിത്രത്തിന്റെ തിരക്കഥ ഒരുക്കിയത്. ശരൺ വേലായുധൻ ഛായാഗ്രഹണവും, എഡിറ്റിംഗ് ചമൻ ചാക്കോയും സംഗീതം ക്രിസ്റ്റോ സേവ്യറും നിർവ്വഹിച്ചു. ഡിസ്‍നി പ്ലസ് ഹോട്‍സ്റ്റാറിലാണ്  സൂക്ഷ്മദർശിനി സ്ട്രീമിംഗ് ആരംഭിച്ചിരിക്കുന്നത്.

The Sabarmati Report: ദി സബർമതി റിപ്പോർട്ട് ഒടിടിയിൽ 

വിക്രാന്ത് മാസെ നായകനായ 'സബർമതി റിപ്പോർട്ട്' ഒടിടിയിലെത്തി.  2002ലെ ഗോധ്ര ട്രെയിൻ കത്തിക്കലിനെ ആസ്പദമാക്കിയുള്ളതാണ് ചിത്രം. സബർമതി എക്‌സ്‌പ്രസ് തീപിടിത്തത്തിൻ്റെ യഥാർത്ഥ കാരണത്തെക്കുറിച്ചുള്ള മാധ്യമപ്രവർത്തകൻ്റെ അന്വേഷണമാണ് ചിത്രത്തിന്റെ പ്രമേയം.  

ധീരജ് സർണ സംവിധാനം ചെയ്ത ചിത്രത്തിൽ റാഷി ഖന്ന, റിദ്ദി ദോഗ്ര എന്നിവരും പ്രധാന കഥാപാത്രങ്ങളെ അവതരിപ്പിച്ചു.  പത്രപ്രവർത്തകനായ സമർ കുമാർ എന്ന കഥാപാത്രത്തെയാണ് വിക്രാന്ത് അവതരിപ്പിച്ചത്, അമൃത ഗില്ലായി റാഷിയും മണിക രാജ് പുരോഹിതായി റിദ്ദിയും അഭിനയിച്ചു. Zee5ൽ ആണ് ചിത്രം സ്ട്രീമിംഗ് ആരംഭിച്ചിരിക്കുന്നത്. 

Black Warrant OTT: ബ്ലാക്ക് വാറൻ്റ് 

തിഹാർ ജയിലിൻ്റെ ദുഷ്‌കരമായ യാഥാർത്ഥ്യങ്ങളുമായി പൊരുത്തപ്പെടാൻ ശ്രമിക്കുന്ന പുതുതായി സ്ഥലം മാറിയെത്തുന്ന ഒരു സൂപ്രണ്ടിൻ്റെ കഥയാണ് ഈ ഗ്രിപ്പിംഗ് സീരീസ് പറയുന്നത്. സുനിൽ ഗുപ്തയുടെയും സുനേത്ര ചൗധരിയുടെയും 2019 ലെ 'ബ്ലാക്ക് വാറൻ്റ്: കൺഫെഷൻസ് ഓഫ് എ തിഹാർ ജയിലർ' എന്ന പുസ്തകത്തെ അടിസ്ഥാനമാക്കി ഒരുക്കിയ സീരീസ് ആണിത്.  സഹാൻ കപൂർ, പരംവീർ സിംഗ് ചീമ, അനുരാഗ് ഠാക്കൂർ, സിദ്ധാന്ത് ഗുപ്ത എന്നിവരാണ് പ്രധാന അഭിനേതാക്കൾ. ബ്ലാക്ക് വാറൻ്റ്  ഇപ്പോൾ നെറ്റ്ഫ്ളിക്സിൽ  കാണാം. 

ഉടനെ ഒടിടിയിൽ എത്തുന്ന മറ്റു ചിത്രങ്ങൾ 

Pani OTT: പണി ഒടിടിയിലേക്ക്

Pani OTT Release Date & Platform: ജോജു ജോർജ് ആദ്യമായി സംവിധാനം ചെയ്ത മലയാളം ആക്ഷൻ ത്രില്ലർ ചിത്രമായ പണി ഒടിടിയിലേക്ക്. ജോജു, അഭിനയ, സാഗർ സൂര്യ, ജുനൈസ് എന്നിവർക്കൊപ്പം സീമ, ചാന്ദിനി ശ്രീധരൻ, പ്രശാന്ത് അലക്‌സാണ്ടർ, സുജിത് ശങ്കർ തുടങ്ങിയവരും ചിത്രത്തിലുണ്ട്.

