എമ്പുരാൻ ട്രെയിലർ എപ്പോൾ എത്തും? രാജുവിന്റെ കാര്യങ്ങളെല്ലാം സർപ്രൈസാണെന്ന് നന്ദു

Empuraan  Trailer Release Update: മലയാള സിനിമാലോകവും തിയേറ്ററുകളും ഒന്നടങ്കം കാത്തിരിക്കുന്ന ചിത്രമായ എമ്പുരാൻ തിയേറ്ററുകളിൽ എത്താൻ ഇനി 13 ദിവസങ്ങൾ മാത്രം ബാക്കി. എന്നാൽ മലയാളത്തിൽ ഇതുവരെയുണ്ടായ ചിത്രങ്ങളിലേക്കു വച്ച് ഏറ്റവും വലിയ ബജറ്റിൽ ഒരുക്കിയ ഈ മാസ് ചിത്രത്തിന്റെ റിലീസുമായി ബന്ധപ്പെട്ട് വലിയ പ്രമോഷൻ പരിപാടികളൊന്നുമില്ല എന്നതാണ് പ്രേക്ഷകരെ അമ്പരപ്പിക്കുന്നത്. റിലീസിനു കഷ്ടിച്ച് രണ്ടാഴ്ച മാത്രം ശേഷിക്കുമ്പോഴും ചിത്രത്തിന്റെ പ്രമോഷനോ പുത്തൻ അപ്ഡേറ്റുകളോ എന്തിന് ട്രെയിലർ പോലും പുറത്തുവരുന്നില്ല. മാർച്ച് 27നാണ് ചിത്രത്തിന്റെ തിയേറ്റർ റിലീസ് പ്രഖ്യാപിച്ചിരിക്കുന്നത്.

എമ്പുരാൻ ട്രെയിലറെങ്കിലും ഒന്നിറക്കാമോ എന്ന ചോദ്യങ്ങളാണ് സോഷ്യൽ മീഡിയയിൽ എങ്ങും. 'ആർക്കെങ്കിലും എന്തെങ്കിലും അറിയുമെങ്കിൽ ദയവ് ചെയ്ത് പറ' എന്നാണ് ട്രോളന്മാരുടെ രോദനം.

എമ്പുരാൻ ട്രെയിലർ എപ്പോൾ വരും? എന്ന ചോദ്യത്തിനു നടൻ നന്ദു നൽകിയ മറുപടിയും ശ്രദ്ധ നേടുകയാണ്. ലൂസിഫറിലും എമ്പുരാനിലും പീതാംബരൻ എന്ന കഥാപാത്രത്തെ അവതരിപ്പിക്കുന്നത് നന്ദു ആണ്. 

"അതിനെ കുറിച്ച് എന്തെങ്കിലും  എനിക്ക് അറിയാമായിരുന്നെങ്കിൽ ഞാൻ പറഞ്ഞേനേ. നിലവിൽ എമ്പുരാനെ കുറിച്ചുള്ള അപ്ഡേറ്റ് ഒന്നുമറിയില്ല. പിന്നെ രാജുവിന്റെ കാര്യങ്ങളെല്ലാം  സർപ്രൈസാണല്ലോ. അതുകൊണ്ട് സർപ്രൈസ് ആയിട്ട് എന്തെങ്കിലുമൊക്കെ വരുമായിരിക്കും.. സിനിമ വരാൻ കുറച്ചു ദിവസങ്ങളേയുള്ളൂ. എല്ലാവരെയുംപോലെ ഞാനും എക്സൈറ്റഡാണ്. ബാക്കിയൊക്കെ  ജനങ്ങളുടെ കയ്യിലാണ്," നന്ദുവിന്റെ വാക്കുകളിങ്ങനെ.

ലൂസിഫറിന്റെ സീക്വലല്ല എമ്പുരാൻ എന്നും 3 സിനിമകളുള്ള ഫ്രാഞ്ചൈസിയിലെ സ്റ്റാൻഡ് എലോൺ ചിത്രമാണെന്നുമാണ് എമ്പുരാനെ കുറിച്ച് തിരക്കഥാകൃത്തായ മുരളി ഗോപി വ്യക്തമാക്കിയത്. 36 ഓളം കഥാപാത്രങ്ങളുടെ ക്യാരക്ടർ പോസ്റ്ററും കഴിഞ്ഞ ദിവസം പുറത്തുവന്നിരുന്നു. 

ലൈക്ക പ്രൊഡക്ഷൻസും ആശിർവാദ് സിനിമാസും ചേർന്നാണ് എമ്പുരാൻ നിർമിച്ചത്. ദീപക് ദേവ് സംഗീതവും സുജിത് വാസുദേവ് ഛായാഗ്രഹണവും അഖിലേഷ് മോഹൻ എഡിറ്റിംഗും നിർവ്വഹിച്ചിരിക്കുന്നു. വമ്പൻ താരനിരയാണ് ചിത്രത്തിലുള്ളത്.

Read More

• പൃഥ്വിയുടെ 'ചെറിയ പട'ത്തിലെ വമ്പൻ താരനിര ഇവരൊക്കെയാണ്
• New OTT Release: ഈ ആഴ്ച ഒടിടിയിലെത്തിയ 9 മലയാളചിത്രങ്ങൾ
• കഷ്ടപ്പാടുകളിലേക്ക് ഭാഗ്യദേവതയായി അവൾ എത്തിയപ്പോൾ; മാറിമറിഞ്ഞത് ബാബുവിന്റെ ജീവിതം
• അപ്പന്റെ സ്വപ്നം സഫലമാക്കിയ മകൻ; അമ്മയുടെ കയ്യിലിരിക്കുന്ന ഈ കൊച്ചുമിടുക്കൻ മലയാളത്തിന്റെ പ്രിയനടനാണ്