Malayalee From India OTT: മലയാളി ഫ്രം ഇന്ത്യ ഒടിടിയിലേക്ക്

നിവിൻ പോളിയെ നായകനാക്കി ഡിജോ ജോസ് ആന്റണി സംവിധാനം ചെയ്ത ചിത്രമാണ് ' മലയാളി ഫ്രം ഇന്ത്യ.' 'ജനഗണമന'യ്ക്ക് ശേഷം ഡിജോ ജോസ് ആന്റണിയും നിർമ്മാതാവ് ലിസ്റ്റിൻ സ്റ്റീഫനും വീണ്ടും ഒന്നിച്ച ചിത്രം കൂടിയാണിത്. മലയാളി എന്ന സ്വത്വവും യൂണിവേഴ്സൽ ബ്രദർഹുഡ് എന്ന സങ്കല്പവുമൊക്കെയാണ് 'മലയാളി ഫ്രം ഇന്ത്യ'യുടെ പ്രധാന പ്രമേയങ്ങൾ. ഇതിന്റെ പശ്ചാത്തലത്തിൽ മതം, രാഷ്ട്രീയം, സാമൂഹിക ഘടന തുടങ്ങി ഫെമിനിസം തുടങ്ങിയ കാര്യങ്ങളും ചർച്ച ചെയ്യാൻ സിനിമ ശ്രമിച്ചിട്ടുണ്ട്.

'വർഷങ്ങൾക്ക് ശേഷം' എന്ന ചിത്രത്തിലെ നിവിൻ പോളിയുടെ കഥാപാത്രം തിയേറ്ററുകളിൽ മികച്ച പ്രതികരണമാണ് നേടിയത്. വിജയ ശേഭയിൽ തിളങ്ങി നിൽക്കുന്ന നിവിന്റെ മടങ്ങിവരാവാകും മലയാളി ഫ്രം ഇന്ത്യയെന്നാണ് ആരാധകർ പ്രതീക്ഷിച്ചത്. എന്നാൽ പ്രതീക്ഷിച്ച വിജയം നേടാൻ ചിത്രത്തിനായില്ല. കോപ്പിയടി വിവാദങ്ങൾ ഉൾപ്പെടെ ആരോപണങ്ങളും ചിത്രത്തിനെതിരെ ഉയർന്നിരുന്നു.

ധ്യാൻ ശ്രീനിവാസൻ, അനശ്വര രാജൻ, സെന്തിൽ കൃഷ്ണ. മഞ്ജു പിള്ള, എന്നിവരും ചിത്രത്തിൽ പ്രധാന വേഷങ്ങൾ അവതരിപ്പിച്ചു. മേയ് ഒന്നിനാണ് ചിത്രം തിയേറ്ററുകളിലെത്തിയത്. 'ജനഗണമന'ക്ക് തിരക്കഥ ഒരുക്കിയ ഷാരിസ് മുഹമ്മദ് തന്നെയാണ് 'മലയാളി ഫ്രം ഇന്ത്യ'യുടെയും തിരക്കഥ നിർവ്വഹിക്കുന്നത്. ഛായാഗ്രഹണം സുദീപ് ഇളമൻ, സംഗീതം ജെയ്ക്സ് ബിജോയ്‌.

Malayalee From india OTT: മലയാളി ഫ്രം ഇന്ത്യ ഒടിടി

മലയാളി ഫ്രം ഇന്ത്യ തിയേറ്ററിൽ കാണാൻ കഴിയാതിരുന്ന പലരും ചിത്രം ഒടിടിയിൽ റിലീസാകുന്നത് കാത്തിരിക്കുകയാണ്. ഇപ്പോഴിതാ ചിത്രം സ്ട്രീം ചെയ്യുന്ന ഒടിടി പ്ലാറ്റ്ഫോമും റിലീസ് തീയതിയും പ്രഖ്യാപിച്ചിരിക്കുകയാണ്. സോണി ലിവിലൂടെയാണ് ചിത്രം ഒടിടിയിൽ എത്തുന്നത്. ജൂലൈ 5 മുതൽ സ്ട്രീമിംഗ് ആരംഭിക്കും..

Read More Entertainment Stories Here

• മദ്യപിച്ചാൽ ചെരുപ്പുകൊണ്ട് തല്ലുമെന്ന് ആ സംവിധായകൻ പറഞ്ഞു: രജനീകാന്ത്
• ഞാനിന്ന് ആ ഗ്രൂപ്പിന്റെ ഭാഗമല്ല; പിണക്കത്തിനു പിന്നിലെ കാരണം പറഞ്ഞ് ശ്വേത മേനോൻ
• ലാലേട്ടനെ നെഞ്ചിൽ പതിപ്പിച്ച് ആരാധകൻ; സർപ്രൈസുമായി സാക്ഷാൽ മോഹൻലാൽ
• 6300 കോടി ആസ്തി; ഇന്ത്യൻ സിനിമയിലെ ഏറ്റവും സമ്പന്നൻ ഈ സൂപ്പർ താരം
• അവളെ തൊട്ടതെന്തിന്? ഷൂട്ടിംഗിനിടയിലെ പ്രണയം, സല്‍മാനോട്‌ ദേഷ്യപ്പെട്ട് സംവിധായകന്‍
• അച്ഛൻ വെയിറ്ററായി ജോലിചെയ്ത മൂന്നു ഹോട്ടലുകൾ ഇപ്പോഴും എന്റെ സ്വന്തം: സുനിൽ ഷെട്ടി
• സൗബിനും കുടുംബത്തിനുമൊപ്പം ഈദ് ആഘോഷിച്ച് നവ്യ നായർ
• ജിന്റോയെ സ്വീകരിക്കാനെത്തി; തിരക്കിൽപെട്ടു റോബിനും ആരതി പൊടിയും, വീഡിയോ