ഓസ്ലറിലെ ഒന്നൊന്നര എൻട്രി; തിയേറ്ററിനെ ഇളക്കി മറിച്ച് മമ്മൂട്ടി

ഓസ്ലറിൽ മമ്മൂട്ടിയുണ്ടോ? എന്ന ചോദ്യമാണ് ഏറെ നാളുകളായി സോഷ്യൽ മീഡിയ ചോദിച്ചുകൊണ്ടിരിക്കുന്നത്. എബ്രഹാം ഓസ്ലർ തിയേറ്ററുകളിൽ എത്തിയതോടെ  ആ ചോദ്യത്തിന് ഉത്തരം കിട്ടിയ സന്തോഷത്തിലാണ് സിനിമാപ്രേക്ഷകരും. ഓസ്ലറിലെ മമ്മൂട്ടിയുടെ ഒന്നൊന്നര ഇൻട്രോ സീനും എൻട്രിയും ആഘോഷമാക്കുകയാണ് ആരാധകർ ഇപ്പോൾ. 'ഇന്തിയാവിൻ മാപെരും നടികർ' എന്നാണ് ഓസ്ലർ ടീം പുറത്തുവിട്ട പുതിയ പോസ്റ്ററിൽ മമ്മൂട്ടിയെ വിശേഷിപ്പിക്കുന്നത്. 

മികച്ച പ്രതികരണങ്ങളാണ് ഓസ്ലറിനു ലഭിച്ചുകൊണ്ടിരിക്കുന്നത്. ജയറാമിനു ഏറെ നാളുകൾക്കു ശേഷം ഒരു ബ്രേക്ക് സമ്മാനിക്കുന്ന ചിത്രമാണ് ഓസ്ലർ എന്നാണ് ആദ്യഘട്ട പ്രതികരണങ്ങൾ. ജയറാമിനൊപ്പം ജഗദീഷിന്റെയും അനശ്വര രാജന്റെയും പ്രകടനങ്ങളും മികച്ചു നിൽക്കുന്നു എന്നാണ് പ്രേക്ഷകർ വിലയിരുത്തുന്നത്.

View this post on Instagram

A post shared by Midhun Manuel Thomas (@midhun_manuel_thomas)

"രണ്ടാം പകുതിയിൽ മമ്മൂട്ടി വരുന്നതോടു കൂടി പടത്തിന്റെ ഗ്രാഫ് തന്നെ ഉയർന്നു. ശരിക്കും പടം എൻ​ഗേജിം​ഗ് ആവാൻ തുടങ്ങുന്നത് മമ്മൂക്ക വന്നതിന് ശേഷമാണ്. തിയേറ്റർ പൂരപ്പറമ്പായിരുന്നു ഇക്കയുടെ എൻട്രിയിൽ.  ജയറാമേട്ടൻ ഈസ് ബാക്ക്, നമ്മൾ അദ്ദേഹത്തെ കാണണമെന്ന് കരുതിയ വേഷം.  പടത്തിൻ്റെ ടീം പറഞ്ഞ പോലെ ഒരു ഇമോഷണൽ മെഡിക്കൽ ഡ്രാമ എന്ന രീതിയിൽ പോയി കാണുക...അഞ്ചാം പാതിരാ ഒന്നും പ്രതീക്ഷിക്കാതെ ഓസ്ലർ ആയി തന്നെ കണ്ടാൽ പടം നല്ല രീതിക്ക് കണക്ട് ആവും," എന്നാണ് ട്വിറ്ററിൽ പ്രത്യക്ഷപ്പെട്ട ഒരു പ്രതികരണം. 

#AbrahamOzler

Decent Emotional Investigation Drama. അതിഗംഭീര ആദ്യ പകുതിയും ഇമോഷണൽ /ഡ്രാമ രണ്ടാം പകുതിയും. #Mammootty ഇൻട്രോ കിടിലൻ ആയിരുന്നു. #mammootty ഫാക്ടർ ഒഴികെ പുതുമ ഒന്നും അവകാശപ്പെടാനില്ലെങ്കിലും പ്രേക്ഷനുമായി കണക്ട് ചെയ്യുന്ന ഒരു പടം ആണ്.Go For it👍 https://t.co/F0wGTtPKoa

— Sohan Gazal (@reviewsmm1) January 11, 2024

അഞ്ചാം പതിരയുടെ (2020) വിജയത്തിനു ശേഷം, മൂന്ന് വർഷത്തെ ഇടവേളയ്ക്ക് ശേഷം, മിഥുൻ സംവിധായകനാവുന്ന ചിത്രമാണിത്.  ഡോ. രൺധീർ കൃഷ്ണൻ്റേതാണ് തിരക്കഥ. തേനി ഈശ്വർ ആണ് ഛായാഗ്രഹണം.

അബ്രഹാം ഒസ്‌ലർ എന്ന പൊലീസ് ഉദ്യോഗസ്ഥനായാണ് ജയറാം ചിത്രത്തിലെത്തുന്നത്. അർജുൻ അശോകൻ, ജഗദീഷ്, ദിലീഷ് പോത്തൻ, അനശ്വര രാജൻ, ദർശനാ നായർ, സെന്തിൽ കൃഷ്ണ, അർജുൻ നന്ദകുമാർ, അസീം ജമാൽ, ആര്യ സലിം എന്നിവർ പ്രധാന കഥാപാത്രങ്ങൾ. 

Read More Entertainment Stories Here

• ഏതാണീ കൊച്ചു പയ്യൻ; പുതിയ ലുക്കിൽ വിജയ്, ചിത്രങ്ങൾ, വീഡിയോ
• വിമാനം മേടിച്ചാൽ അടുത്ത ചിത്രം; ഷാരൂഖിന് വാഗ്ദാനവുമായി മണിരത്നം
• മകൾ നാരായണിയ്ക്ക് ഒപ്പം വേദിയിൽ ചുവടുവെച്ച് ശോഭന; വീഡിയോ
• അവിടേം കണ്ടു ഇവിടേം കണ്ടു; കാതലിലെ അമ്മ ഡബിളാ ഡബിൾ!