ജൂനിയർ ആർട്ടിസ്റ്റിനോട് മോശമായി സംസാരിച്ച പ്രധാന നടനെ 2018ൽ നിന്നും ഒഴിവാക്കിയിരുന്നു: ജൂഡ് ആന്റണി

2024 ഓഗസ്റ്റ് 19ന്, ജസ്റ്റിസ് ഹേമ കമ്മിറ്റി റിപ്പോർട്ട്‌ പുറത്തുവന്നതു മുതൽ,  സിനിമയിൽ നിന്നും നേരിട്ട ദുരനുഭവങ്ങൾ തുറന്നുപറഞ്ഞ്‌ നിരവധി സ്ത്രീകളാണ് രംഗത്തു വന്നുകൊണ്ടിരിക്കുന്നത്.  നടന്മാർ, സംവിധായകർ, പ്രൊഡക്ഷൻ കൺട്രോളർമാർ തുടങ്ങി സിനിമയുടെ വിവിധ മേഖലയിലുള്ളവർക്കെതിരെ ആരോപണങ്ങൾ ഉയർന്നിരിക്കുകയാണ്.

സിനിമയിലെ സ്ത്രീകൾക്ക് എതിരെയുള്ള മോശം പെരുമാറ്റങ്ങളും ലൈംഗിക ചുവയുളള സംസാരവുമൊക്കെ ഒരു യാഥാർത്ഥ്യമാണെന്നും തന്റെ സിനിമയുടെ ലൊക്കേഷനിലും അത്തരമൊരു സംഭവം ഉണ്ടായിട്ടുണ്ടെന്നും തുറന്നു പറയുകയാണ് സംവിധായകൻ ജൂഡ് ആന്തണി ജോസഫ്. 2018 എന്ന തന്റെ സിനിമയുടെ ലൊക്കേഷനിൽ ഒരു ജൂനിയർ ആർട്ടിസ്റ്റിനോട് പ്രധാന നടന്മാരിലൊരാൾ മോശമായി സംസാരിച്ചെന്നും അതിനെ തുടർന്ന് ആ നടനെ ചിത്രത്തിൽ നിന്നും ഒഴിവാക്കിയെന്നുമാണ് ജൂഡ് പറയുന്നത്.

" എന്റെ സിനിമയായ 2018ൽ അഭിനയിച്ച ഒരു പ്രധാന നടൻ ഒരു ജൂനിയർ ആർട്ടിസ്റ്റിനോട് മോശമായി സംസാരിച്ചതിന്റെ പേരിൽ പിന്നീട് അയാൾ ആ പടത്തിൽ ഉണ്ടായിട്ടില്അയാളുടെ സീൻ തന്നെ കട്ടു ചെയ്തു കളഞ്ഞു. സിനിമയിൽ കണ്ടിന്യൂവിറ്റി ഉള്ള കഥാപാത്രമായിരുന്നു അയാളുടേത്, പ്രധാന കഥാപാത്രമായിരുന്നു. പിന്നീട് മറ്റൊരാളെ വച്ചാണ് ഞാൻ ആ സീനുകൾ കംപ്ലീറ്റ് ചെയ്തത്. സൂക്ഷിച്ചുനോക്കിയാൽ അറിയാം ഒരു ക്യാരക്ടറിൽ നിന്നു തുടങ്ങി ആളേ മാറി വേറൊരാളാണ് പിന്നെ വരുന്നതെന്ന്," ജൂഡ്  പറഞ്ഞു.

#JudeAntonyJoseph reveals he removed an actor from 2018 movie, after he misbehaved to an actress on the sets❗#HemaCommittee#MalayalamCinemapic.twitter.com/RIMSBnxmcy

— Mohammed Ihsan (@ihsan21792) August 26, 2024

Read More

• ദുരനുഭവം പങ്കിട്ട് കൂടുതൽ സ്ത്രീകൾ രംഗത്ത്, ആരോപണ വിധേയർ ഇവരൊക്കെ
• നോ പറയാൻ സാഹചര്യം ഇല്ലാത്ത സ്ത്രീകളോട്, അത് നിങ്ങളുടെ തെറ്റല്ല: മഞ്ജു വാര്യർ
• എല്ലാത്തിനും പിന്നിൽ അവളുടെ പോരാട്ട വീര്യം; ഓർമ്മപ്പെടുത്തലുമായി ഗീതു മോഹൻദാസും മഞ്ജു വാര്യരും
• ആർക്കും രക്ഷപെടാനാവില്ല; ഉത്തരവാദികളെ ജനം മറുപടി പറയിപ്പിക്കും: ആഷിഖ് അബു
• ഉപ്പു തിന്നവർ വെള്ളം കുടിച്ചേ പറ്റു:ഷമ്മി തിലകൻ
• രഞ്ജിത്തിന്റേത് അനിവാര്യമായ രാജിയെന്ന് സംവിധായകൻ വിനയൻ
• പവർ ഗ്രൂപ്പിൽ പെണ്ണുങ്ങളും ഉണ്ടാകും, എത്രയോ തവണ എന്നെ മാറ്റി നിർത്തിയിട്ടുണ്ട്: ശ്വേത മേനോൻ
• ഒഴുകിയും തെന്നിയും മാറിയും, ആലോചിക്കാം, പഠിക്കാം എന്നൊന്നും പറഞ്ഞാൽ പോര, 'അമ്മ' ശക്തമായി ഇടപെടണം: ഉർവശി