സൗഹൃദം പങ്കിട്ട് താരറാണിമാർ; നയൻതാരയ്ക്കും ജ്യോതികയ്ക്കുമൊപ്പം നമ്രത

ജൂലൈ 12ന് മുംബൈയിൽ നടന്ന അനന്ത് അംബാനിയുടെയും രാധിക മെർച്ചൻ്റിന്റെയും വിവാഹചടങ്ങിൽ നിരവധി താരങ്ങളും പ്രമുഖ വ്യക്തിത്വങ്ങളും പങ്കെടുത്തു. ബോളിവുഡിനൊപ്പം തമിഴകത്തു നിന്നും തെലുങ്ക്, മലയാളം ഇൻഡസ്ട്രിയിൽ നിന്നുമുള്ള താരങ്ങളും വിവാഹവേദിയിൽ സാന്നിധ്യം അറിയിച്ചിരുന്നു. തെലുങ്ക് സൂപ്പർസ്റ്റാർ മഹേഷ് ബാബു വിവാഹത്തിനെത്തിയത് ഭാര്യയും മുൻകാല നടിയുമായ നമ്രത ശിരോദ്കറിനും മകൾ സിതാരയ്‌ക്കൊപ്പമായിരുന്നു.

ചടങ്ങിൽ നിന്നുള്ള നിരവധി ചിത്രങ്ങൾ നമ്രത തൻ്റെ സോഷ്യൽ മീഡിയയിൽ പങ്കിട്ടു. അക്കൂട്ടത്തിൽ താരറാണിമാരായ നയൻതാരയ്ക്കും ജ്യോതികയ്ക്കുമൊപ്പമുള്ള നമ്രതയുടെ ചിത്രമാണ് ശ്രദ്ധ നേടുന്നത്.

View this post on Instagram

A post shared by Namrata Shirodkar (@namratashirodkar)

അംബാനി കുടുംബത്തിലെ ഗ്രാൻഡ് വെഡ്ഡിംഗിനു റോയൽ ലുക്കിലാണ് മൂവരും എത്തിയത്. മനോഹരമായി നെയ്തെടുത്ത ഒരു ഗോൾഡൻ സാരിയാണ് നയൻതാര തിരഞ്ഞെടുത്തത്. സ്റ്റേറ്റ്മെന്റ് നെക്ലേസ് നയൻതാരയുടെ ലുക്കിനു മാറ്റുകൂട്ടി.

നമ്രത ശിരോദ്കർ ധാരാളം എംബ്രോയ്ഡറി വർക്കുകളുള്ള ഐവറി കളർ ഷരാര സെറ്റാണ് അണിഞ്ഞത്. ഡിസൈനർ നെക്ലേസും കമ്മലുകളും നമ്രതയുടെ ലുക്കിന് റോയൽ ഫീൽ നൽകി. പിങ്ക് ബോർഡറുള്ള ഗോൾഡൻ യെല്ലോ നിറത്തിലുള്ള പരമ്പരാഗത സിൽക്ക് സാരിയായിരുന്നു ജ്യോതികയുടെ വേഷം. ലേയേർഡ് ഗ്രീൻ ബീഡഡ് നെക്ലേസ്, അനുയോജ്യമായ കമ്മലുകൾ, ഒരു ബ്രേസ്ലെറ്റ് എന്നിവയാൽ ജ്യോതിക തന്റെ ലുക്കിനെ ആക്‌സസറൈസ് ചെയ്തു.

Read More Stories Here

• തങ്കമേ, എൻ ഉലകമായവളേ; നയൻതാരയ്ക്കു സ്നേഹചുംബനമേകി വിഘ്നേഷ്, ചിത്രങ്ങൾ
• അനന്ത് അംബാനിയും രാധിക മെർച്ചന്റും വിവാഹിതരായി, ആദ്യ ചിത്രങ്ങൾ പുറത്ത്
• അംബാനി കല്യാണം കൂടി നയൻതാരയും; വീഡിയോ
• നൂർ ജലീലയെ എനിക്ക് നേരത്തെയറിയാം, ഞങ്ങൾ പഴേ ഫ്രണ്ട്സാ: മമ്മൂട്ടി
• ആ പാട്ട് ഷൂട്ട് ചെയ്തത് നാലര വർഷം കൊണ്ട്: ഹിറ്റ് ഗാനത്തിനു പിന്നിലെ കഥ പറഞ്ഞ് ശിൽപ്പ ഷെട്ടി