200 കോടി; ബോക്സ് ഓഫീസിൽ ചരിത്രം കുറിച്ച് എമ്പുരാൻ

വിവാദങ്ങൾ ആളിപ്പടരുമ്പോൾ ബോക്സ് ഓഫീസിൽ കാട്ടുതീയായ് കത്തിക്കയറുകയാണ് മോഹൻലാൽ- പൃഥ്വിരാജ് കൂട്ടുകെട്ടിൽ പിറന്ന ബ്രഹ്മാണ്ഡ ചിത്രമായ 'എമ്പുരാൻ'. റിലീസായി അഞ്ചു ദിവസം പിന്നിടുമ്പോൾ 200 കോടി കളക്ഷൻ എന്ന സുവർണ നേട്ടം സ്വന്തമാക്കിയിരിക്കുകയാണ് ചിത്രം.

സംവിധായകൻ പൃഥ്വിരാജ് ആണ് ഇക്കാര്യം സ്ഥിരീകരിച്ചിരിക്കുന്നത്. മലയാളം സിനിമ ചരിത്രത്തിൽ അഞ്ചു ദിവസം കൊണ്ട് 200 കോടി ക്ലബ്ബിൽ ഇടം നേടുന്ന ആദ്യ ചിത്രവും 200 കോടി പിന്നിടുന്ന രണ്ടാമത് ചിത്രവുമായി മാറുകയാണ് എമ്പുരാൻ.

48 മണിക്കൂറിനുള്ളിൽ വേൾഡ് വൈഡ് ബോക്സ് ഓഫീസിൽ 100 കോടി രൂപ നേടിയ എമ്പുരാൻ, അതിവേഗം ഈ നേട്ടം കൈവരിക്കുന്ന ചിത്രം എന്ന റെക്കോർഡും സ്വന്തമാക്കിയിരുന്നു. ഇന്ത്യൻ സിനിമയിലെ ഈ വർഷത്തെ ഏറ്റവും വലിയ ഓപ്പണറും എമ്പുരാൻ തന്നെയാണ്. പ്രീ റിലീസ് കളക്ഷനായി ലോകമെമ്പാടുമായി 80 കോടിയിലധികം രൂപയാണ് ചിത്രം നേടിയത്.

അതേസമയം, എമ്പുരാനുമായി ബന്ധപ്പെട്ട രാഷ്ട്രീയ വിവാദങ്ങളും വലിയ രീതിയിൽ ചർച്ചയാവുകയാണ്. ചിത്രത്തിലെ വിവാദ രംഗങ്ങൾ നീക്കം ചെയ്ത് റീ- എഡിറ്റഡ് പതിപ്പ് പ്രദർശിപ്പിക്കുമെന്ന് പ്രഖ്യാപനം വന്നതു മുതൽ തിയേറ്ററുകളിലേക്ക് പ്രേക്ഷകരുടെ കുത്തൊഴുക്കാണ്. പല തിയേറ്ററുകളിലും ചിത്രം കാണാൻ വൻ തിരക്കാണ് അനുഭവപ്പെടുന്നത്.

Read More

• 'നിങ്ങൾ വാളോങ്ങുന്നത് രാജാവിനെയാണ്, മലയാളികൾ കിരീടം ചാർത്തിക്കൊടുത്ത ഒരേ ഒരു രാജാവിനെ': നടൻ അപ്പാനി ശരത്
• അങ്ങനെ ആ റെക്കോർഡും തൂക്കി; ഇന്ത്യയിലെ ഏറ്റവും വലിയ ഓപ്പണറായി എമ്പുരാൻ
• മമ്മൂട്ടിയുടെ മുതൽ രജനീകാന്തിന്റെ വരെ നായികയായ നടി; ആളെ മനസ്സിലായോ?
• സിനിമ സെൻസർ ചെയ്താണല്ലോ വന്നത്, അപ്പോഴൊന്നും ഒരു പ്രശ്നവും ഇല്ലായിരുന്നു: ഗോകുലം ഗോപാലൻ
• സ്ഥലത്തെ പ്രധാന കുട്ടി ചട്ടമ്പി, വലിയ പൊക്കക്കാരി; ഈ സൂപ്പർസ്റ്റാറിനെ മനസ്സിലായോ?