കാത്തിരുന്ന കല്യാണം ഇങ്ങെത്തി; ഭാഗ്യയുടെ സംഗീത് ചടങ്ങ് ആഘോഷമാക്കി സുരേഷ് ഗോപിയും കുടുംബവും

സുരേഷ് ഗോപിയുടെ  മകൾ ഭാഗ്യ സുരേഷിന്റെ വിവാഹമാണ് ജനുവരി 17ന്. വിവാഹത്തിനു മുന്നോടിയായുള്ള ചടങ്ങിൽ നിന്നുള്ള ചിത്രങ്ങളാണ് ഇപ്പോൾ ശ്രദ്ധ കവരുന്നത്. വിവാഹത്തിന് മുന്നോടിയായി നടത്തിയ പാർട്ടിയിൽ പച്ച ലെഹങ്ക അണിഞ്ഞാണ് ഭാഗ്യ എത്തിയത്.

അഹാന കൃഷ്ണ, വിന്ദുജ മേനോൻ എന്നിവരും വിവാഹ പാർട്ടിയിൽ പങ്കെടുക്കാൻ എത്തിയിരുന്നു. 

മാവേലിക്കര സ്വദേശിയും ബിസിനസ്സുകാരനുമായ ശ്രേയസ് മോഹൻ ആണ് ഭാഗ്യയുടെ പ്രതിശ്രുത വരൻ. സുരേഷ് ഗോപിയുടെ തിരുവനന്തപുരത്തെ വീട്ടിൽവച്ച് കഴിഞ്ഞ ജൂലൈയിൽ ആയിരുന്നു ഇരുവരുടെയും വിവാഹനിശ്ചയം നടന്നത്.

ഭാഗ്യയുടെ വിവാഹത്തെ ശ്രദ്ധേയമാക്കുന്ന മറ്റൊരു കാര്യം, വിവാഹത്തിനു സാക്ഷ്യം വഹിക്കാൻ പ്രധാനമന്ത്രി നരേന്ദ്ര മോദി നേരിട്ടെത്തും എന്നതാണ്. ഗുരുവായൂർ ക്ഷേത്രനടയിൽ വച്ച് നടക്കുന്ന വിവാഹത്തിൽ പങ്കെടുക്കാൻ നരേന്ദ്രമോദി എത്തുമെന്ന് റിപ്പോർട്ടുണ്ട്. വിവാഹത്തിലേക്ക്  മകൾ ഭാഗ്യയ്ക്കും രാധികയ്ക്കുമൊപ്പം പ്രധാനമന്ത്രിയെ ക്ഷണിക്കുന്ന സുരേഷ് ഗോപിയുടെ ചിത്രങ്ങളും വൈറലായിരുന്നു.

ബ്രിട്ടീഷ് കോളമ്പിയ സർവകലാശാലയിൽ നിന്നാണ് ഭാഗ്യ ബിരുദം നേടിയത്. യുബിസി സൗഡെർ സ്കൂൾ ഓഫ് ബിസിനസിലായിരുന്നു പഠനം.

ഗോകുൽ സുരേഷ്, മാധവ് സുരേഷ്, ഭാവ്നി സുരേഷ് എന്നിവരാണ് സുരേഷ് ഗോപിയുടെ മറ്റു മക്കൾ. അച്ഛന്റെ പാത പിന്തുടർന്ന് ഗോകുലും മാധവും സിനിമയിൽ സജീവമാകുകയാണ്. മുദ്ദുഗൗ, മാസ്റ്റർപീസ്, പാപ്പൻ തുടങ്ങിയ ചിത്രങ്ങളിലൂടെ ഗോകുൽ സുപരിചിതനാണ്. ദുൽഖർ സൽമാൻ ചിത്രം 'കിങ്ങ് ഓഫ് കൊത്ത' യിൽ ഒരു പ്രധാന വേഷത്തിൽ ഗോകുലും എത്തുന്നുണ്ടെന്നാണ് റിപ്പോർട്ടുകൾ. 'കുമ്മാട്ടികളി' എന്ന ചിത്രത്തിലൂടെ മാധവ് സുരേഷും തന്റെ സിനിമാ പ്രവേശനത്തിനെത്തുകയാണ്.

Read More Entertainment Stories Here

• ഓസ്ലറിലെ ഒന്നൊന്നര എൻട്രി; തിയേറ്ററിനെ ഇളക്കി മറിച്ച് മമ്മൂട്ടി
• നയൻതാര ചിത്രം 'അന്നപൂരണി' നെറ്റ്ഫ്ലിക്സിൽ നിന്ന് നീക്കം ചെയ്തത് എന്തുകൊണ്ട്?
• ജയറാമിന്റെ തിരിച്ചു വരവ്, പതിവ് മിഥുൻ മാനുവൽ പറ്റേൺ സിനിമ, ഓസ്ലർ റിവ്യൂ; Abraham Ozler Review
• ഏതാണീ കൊച്ചു പയ്യൻ; പുതിയ ലുക്കിൽ വിജയ്, ചിത്രങ്ങൾ, വീഡിയോ
• വിമാനം മേടിച്ചാൽ അടുത്ത ചിത്രം; ഷാരൂഖിന് വാഗ്ദാനവുമായി മണിരത്നം