ദുൽഖറിനെയോ പ്രണവിനെയോ ആരെയാണ് ഇഷ്ടം? അന്ന് ലാലേട്ടൻ പറഞ്ഞ ഉത്തരത്തിന്റെ ബാക്കിയാണ് ഈ ചിത്രം

മോഹൻലാലിനെ സംബന്ധിച്ച് ഫാസിൽ ഗുരുതുല്യനാണ്.  1980ൽ ഫാസിലിന്റെ 'മഞ്ഞിൽ വിരിഞ്ഞ പൂക്കൾ' എന്ന ചിത്രത്തിലൂടെയായിരുന്നു മോഹൻലാൽ സിനിമയിൽ അരങ്ങേറ്റം കുറിച്ചത്. പാച്ചിക്ക എന്നു എല്ലാവരും  സ്നേഹത്തോടെ വിളിക്കുന്ന ഫാസിലിനെയും കുടുംബത്തെയുമെല്ലാം അത്രയേറെ സ്നേഹത്തോടെ ജീവിതത്തിലേക്ക് ചേർത്തുപിടിക്കുന്ന ആളാണ് മോഹൻലാൽ.

കഴിഞ്ഞ ദിവസം, "എടാ മോനെ! ലവ് യൂ," എന്ന അടിക്കുറിപ്പോടെ മോഹൻലാൽ സോഷ്യൽ മീഡിയയിൽ പങ്കുവച്ച ചിത്രവും ശ്രദ്ധ നേടിയിരുന്നു. തന്നെ ഉമ്മ വയ്ക്കുന്ന ഫഹദിനെ ചേർത്തുപിടിയ്ക്കുന്ന മോഹൻലാലിനെയാണ് ചിത്രത്തിൽ കാണാനാവുക.

ആ ചിത്രത്തിനൊപ്പം മോഹൻലാലിന്റെ പഴയൊരു വീഡിയോയും വൈറലാവുകയാണ് ഇപ്പോൾ. ഒരു പ്രോഗ്രാമിനിടെ, പ്രണവിനെയാണോ ദുൽഖർ സൽമാനെയാണോ കൂടുതൽ ഇഷ്ടം എന്ന് കുട്ടികൾ ചോദിക്കുമ്പോൾ 'ഫഹദ് ഫാസിലിനെയാണ് എനിക്ക് കൂടുതലിഷ്ടം' എന്നാണ് മോഹൻലാലിന്റെ മറുപടി. ഏതാനും വർഷങ്ങൾക്കു മുൻപ് ഓണാഘോഷവുമായി ബന്ധപ്പെട്ട് ഫ്ളവേഴ്സ് ടിവിയുടെ ടോപ് സിംഗർ പ്രോഗ്രാമിൽ അതിഥിയായി എത്തിയപ്പോഴായിരുന്നു കുട്ടിഗായകരുടെ ചോദ്യങ്ങൾക്ക് മോഹൻലാൽ മറുപടി നൽകിയത്. 

"ദുൽഖർ സൽമാനും പ്രണവും എന്റെ മക്കൾ തന്നെയാണ്, പക്ഷേ കൂടുതലിഷ്ടം ഫഹദ് ഫാസിലിനെയാണ്," എന്നായിരുന്നു മോഹൻലാലിന്റെ വാക്കുകൾ.

View this post on Instagram

A post shared by 𝐑𝐚𝐠𝐡𝐮 𝐑𝐚𝐦 (@stories.of.raghuram)

Read More

• ഒടുവിൽ ഒരു ട്വിസ്റ്റ്; വിസ്മയ കാഴ്ചയായി 'കങ്കുവ;' ട്രയ്‌ലർഒടുവിൽ ഒരു ട്വിസ്റ്റ്; വിസ്മയ കാഴ്ചയായി 'കങ്കുവ;' ട്രയ്‌ലർ
• സമാധാനം കിട്ടാൻ പൂജ നടത്തിയതിന് എങ്ങനെ കേസുകൊടുക്കും; പൊട്ടിച്ചിരിപ്പിക്കാൻ 'ഭരതനാട്യം'; ട്രെയ്‌ലർ
• വയനാടിനൊപ്പം; 'തങ്കലാൻ' പ്രമോഷൻ കേരളത്തിൽ റദ്ദാക്കി; തുക ദുരിതാശ്വാസ നിധിയിലേക്ക്
• ദുരഭിമാനക്കൊല അക്രമമല്ല, മക്കളോടുള്ള മാതാപിതാക്കളുടെ കരുതല്‍; വിവാദ പരാമർശവുമായി നടൻ രഞ്ജിത്ത്
• ശോഭന ഇത്ര മനോഹരമായി പാടുമായിരുന്നോ? വൈറലായി ത്രോബാക്ക് വീഡിയോ