വിഷ്ണു വിജയ്, സാം സി എസ് എന്നിവർ ചേർന്നാണ് സംഗീതം ഒരുക്കിയത്. ഛായാഗ്രഹണം വേണു ഐ എസ് സിയും ജിൻ്റോ ജോർജും ചേർന്ന്  നിർവ്വഹിച്ചു. സോണി ലിവ് ആണ് ചിത്രത്തിന്റെ സ്ട്രീമിംഗ് അവകാശം സ്വന്തമാക്കിയത്. ജനുവരി 16ന് ചിത്രം ഒടിടിയിൽ എത്തും.

I Am Kathalan OTT: ഐ ആം കാതലൻ ഒടിടിയിലേക്ക് 

യുവതാരം നസ്‌ലെനും സംവിധായകൻ ഗിരീഷ് എ.ഡിയും ഒന്നിച്ച ചിത്രമാണ് ഐ ആം കാതലൻ. ഒരു ദേശി ഹാക്കറുടെ കഥ പറഞ്ഞ ചിത്രം ഒടിടി റിലീസിനൊരുങ്ങുകയാണ്. 

ലിജോമോള്‍ ജോസ്, ദിലീഷ് പോത്തൻ, അനിഷ്‍മ അനില്‍കുമാര്‍, വിനീത് വാസുദേവൻ, സജിൻ ചെറുകയില്‍, വിനീത് വിശ്വം, സരണ്‍ പണിക്കര്‍, അര്‍ജുൻ കെ, ശനത് ശിവരാജ്, അര്‍ഷാദ് അലി എന്നിവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നുണ്ട്. ചിത്രത്തിന്റെ തിരക്കഥ ഒരുക്കിയത് സജിൻ ചെറുകയിലാണ്. ഛായാഗ്രാഹണം ശരണ്‍ വേലായുധൻ. സംഗീതം സിദ്ധാര്‍ഥ് പ്രദീപ്.

മനോരമ മാക്സിലൂടെയാണ് ഐ ആം കാതലൻ ഒടിടിയിലെത്തുന്നത്. ചിത്രം ജനുവരി 17ന് ഒടിടിയിൽ എത്തും. 

Read More

• 'ചേച്ചി ഇനി കരയരുത്, അടുത്ത സിനിമയിൽ നമ്മൾ ഒരുമിച്ച് അഭിനയിക്കും;' ഹൃദയം കവർന്ന് ആസിഫ് അലി
• സിനിമയുടെ മാജിക് അനുഭവിച്ചറിയാം, ഇവിടെ തിരക്കഥയാണ് താരം; രേഖാചിത്രം റിവ്യൂ: Rekhachithram Review
• Ennu Swantham Punyalan Review: കോമഡിയും സസ്പെൻസും അടങ്ങിയൊരു ഡീസന്റ് ത്രില്ലർ; എന്ന് സ്വന്തം പുണ്യാളൻ റിവ്യൂ
• രേഖാചിത്രത്തിൽ മമ്മൂട്ടി ഉണ്ടോ?; ആസിഫ് അലി പറയുന്നു
• ഒരു തുമ്പ് കിട്ടിയാൽ തുമ്പ വരെ പോകും;' ഡിക്​റ്റക്ടീവ് ഡൊമിനിക്കായി മമ്മൂട്ടി; ട്രെയിലര്‍
• 'കസേര പിടിച്ചിടാന്‍ പോലും യുവജനോത്സവ വേദിയിൽ കയറിയിട്ടില്ല;' വിജയികൾക്ക് സർപ്രൈസുമായി ആസിഫ് അലി
• പോരാട്ടത്തിനു ഒപ്പം നിന്നവർക്കു നന്ദി: ഹണി റോസ്