Jigra OTT: ആലിയ ഭട്ടിന്റെ ജിഗ്ര ഒടിടിയിലെത്തി, എവിടെ കാണാം?

Jigra OTT Release & Platform: വാസൻ ബാല സംവിധാനം ചെയ്ത ആലിയ ഭട്ടിൻ്റെ ആക്ഷൻ ത്രില്ലർ ചിത്രം ജിഗ്ര ഒടിടിയിൽ സ്ട്രീമിംഗ് ആരംഭിച്ചു. തടവിൽ നിന്ന് തൻ്റെ സഹോദരനെ രക്ഷിക്കാനുള്ള ഒരു യുവതിയുടെ ദൗത്യമാണ് ചിത്രത്തിന്റെ പ്രമേയം.

മോണിക്ക, ഓ മൈ ഡാർലിംഗ് എന്നീ ചിത്രങ്ങളിലൂടെ ശ്രദ്ധേയനായ വാസൻ ബാല സംവിധാനം ചെയ്ത ചിത്രത്തിൽ,  സഹോദരൻ അങ്കുറിനെ വിദേശ ജയിലിൽ അന്യായമായി തടവിലാക്കപ്പെട്ട സാഹചര്യത്തിൽ, സഹോദരനെ രക്ഷിക്കാൻ ദൃഢനിശ്ചയം ചെയ്യുന്ന സത്യ എന്ന കഥാപാത്രമായാണ് ആലിയ ഭട്ട് ചിത്രത്തിലെത്തുന്നത്. 

ആലിയയുടെ സഹോദര കഥാപാത്രം അങ്കുറായി വേദാംഗ് റെയ്‌ന (ദി ആർച്ചീസ് ഫെയിം) എത്തുന്നു. തെലുങ്ക് നടനും സംവിധായകനുമായ രാഹുൽ രവീന്ദ്ര ഈ ചിത്രത്തിലൂടെ ബോളിവുഡിൽ അരങ്ങേറ്റം കുറിക്കുകയാണ്. ആദിത്യ നന്ദ, മനോജ് പഹ്‌വ, വിവേക് ​​ഗോംബർ, സിക്കന്ദർ ഖേർ, രാധികാ മദൻ എന്നിവരും ചിത്രത്തിലുണ്ട്. പഞ്ചാബി പോപ്പ് ഐക്കൺ ദിൽജിത് ദോസഞ്ചും ചിത്രത്തിൽ അതിഥി വേഷം ചെയ്യുന്നു.