പ്രായത്തിൽ അല്ല, പാട്ടിലാണ് കാര്യം; വേദിയിൽ റഹ്മാനെ ചിരിപ്പിച്ച് കുഞ്ഞു മിടുക്കി, വീഡിയോ

സംഗീത മാന്ത്രികൻ എ ആർ റഹ്മാൻ കഴിഞ്ഞ ദിവസം ഡൽഹിയിലെ കഥാകർ ഫെസ്റ്റിവലിൽ പങ്കെടുക്കാൻ എത്തിയിരുന്നു. പരിപാടിയിൽ താൻ പാടില്ലെന്ന് റഹ്മാൻ ആദ്യമേ  തീരുമാനമെടുത്തിരുന്നുവെങ്കിലും മെഹർ എന്ന ഒരു കുട്ടി ആരാധിക ആ  തീരുമാനത്തിൽ നിന്നും റഹ്മാനെ പിൻതിരിപ്പിക്കുകയായിരുന്നു. പെൺകുട്ടിയുടെ അഭ്യർത്ഥന നിരസിക്കാൻ കഴിയാതെ, എആർ റഹ്മാൻ തന്റെ നിത്യഹരിത ഹിറ്റ് നമ്പറായ  ബോംബെയിലെ 'ഹമ്മ ഹമ്മ' എന്നു തുടങ്ങുന്ന ഗാനത്തിന്റെ  ഏതാനും വരികൾ പാടി.

റഹ്മാന്റെ പാട്ടിനൊപ്പം തന്നെ, റഹ്മാനും കുട്ടി ആരാധികയും തമ്മിലുള്ള ആശയവിനിമയവും സോഷ്യൽ മീഡിയയുടെ ശ്രദ്ധ കവരുകയാണ്. 

പാടുന്നതിനിടയിൽ, റഹ്മാൻ കുട്ടിയേയും ഒപ്പം പാടാനായി പ്രോത്സാഹിപ്പിച്ചു. എന്നാൽ, "നിങ്ങൾ പാടിയപ്പോൾ സംഗീതം വന്നു, പക്ഷേ ഞാൻ പാടിയപ്പോൾ അത് സംഭവിച്ചില്ല." എന്നായിരുന്നു മിടുക്കിയുടെ മറുപടി. പെൺകുട്ടിയുടെ മറുപടി വേദിയിൽ ഒന്നാകെ ചിരി പടർത്തി.

“ഇല്ല, നോക്കൂ. എനിക്ക് 56 വയസ്സായി, അല്ലേ? നിനക്ക് എന്നെക്കാൾ നന്നായി പാടാൻ കഴിയും. ഞാൻ ഒരുപാട് സമയം പാഴാക്കി,” എന്ന് റഹ്മാൻ വീണ്ടു നിർബന്ധിച്ചപ്പോൾ ഉടനടി തന്നെ പെൺകുട്ടിയുടെ മറുപടിയും എത്തി,  “ഇത് പ്രായവുമായി ബന്ധപ്പെട്ടിട്ടുള്ള കാര്യമല്ല.”

“അതെ, പക്ഷേ ഇത് സ്ഥിരതയുമായി ബന്ധപ്പെട്ടതാണ്. എല്ലാ ദിവസവും നീ പരിശീലിക്കേണ്ടതുണ്ട്. ഞാൻ നിനക്കൊരു കീബോർഡ് തരാം. അടുത്ത വർഷം നീ ഇവിടെ പാടണം," കുട്ടിയുടെ മറുപടിയോട് യോജിച്ചു കൊണ്ട് റഹ്മാൻ പറഞ്ഞതിങ്ങനെ. 

It took a 7yr old kid Meher to finally persuade @arrahman to hum a few lines at #KathakarFestival this evening and the interaction that followed between the two was so adorable 😀 Do listen in! @_MohitChauhan@prattyg@kathakarfest@sundernurserypic.twitter.com/c0hPR9lqiA

— Smita Sharma (@Smita_Sharma) December 1, 2023

 ‘മാൻ ഓഫ് സിംപ്ലിസിറ്റി’ എന്നാണ് വീഡിയോ ഷെയർ ചെയ്ത് നെറ്റിസൺസ് കുറിക്കുന്നത്. 

ഇഷാൻ ഖട്ടർ അഭിനയിച്ച പിപ്പ എന്ന ഹിന്ദി ചിത്രത്തിന് വേണ്ടിയാണ് എആർ റഹ്മാൻ അവസാനമായി സംഗീതം ഒരുക്കിയത്. അയാലൻ, ലാൽ സലാം, ആടുജീവിതം, മൈതാനം, ഡി 50, ചാംകില, ആർ‌സി 16, തഗ് ലൈഫ്, ജിനി, കാതലിക്ക നേരമില്ല എന്നിവയാണ് റിലീസിന്റെ വിവിധ ഘട്ടങ്ങളിലുള്ള അദ്ദേഹത്തിന്റെ വരാനിരിക്കുന്ന പ്രോജക്റ്റുകൾ.

Read More Entertainment News Here

• പിറന്നാൾ അല്പം വൈകിയാലെന്താ, കോളടിച്ചില്ലേ; കുഞ്ഞാറ്റയ്ക്ക് കിട്ടിയ സ്പെഷ്യൽ പിറന്നാൾ വിഷ്
• ഷേക്ക് ഹാൻഡ് കൊടുക്കുന്നതിനിടയിൽ വാച്ച് അടിച്ചുമാറ്റും: അക്ഷയ് കുമാറിന്റെ പ്രാങ്കിനെ കുറിച്ച് സഹതാരം
• ജനിക്കാണെങ്കിൽ പ്രയാഗയുടെ മുടിയായിട്ടു ജനിക്കണമെന്ന് പേളി
• വീട് പൂട്ടിയിരുന്നു, അയൽക്കാർക്ക് ആർക്കും ഒന്നുമറിയില്ല; കനകയെത്തേടിപ്പോയ കഥ പറഞ്ഞു കുട്ടി പദ്മിനി
• കരൺജോഹർ 'തല്ലി', ഷാരൂഖ് ഖാൻ 'നുള്ളി', അമ്മ കൂട്ടു നിന്നു; പരാതികളുമായി റാണി മുഖർജി