ആനയുടെ തലവട്ടം കണ്ടാൽ ജയറാമിനറിയാം ആരാണ് ആ കേമനെന്ന്: വീഡിയോ

ആനകളോടും ചെണ്ടയോടുമെല്ലാമുള്ള ജയറാമിന്റെ ഇഷ്ടം ഓരോ മലയാളിയ്ക്കും അറിയാവുന്നതാണ്. അത്രമേറെ പ്രശസ്തമാണ് ജയറാമിന്റെ ആനപ്രേമം. സ്വന്തമായി ആനയെ വളർത്തുന്നതിൽ വരെ ആ ആനപ്രേമം എത്തിയിരുന്നു.  ആദ്യമായി സ്വന്തമാക്കിയ ആനയ്ക്ക് മകന്റെ തന്നെ വിളിപ്പേരായ കണ്ണന്‍ എന്നാണ് ജയറാം നൽകിയത്. മനസിനക്കരെ ഉള്‍പ്പടെയുള്ള ചിത്രങ്ങളില്‍ അഭിനയിച്ച കണ്ണന്‍ ജയറാം ഏതാനും വർഷങ്ങൾക്കു മുൻപാണ് ചരിഞ്ഞത്. 

കഴിഞ്ഞ ദിവസം ഒരു അഭിമുഖത്തിനിടെ ആനകളെ കുറിച്ചുള്ള തന്റെ അറിവുപകർന്ന് സദസ്സിനെ ഞെട്ടിക്കുന്ന ജയറാമിന്റെ വീഡിയോയും ശ്രദ്ധ നേടുകയാണ്. സ്ക്രീനിൽ കാണിക്കുന്ന ആനകളെ ഒറ്റനോട്ടത്തിൽ കണ്ടുപിടിക്കാമോ? എന്നായിരുന്നു അവതാരക നൽകിയ ടാസ്ക്.

ഏവരെയും അത്ഭുതപ്പെടുത്തി കൊണ്ട് സ്ക്രീനിൽ കാണിച്ച ഓരോ ആനകളുടെ പേരും അവയുടെ പ്രത്യേകതയുമെല്ലാം ജയറാം എണ്ണിയെണ്ണി പറയുകയായിരുന്നു. ഒറ്റനോട്ടത്തിൽ ആനകളെയെല്ലാം തിരിച്ചറിഞ്ഞ ജയറാമിനെ അഭിനന്ദിക്കുകയാണ് ആരാധകരും. ആനക്കാര്യത്തിൽ ഞങ്ങളുടെ ജയറാമേട്ടൻ 100 ശതമാനം പ്രൊഫഷണലാണ് എന്നാണ് ആരാധകരുടെ കമന്റ്.

അതേസമയം, തന്റെ പുതിയ ചിത്രം എബ്രഹാം ഓസ്ലർ തിയേറ്ററുകളിൽ വലിയ രീതിയിൽ സ്വീകരിക്കപ്പെട്ടതിന്റെ സന്തോഷത്തിലാണ് താരമിപ്പോൾ. വ്യാഴാഴ്ചയാണ് ചിത്രം തിയേറ്ററുകളിലെത്തിയത്. ചിത്രത്തിൽ ഒരു നിർണായക വേഷത്തിലെത്തി മമ്മൂട്ടിയും ഞെട്ടിക്കുകയാണ്.

Read More Entertainment Stories Here

• കാത്തിരുന്ന കല്യാണം ഇങ്ങെത്തി; ഭാഗ്യയുടെ സംഗീത് ചടങ്ങ് ആഘോഷമാക്കി സുരേഷ് ഗോപിയും കുടുംബവും
• ലാലേട്ടനൊപ്പം അടുത്ത ചിത്രം വരുന്നുവെന്ന് വി.എ ശ്രീകുമാർ
• ഓസ്ലറിലെ ഒന്നൊന്നര എൻട്രി; തിയേറ്ററിനെ ഇളക്കി മറിച്ച് മമ്മൂട്ടി
• നയൻതാര ചിത്രം 'അന്നപൂരണി' നെറ്റ്ഫ്ലിക്സിൽ നിന്ന് നീക്കം ചെയ്തത് എന്തുകൊണ്ട്?
• ജയറാമിന്റെ തിരിച്ചു വരവ്, പതിവ് മിഥുൻ മാനുവൽ പറ്റേൺ സിനിമ, ഓസ്ലർ റിവ്യൂ; Abraham Ozler Review
• ഏതാണീ കൊച്ചു പയ്യൻ; പുതിയ ലുക്കിൽ വിജയ്, ചിത്രങ്ങൾ, വീഡിയോ
• വിമാനം മേടിച്ചാൽ അടുത്ത ചിത്രം; ഷാരൂഖിന് വാഗ്ദാനവുമായി മണിരത്നം