അയ്യനെ കണ്ട് അനുഗ്രഹം തേടി മോഹൻലാൽ ശബരിമലയിൽ

ബിഗ് ബജറ്റ് ചിത്രമായ 'എമ്പുരാന്റെ' റിലീസിന് ദിവസങ്ങൾ മാത്രം ബാക്കി നിൽക്കെ ശബരിമലയിൽ ദർശനം നടത്തി നടൻ മോഹൻലാൽ. പമ്പയിൽ നിന്ന് കെട്ട് നിറച്ചാണ് മോഹൻലാൽ മല ചവിട്ടിയത്. സുഹൃത്തുക്കൾക്കൊപ്പമായിരുന്നു സൂപ്പർസ്റ്റാറിന്റെ ശബരിമല ദർശം.

പമ്പയിൽ എത്തിയ മോഹൻലാലിന്റെ ചിത്രങ്ങളും വീഡിയോകളും സാമൂഹ്യ മാധ്യമങ്ങളിൽ വൈറലാകുന്നുണ്ട്. പമ്പയിൽ വച്ച് ദേവസ്വം ബോർഡ് അധികൃതർ താരത്തെ സ്വീകരിച്ചിരുന്നു. നാളെ പുലർച്ചെ നിർമാല്യം തൊഴുതശേഷമായിരിക്കും മോഹൻലാൽ മലയിറങ്ങുക എന്നാണ് വിവരം. 

View this post on Instagram

A post shared by Filmy Monks 🤙 (@filmy_monks)

അതേസമയം, മലയാളം സിനിമ ചരിത്രത്തിൽ ഏറ്റവുമധികം ഹൈപ്പിലെത്തുന്ന ചിത്രമാണ് എമ്പുരാൻ. മാർച്ച് 27നാണ് ചിത്രത്തിന്റെ ആഗോള റിലീസ് നിശ്ചയിച്ചിരിക്കുന്നത്. മോഹൻലാലിനെ നായകനാക്കി നടൻ പൃഥ്വിരാജ് സംവിധാനം ചെയ്യുന്ന എമ്പുരാൻ, ബ്ലോക്ബസ്റ്റർ ചിത്രമായ ലൂസിഫറിന്റെ രണ്ടാം ഭാഗമാണ്.

View this post on Instagram

A post shared by 🔰MOHANLAL FANS CORNER OFFICIAL 🔰[ M.F.C ]👑 (@mohanlalfans_corner_official)

മാർച്ച് 27ന് പുലർച്ചെ ആറിനാണ് എമ്പുരാന്റെ ഫസ്റ്റ് ഷോ ആരംഭിക്കുക. നിർമ്മാതാക്കളായ ആശിർവാദ് സിനിമാസിനും ലൈക്ക പ്രൊഡക്ഷൻസിനുമിടയിലുള്ള അഭിപ്രായവ്യത്യാസങ്ങളുടെ പേരിൽ ചിത്രത്തിന്റെ റിലീസ് നീട്ടിവെക്കുമോ എന്ന ആശങ്കകൾക്കിടെ, ശ്രീ ഗോകുലം മൂവീസും ചിത്രവുമായി സഹകരിച്ചാണ് ചിത്രം നിശ്ചയിച്ച തീയതിയിൽ തന്നെ തിയേറ്ററുകളിൽ എത്തിക്കുന്നത്. 

ഹോളിവുഡ്, ബോളിവുഡ് താരങ്ങള്‍ അടക്കം വന്‍ താരനിരയാണ് ചിത്രത്തിലുള്ളത്. മോഹൻലാൽ, മഞ്ജുവാര്യർ, ടൊവിനോ തോമസ്, സച്ചിൻ ഖേദേക്കർ, പൃഥ്വിരാജ്, ഇന്ദ്രജിത്ത്, ശിവദ, സായ് കുമാർ, ഫാസിൽ, സുരാജ് വെഞ്ഞാറമൂട്, കാർത്തികേയ ദേവ്, ഒസിയേൽ ജിവാനി, സത്യജിത്ത് ശർമ, ശുഭാംഗി ലത്കർ, ഐശ്വര്യ ഒജ്ഹ, നിഖാത് ഖാൻ, അലക്സ് ഒ'നെൽ , ബെഹ്സാദ് ഖാൻ, അനീഷ് ജി മേനോൻ, ജെയ്സ് ജോസ്, നൈല ഉഷ, ജിലു ജോൺ, മൈക്ക് നോവിക്കോവ് തുടങ്ങി വമ്പൻ താരനിരയാണ് ചിത്രത്തിൽ അണിനിരക്കുന്നത്.

Read More

• Empuraan Trailer: എല്ലാവരും കാത്തിരിക്കുന്ന ആ ട്രെയിലർ ആദ്യം കണ്ടത് തലൈവർ; ഫാൻ ബോയ് മൊമന്റ് പങ്കിട്ട് പൃഥ്വിരാജ്
• ബ്രോ ഡാഡിയിൽ ജോൺ കാറ്റാടി ആവേണ്ടിയിരുന്നത് മമ്മൂട്ടി; വെളിപ്പെടുത്തി പൃഥ്വിരാജ്
• നൃത്തത്തിനൊടുവിൽ വിതുമ്പി കരഞ്ഞ് നവ്യ: ആശ്വസിപ്പിച്ച് കാണിക്കൾക്കിടയിൽ നിന്നൊരു മുത്തശ്ശി; വീഡിയോ
• Empuraan: മുണ്ടുടുത്ത് ന്യൂയോർക്കിലെ ടൈം സ്ക്വയറിലെത്തി മോഹൻലാൽ ഫാൻസ്; എമ്പുരാന് ഗംഭീര വരവേൽപ്പ്
• പൃഥ്വിയുടെ 'ചെറിയ പട'ത്തിലെ വമ്പൻ താരനിര ഇവരൊക്കെയാണ്
• എമ്പുരാൻ ട്രെയിലർ എപ്പോൾ എത്തും? രാജുവിന്റെ കാര്യങ്ങളെല്ലാം സർപ്രൈസാണെന്ന് നന്ദു