ആസിഫ് അലിയുടെ കൂടെ ഞാനിനി ഒരുപരിപാടിയ്ക്കും വരില്ല: ചിരിയുണർത്തി ഷറഫുദ്ദീൻ

'ലെവൽ ക്രോസ്' എന്ന ചിത്രത്തിന്റെ പ്രൊമോഷൻ തിരക്കിലാണ് നടൻ ആസിഫ് അലി. ആസിഫിനൊപ്പം അമല പോൾ, ഷറഫുദ്ദീൻ എന്നിവരും ചിത്രത്തിൽ അഭിനയിച്ചിട്ടുണ്ട്. ഖത്തറിൽ നടന്ന പ്രമോഷൻ പരിപാടിയിൽ ആസിഫിനൊപ്പം ഷറഫുദ്ദീനും പങ്കെടുത്തു. പരിപാടിയ്ക്കിടെ ഷറഫുദ്ദീൻ പറഞ്ഞ വാക്കുകളാണ് ശ്രദ്ധ നേടുന്നത്.

കയ്യടികളോടെ ഷറഫുദ്ദീനെ സ്റ്റേജിലേക്ക് വിളിച്ചത് ആസിഫ് അലിയായിരുന്നു. ആസിഫിൽ നിന്നും മൈക്ക് ഏറ്റുവാങ്ങി ഷറഫുദ്ദീൻ പറഞ്ഞ വാക്കുകളെ ചിരിയോടെയും കയ്യടികളോടെയുമാണ് ആസിഫും സദസ്സും ഏറ്റെടുത്തത്. 

"ആസിഫ് അലിയുടെ കൂടെ ഞാനിനി ഒരുപരിപാടിയ്ക്കും വരില്ല. അത് പണിയാണ്. പുള്ളി ആർജെ ഒക്കെയായിരുന്നു. പുള്ളിയിങ്ങനെ പോയിട്ട് ഉറക്കെ പറയുന്നതുപോലെയൊന്നും എനിക്കു പറ്റില്ല," ആസിഫിന്റെ ശരീരഭാഷ അനുകരിച്ചുകൊണ്ട് ഷറഫുദ്ദീൻ പറഞ്ഞു.

View this post on Instagram

A post shared by 𝕤𝕒𝕪𝕒𝕟𝕥𝕙 𝕤𝕒𝕪𝕚 (@sayanth_sayi974)

സംവിധായകൻ ജീത്തു ജോസഫ് അവതരിപ്പിക്കുന്ന 'ലെവൽ ക്രോസ്' സംവിധാനം ചെയ്തിരിക്കുന്നത് നവാഗതനായ അർഫാസ് അയൂബാണ്. നടൻ, സംവിധായകൻ, തിരക്കഥാകൃത്ത് എന്നീ നിലകളിലൊക്കെ ശ്രദ്ധ നേടിയ ആദം അയൂബിന്റെ മകനാണ് അർഫാസ്. 

ജൂലൈ 26നാണ് ലെവൽ ക്രോസ് തിയേറ്ററുകളിലെത്തുക.  ഒരു മിസ്റ്ററി ത്രില്ലറാണ് ചിത്രമെന്നാണ് ട്രെയിലർ നൽകുന്ന സൂചന. ആസിഫ് അലിയെ കൂടാതെ  ഷറഫുദ്ദീൻ, അമല പോൾ എന്നിവരും ചിത്രത്തിലെ പ്രധാന കഥാപാത്രങ്ങളെ അവതരിപ്പിച്ചിരിക്കുന്നു. അഭിഷേക് ഫിലിംസിന്റെ ബാനറിൽ രമേശ് പിള്ളയാണ് സിനിമ നിർമ്മിക്കുന്നത്. ദുൽഖർ സൽമാന്റെ വേഫെയറർ ഫിലിംസ് ആണ് ചിത്രം വിതരണത്തിനെത്തിക്കുന്നത്. അർഫാസ് തന്നെയാണ് ചിത്രത്തിന്റെ രചന നിർവഹിച്ചിരിക്കുന്നത്. സംഭാഷണങ്ങൾ ഒരുക്കിയിരിക്കുന്നത് ആദം അയൂബാണ്. 

Read More

• അർമാനും രണ്ടാം ഭാര്യയും ബിഗ് ബോസ് വീട്ടിൽ: വിവാഹ മോചനം പ്രഖ്യാപിച്ച് ഒന്നാം ഭാര്യ പായൽ
• കോടിക്കണക്കിന് ആരാധകരുള്ള താരം, യുവാക്കളുടെ ആവേശം; ആളെ മനസ്സിലായോ?
• കഷ്ടപ്പാടുകളിലേക്ക് ഭാഗ്യദേവതയായി അവൾ എത്തിയപ്പോൾ; മാറിമറിഞ്ഞത് ബാബുവിന്റെ ജീവിതം
• 'സ്വപ്നം യാഥാർത്ഥ്യമായി, ദൈവത്തിന് നന്ദി'; മകൾ മീനാക്ഷി ഡോക്ടറായതിന്റെ സന്തോഷം പങ്കുവെച്ച് ദിലീപ്
• അമ്മയ്ക്ക് ചക്കരയുമ്മ; ശാലിനിയെ ചേർത്തുപിടിച്ച് ആദ്‌വിക്
• വന്ന വഴി മറക്കാത്തവരാണ് അംബാനി കുടുംബമെന്ന് ഈ ചിത്രം പറയും