അനന്ത്-രാധിക പ്രീ വെഡ്ഡിങ്; മെനുവിൽ സ്റ്റാറായി രാമേശ്വരം കഫേ

മുകേഷ് അംബാനിയുടെയും നിത അംബാനിയുടെയും മകൻ അനന്ത് അംബാനിയുടെയും, വിരേൻ മെർച്ചന്റിന്റെ മകൾ രാധിക മെർച്ചന്റിന്റെയും രണ്ടാമത്തെ പ്രി-വെഡ്ഡിങ് കഴിഞ്ഞു. ഇറ്റലിയിൽ നിന്ന് സൗത്ത് ഫ്രാൻസിലേക്കായി നിശ്ചയിച്ച ആഢംബര നൗകയിലാണ് ആഘോഷങ്ങൾ നടന്നത്. ബോളിവുഡ് സെലിബ്രിറ്റികളും ലോകപ്രശസ്തരായ വ്യവസായ പ്രമുഖരും വിവാഹ ചടങ്ങുകളിൽ പങ്കെടുത്തു.

800ലധികം അതിഥികൾ പങ്കെടുത്ത ചടങ്ങിൽ, ബെംഗളൂരുവിലെ രാമേശ്വരം കഫേയിൽ നിന്നുള്ള ദക്ഷിണേന്ത്യൻ ഭക്ഷണങ്ങളും ഫിൽട്ടർ കോഫിയും ഒരുക്കിയിരുന്നു. രാമേശ്വരം കഫേ തങ്ങളുടെ ഔദ്യോഗിക ഇൻസ്റ്റഗ്രാം അക്കൗണ്ടിലൂടെയാണ് ഇക്കാര്യം പങ്കുവച്ചത്. വിവാഹ ചടങ്ങിൽ നിന്നുള്ള ചിത്രങ്ങളും പോസ്റ്റു ചെയ്തിട്ടുണ്ട്. ക്രൂയിസ് പാർട്ടിയിൽ ഭക്ഷണമൊരുക്കുമെന്ന്, രാമേശ്വരം കഫേ സഹസ്ഥാപകൻ രാഘവേന്ദ്ര റാവു നേരത്തെ വെളിപ്പെടുത്തിയിരുന്നു.

View this post on Instagram

A post shared by The Rameshwaram Cafe (@therameshwaramcafe)

ബോളിവുഡ് താരങ്ങളായ രൺവീർ സിംഗ് , ജാൻവി കപൂർ, സാറാ അലി ഖാൻ, ഷാരൂഖ് ഖാൻ, രൺവീർ സിംഗ്, ക്രിക്കറ്റ് താരം ധോണി തുടങ്ങിയവർ ചടങ്ങുകളിൽ പങ്കെടുത്തെന്നാണ് റിപ്പോർട്ട്.  താരനിബിഡമായ ആഘോഷങ്ങളിൽ നിന്നുള്ള ചിത്രങ്ങളും വീഡിയോകളും ഓൺലൈനിൽ വൈറലാണ്. കാറ്റി പെറി, ബാക്ക്‌സ്ട്രീറ്റ് ബോയ്‌സ്, ഗായകൻ ഗുരു രൺധാവയ തുടങ്ങിയവർ  ക്രൂയിസിൽ പരിപാടി അവതരിപ്പിച്ചതായി റിപ്പോർട്ടുണ്ട്.

ജൂലൈ 12 ന് മുംബൈയിലെ ബികെസിയിലെ ജിയോ വേൾഡ് കൺവെൻഷൻ സെൻ്ററിൽ വച്ചാണ് അനന്തിൻ്റെയും രാധികയുടെയും വിവാഹം.  മാർച്ചിൽ ജാംനഗറിൽ നടന്ന ആദ്യ പ്രി-വെഡ്ഡിങ് ചടങ്ങുകളിൽ ബോളിവുഡിലെ ഒട്ടുമിക്ക താരങ്ങളും ലോക പ്രശസ്ത സെലിബ്രിറ്റികളും പങ്കെടുത്തിരുന്നു. 

മൂന്ന് ദിവസം നീണ്ടു നിന്ന ചടങ്ങുകൾ ഇന്ത്യകണ്ട എക്കാലത്തെയും വലിയ വിവാഹ ആഘോഷങ്ങളിൽ ഒന്നായി. റിഹാന, ദിൽജിത് ദോസഞ്ച്, അരിജിത് സിംഗ്, അക്കോൺ, ശ്രേയ ഘോഷാൽ തുടങ്ങി നിരവധി താരങ്ങളെ ഉൾക്കൊള്ളിച്ചുകൊണ്ടുള്ള പരിപാടിയായിരുന്നു ജാംനഗറിൽ നടന്നത്.

Read More Entertainment Stories Here

• എന്നെ ആ സിനിമയിൽനിന്ന് മാറ്റണമെന്ന് പൃഥ്വിരാജ് പറഞ്ഞിട്ടില്ല: ആസിഫി അലി
• അന്ന് ആകെയുണ്ടായിരുന്നത് വള്ളിച്ചെരുപ്പും ആയിരം രൂപയും; വീണ്ടും ഡിസ്നിലാൻഡ് സന്ദർശിച്ച് വിഘ്നേഷും നയൻതാരയും
• 'മെഗാസ്റ്റാര്‍' എന്ന് ആദ്യം വിളിച്ചത് അവർ: മമ്മൂട്ടി
• നൊമ്പരപ്പെടുത്താൻ ശ്രമിച്ചവരോട് തെല്ലും പരിഭവമില്ല; വ്യാജ വാർത്തകളിൽ പ്രതികരിച്ച് ആശ ശരത്ത്
• എൻ്റെ എക്കാലത്തെയും മികച്ച ജന്മദിനം; സുഹൃത്തിനൊപ്പമുള്ള ചിത്രം പങ്കുവച്ച് ഗോപി സുന്ദർ
• ഇടി വെട്ടിയിട്ട് പ്രശ്നമില്ലെങ്കിൽ എന്ത് പാമ്പ് എന്ത് ട്രെയിൻ; ടൊവിനോയുടെ പോസ്റ്റിൽ കമന്റുമായി സഞ്ജു
• വിവാഹമുറപ്പിച്ച് വീട്ടുകാർ; ദിയയുടെ വീട്ടിലെത്തി അശ്വിനും കുടുംബവും, ചിത്രം വൈറൽ
• 'സുഡാപ്പി ഫ്രം ഇന്ത്യ,' കഫിയ ധരിച്ച് ഷെയ്ൻ നിഗം; ചിത്രം ചർച്ചയാകുന്നു
• ഇങ്ങനെയൊന്നും പറഞ്ഞ് ഞങ്ങളെ കരയിപ്പിക്കല്ലേ: മമ്മൂട്ടിയോട് ആരാധകർ
• 'മഞ്ഞുമ്മൽ ബോയ്സ്' നിർമ്മാതാക്കൾ ആസൂത്രിതമായി തട്ടിപ്പ് നടത്തിയെന്ന് പൊലീസ് റിപ്പോർട്ട്