നടി വിദ്യാ ബാലന്റെ പേരിൽ വ്യാജ അക്കൗണ്ടുകളിലൂടെ തട്ടിപ്പ്; കേസെടുത്ത് പൊലീസ്

ബോളിവുഡ് താരം വിദ്യാ ബാലൻ്റെ പേരിൽ സോഷ്യൽ മീഡിയ അക്കൗണ്ടുകൾ സൃഷ്ടിച്ച് തട്ടിപ്പുനടത്താൻ ശ്രമിച്ചവർക്കെതിരെ പരാതി. വിദ്യാ ബാലന്റെ പരാതിയിലാണ് മുംബൈ പൊലീസ് എഫ്ഐആർ രജിസ്റ്റർ ചെയ്തത്. ഫെബ്രുവരി 19ന് തന്റെ പേരിൽ വ്യാജ അക്കൗണ്ടുകളിലൂടെ തട്ടിപ്പുനടത്തുന്നതായി പരാതിപ്പെട്ട് വിദ്യാ ബാലൻ പൊലീസിനെ സമീപിച്ചിരുന്നു, ഇതിനെ തുടർന്നാണ്, ഖാർ പൊലീസ് കേസ് രജിസ്റ്റർ ചെയ്തത്.

നടിയുടെ പേരിൽ വ്യാജ ഈമെയിൽ അക്കൗണ്ടുകളും, ഇൻസ്റ്റാഗ്രാം, വാട്‌സ്ആപ്പ് അക്കൗണ്ടുകളും തട്ടിപ്പുകാർ സൃഷ്ടിച്ചതായി പൊലീസ് പറഞ്ഞു. ഈ അക്കൗണ്ടുകളിലൂടെ വിനോദ മേഖലകളിലുള്ള ആളുകളിൽ നിന്ന് സേവനം വാഗ്ദാനം ചെയ്ത് പ്രതികൾ പണം തട്ടിയതായും പൊലീസ് ഉദ്യോഗസ്ഥർ പറഞ്ഞു.

തനിക്ക് മുൻപരിചയമുള്ള ഡിസൈനറെ, തട്ടിപ്പുകാർ സേവനം വാഗ്ദാനം ചെയ്ത് ബന്ധപ്പെടാൻ ശ്രമിച്ചതോടെയാണ് വിവരം അറിഞ്ഞതെന്ന് വിദ്യാ ബാലൻ പരാതിയിൽ പറഞ്ഞു. പിന്നീട് സംഭവത്തെക്കുറിച്ച് അന്വേഷിച്ചപ്പോൾ, ഇ-മെയിലിലൂടെയും ഇൻസ്റ്റാഗ്രാമിലൂടെയും, മറ്റു നിരവധി ആളുകളെയും തട്ടിപ്പുകാർ സമാപിച്ചതായി മനസിലാക്കിയെന്നും താരം പരാതിയിൽ വ്യക്തമാക്കി. എല്ലാവരോടും പ്രതികൾ നടിയുടെ പേരിൽ പണം ആവശ്യപ്പെട്ടിരുന്നു.

പരാതിയുടെ അടിസ്ഥാനത്തിൽ ഐടി നിയമത്തിലെ സെക്ഷൻ 66 (സി) പ്രകാരം, പൊലീസ് കേസെടുത്തു. കൂടുതൽ അന്വേഷണം നടന്നുവരികയാണ്.

Read More Entertainment Stories Here

• വേദന കൊണ്ട് അവശയായ പേളി, സ്നേഹത്തോടെ തോളിൽ തട്ടി ആശ്വസിപ്പിക്കുന്ന നില; ഈ വീഡിയോ മനസ്സു നിറയ്ക്കും
• അപ്പാ, കലിപ്പ് ഇത്ര മതിയോ?; കുട്ടി നിലങ്കയ്ക്ക് ഒപ്പമുള്ള ചിത്രങ്ങളുമായി നീരജ് മാധവ്
• പിതാവ് ക്രിസ്ത്യൻ, അമ്മ സിഖ്, ഭാര്യ ഹിന്ദു, സഹോദരൻ ഇസ്ലാം വിശ്വാസി, വീട്ടിലിങ്ങനെയാണ് കാര്യങ്ങൾ: വിക്രാന്ത് മാസി
• വിട പറഞ്ഞത് ഷാരൂഖിന്റെ പ്രിയപ്പെട്ട ക്ലാസ്സ്മേറ്റ്
• ഈ മൊഞ്ചുള്ള വീടാണോ പോറ്റിയുടെ ക്ഷയിച്ച മനയായി മാറിയത്?: അമ്പരപ്പിക്കും ഈ മേക്കോവർ
• രാവിലെ പത്രം ഇട്ടിട്ട് ഒരാൾ പോകുന്നു; നോക്കിയപ്പോ, ഫഹദ് ഫാസിൽ!