Empuraan Trailer: എല്ലാവരും കാത്തിരിക്കുന്ന ആ ട്രെയിലർ ആദ്യം കണ്ടത് തലൈവർ; ഫാൻ ബോയ് മൊമന്റ് പങ്കിട്ട് പൃഥ്വിരാജ്

Empuraan Trailer:  മലയാളത്തിലെ ബ്രഹ്മാണ്ഡ ചിത്രം എമ്പുരാൻ തിയേറ്ററുകളിൽ എത്താൻ ഇനി 9 ദിവസം കൂടി ബാക്കി. ചിത്രത്തിന്റെ ട്രെയിലർ എപ്പോൾ വരുമെന്നാണ് പ്രേക്ഷകർ ഒന്നടങ്കം ഉറ്റുനോക്കുന്നത്. ഏവരും കാത്തിരിക്കുന്ന ആ ട്രെയിലർ ആദ്യമായി കാണാനുള്ള അവസരം ലഭിച്ചിരിക്കുന്നത് രജനീകാന്തിനാണ്.

രജനീകാന്തിനെ ട്രെയിലർ കാണിച്ച സന്തോഷം പങ്കിടുകയാണ് പൃഥ്വിരാജ്. 
"L2E: EMPURAAN ട്രെയിലർ കണ്ട ആദ്യ വ്യക്തി. ട്രെയിലർ കണ്ടതിനു ശേഷം സർ പറഞ്ഞ വാക്കുകൾ ഞാൻ എന്നും ഓർക്കും! ഇതെനിക്കൊരുപാട് പ്രിയപ്പെട്ടതാണ്. എന്നെന്നും താങ്കളുടെ ഫാൻബോയ്!," എന്നാണ്  പൃഥ്വിരാജ് കുറിച്ചത്. 

മാർച്ച് 27ന് പുലർച്ചെ ആറിനാണ് എമ്പുരാന്റെ ഫസ്റ്റ് ഷോ ആരംഭിക്കുക. 
നിർമ്മാതാക്കളായ ആശിർവാദ് സിനിമാസിനും ലൈക്ക പ്രൊഡക്ഷൻസിനുമിടയിലുള്ള അഭിപ്രായവ്യത്യാസങ്ങളുടെ പേരിൽ ചിത്രത്തിന്റെ റിലീസ് നീട്ടിവെക്കുമോ എന്ന ആശങ്കകൾക്കിടെ, ശ്രീ ഗോകുലം മൂവീസും ചിത്രവുമായി സഹകരിക്കുകയായിരുന്നു. എമ്പുരാനൊപ്പം സഹകരിച്ച ഗോകുലം ഗോപാലന് പൃഥ്വിരാജും മറ്റു അണിയറ പ്രവർത്തകരും നന്ദി അറിയിച്ചിരുന്നു. 

ഹോളിവുഡ്, ബോളിവുഡ് താരങ്ങള്‍ അടക്കം വന്‍ താരനിരയാണ് ചിത്രത്തിലുള്ളത്. മോഹൻലാൽ, മഞ്ജുവാര്യർ, ടൊവിനോ തോമസ്, സച്ചിൻ ഖേദേക്കർ, പൃഥ്വിരാജ്, ഇന്ദ്രജിത്ത്, ശിവദ, സായ് കുമാർ, ഫാസിൽ, സുരാജ് വെഞ്ഞാറമൂട്, കാർത്തികേയ ദേവ്, ഒസിയേൽ ജിവാനി, സത്യജിത്ത് ശർമ, ശുഭാംഗി ലത്കർ, ഐശ്വര്യ ഒജ്ഹ, നിഖാത് ഖാൻ, അലക്സ് ഒ'നെൽ , ബെഹ്സാദ് ഖാൻ, അനീഷ് ജി മേനോൻ, ജെയ്സ് ജോസ്, നൈല ഉഷ, ജിലു ജോൺ, മൈക്ക് നോവിക്കോവ്, ശിവജി ഗുരുവായൂർ, മുരുഗൻ മാർട്ടിൻ, മണിക്കുട്ടൻ, നയൻ ഭട്ട്, ബൈജു സന്തോഷ്, നന്ദു, സാനിയ ഇയ്യപ്പൻ,  എറിക് എബൗനി, സ്വകാന്ത് ഗോയൽ, ആൻഡ്രിയ തിവാദർ, ജെറോം ഫ്ലിൻ, അഭിമന്യു സിംഗ്, കാർത്തിക് എന്നിവരുടെ ക്യാരക്ടർ പോസ്റ്ററുകളും റിലീസ് ചെയ്തിരുന്നു.

ദീപക് ദേവാണ് ചിത്രത്തിന് സംഗീതം ഒരുക്കുന്നത്. സുജിത് വാസുദേവ് ഛായാഗ്രഹണവും അഖിലേഷ് മോഹന്‍ എഡിറ്റിംഗും നിര്‍വഹിച്ചിരിക്കുന്നു.

Read More

• Empuraan: മുണ്ടുടുത്ത് ന്യൂയോർക്കിലെ ടൈം സ്ക്വയറിലെത്തി മോഹൻലാൽ ഫാൻസ്; എമ്പുരാന് ഗംഭീര വരവേൽപ്പ്
• പൃഥ്വിയുടെ 'ചെറിയ പട'ത്തിലെ വമ്പൻ താരനിര ഇവരൊക്കെയാണ്
• എമ്പുരാൻ ട്രെയിലർ എപ്പോൾ എത്തും? രാജുവിന്റെ കാര്യങ്ങളെല്ലാം സർപ്രൈസാണെന്ന് നന്ദു
• New OTT Release: ഈ ആഴ്ച ഒടിടിയിലെത്തിയ 9 മലയാളചിത്രങ്ങൾ
• കഷ്ടപ്പാടുകളിലേക്ക് ഭാഗ്യദേവതയായി അവൾ എത്തിയപ്പോൾ; മാറിമറിഞ്ഞത് ബാബുവിന്റെ ജീവിതം
• അപ്പന്റെ സ്വപ്നം സഫലമാക്കിയ മകൻ; അമ്മയുടെ കയ്യിലിരിക്കുന്ന ഈ കൊച്ചുമിടുക്കൻ മലയാളത്തിന്റെ പ്രിയനടനാണ്