/indian-express-malayalam/media/agency_attachments/RBr0iT1BHBDCMIEHAeA5.png)
Follow Us/indian-express-malayalam/media/media_files/J6KUktIRBhCGJyEk9TH7.jpg)
ചിത്രം: ഇൻസ്റ്റഗ്രാം
മലയാളികൾ എക്കാലവും ഓർത്തിരിക്കുന്ന ചുരുക്കം ചില നായികമാരിൽ ഒരാളാണ് നടി ശാലിനി. തമിഴ് നടൻ അജിത്തുമായുള്ള വിവാഹത്തോടെ അഭിനയ ജീവിതത്തിനോട് വിട പറഞ്ഞെങ്കിലും ശാലിനി ഇന്നും ആരാധകർക്കു പ്രിയങ്കരിയാണ്. സോഷ്യൽ മീഡിയയിൽ താരം വളരെ ആക്ടീവാണ്. ജീവിതത്തിലെ സന്തോഷ നിമിഷങ്ങൾ താരം ആരാധകരുമായി പങ്കിടാറുണ്ട്.
ഇപ്പോഴിതാ, അജിത്തിനൊപ്പം സ്പെയിനിൽ ചുറ്റിക്കറങ്ങുന്ന വീഡിയോ പങ്കുവച്ചിരിക്കുകയാണ് ശാലിനി. സ്പെയിനിലെ തെരുവുകളിലൂടെ നടക്കുന്ന വീഡിയോയാണിത്. ഇൻസ്റ്റഗ്രാമിൽ പോസ്റ്റു ചെയ്ത വീഡിയോ ആരാധകർ ഏറ്റെടുത്തു കഴിഞ്ഞു. നിരവധി കമന്റുകളും പോസ്റ്റിനു ലഭിക്കുന്നുണ്ട്.
കഴിഞ്ഞ ദിവസം, സാൻ്റിയാഗോ ബെർണബ്യൂവിൽ നടന്ന റയൽ വിയ്യാറയൽ ഫുട്ബോൾ മത്സരം കാണാൻ ശാലിനിയും മകൻ ആദ്‍വിക്കും എത്തിയിരുന്നു. ‘വാക്കുകൾക്കപ്പുറം’ എന്ന ക്യാപ്ഷനോടെ റയൽ മാഡ്രിഡ് ജഴ്സിയണിഞ്ഞ ചിത്രങ്ങളും താരം പങ്കുവച്ചിരുന്നു.
അജിത്തുമായുള്ള വിവാഹത്തിനു ശേഷം 2000-ൽ ആണ് ശാലിനി അഭിനയം അവസാനിപ്പിക്കുന്നത്. അനൗഷ്കയും ആദ്‌വികുമാണ് മക്കൾ. 80-ലധികം മലയാളം, തമിഴ്, തെലുങ്ക് ചിത്രങ്ങളിൽ ശാലിനി അഭിനയിച്ചിട്ടുണ്ട്. മണിരത്നം സംവിധാനം ചെയ്ത അലൈപ്പായുതേ എന്ന ചിത്രത്തിൽ മാധവനോടൊപ്പം നായികാ വേഷമാണ് തെന്നിന്ത്യയിൽ ശ്രദ്ധനേടിക്കൊടുത്തത്.
അതേസമയം, റേസിങ്ങിൽ സജീവമാകാൻ ഒരുങ്ങുകയാണ് അജിത് കുമാർ. 2024ലെ യൂറോപ്യൻ ജിറ്റി4 ചാമ്പ്യൻഷിപ്പിൽ അജിത് മത്സരിക്കും. ചാമ്പ്യൻഷിപ്പിനായി അജിത് തന്റെ റേസിങ് ടീമിനെ ലോഞ്ചു ചെയ്യാൻ ഒരുങ്ങുകയാണെന്ന് നടന്റെ മാനേജർ സുരേഷ് ചന്ദ്ര അറിയിച്ചു. പോർഷെ 992 ജിറ്റി3 കപ്പ് വിഭാഗത്തിൽ വരാനിരിക്കുന്ന 24എച്ച് സീരീസ് ഉൾപ്പെടെ വിവിധ അന്താരാഷ്ട്ര മത്സരങ്ങളിലാണ് അജിത് ടീമിനൊപ്പം മത്സരിക്കാൻ തയ്യാറെടുക്കുന്നത്.
ടീം പ്രഖ്യാപനത്തിലൂടെ, രാജ്യത്തെ യുവ ഡ്രൈവർമാർക്ക് അന്താരാഷ്ട്ര മത്സരങ്ങളിൽ അവസരം ഒരുക്കുന്നതിനും അജിത് ലക്ഷ്യമിടുന്നു. ബൽജിയൻ റേസർ ഫാബിയൻ ഡുഫിയ ആയിരിക്കും ടീമിന്റെ ഔദ്യോഗിക ഡ്രൈവർ. ടീം ഉടമ എന്നതിനപ്പുറം, അജിത് റേസിങ് സീറ്റിലേക്ക് തിരിച്ചെത്തുമെന്നും, സുരേഷ് ചന്ദ്ര പറഞ്ഞു.
2023ൽ പൊങ്കൽ റിലീസായി തിയേറ്ററിലെത്തിയ 'തുനിവി'ലാണ് അജിത് അവസാനമായി അഭിനയിച്ചത്. മഗിഴ് തിരുമേനി സംവിധാനം ചെയ്യുന്ന 'വിടമുയാർച്ചി'യാണ് റിലീസിനു തയ്യാറെടുക്കുന്ന പുതിയ ചിത്രം. അധിക് രവിചന്ദ്രൻ സംവിധാനം ചെയ്യുന്ന 'ഗുഡ് ബാഡ് അഗ്ലി'യും അണിയറയിൽ ഒരുങ്ങുകയാണ്.
Read More
- സെയ്ഫ് അലിഖാനല്ലേ ആ ഓടിപ്പോയത്; നിഖിലയുടെ ഫോട്ടോ സെഷനിടയിൽ ഒരു സർപ്രൈസ് എൻട്രി
- 'ഞങ്ങൾ കസിൻസാണ്, പക്ഷെ നേരിൽ കണ്ടതു രണ്ടുതവണ മാത്രം;' വിദ്യാ ബാലനെക്കുറിച്ച് പ്രിയാമണി
- New OTT Release: ഈ ആഴ്ച ഒടിടിയിൽ കാണാം, ഏറ്റവും പുതിയ ചിത്രങ്ങൾ
- നവരാത്രി ആഘോഷിച്ച് ദിലീപും കുടുംബവും; കുടുംബഫോട്ടോ മാമ്മാട്ടി കൊണ്ടുപോയെന്ന് ആരാധകർ
- നവരാത്രി ആഘോഷങ്ങൾക്കായി ബോളിവുഡ് താരങ്ങൾ കൊച്ചിയിലെത്തിയപ്പോൾ; ചിത്രങ്ങൾ
- ഫാമിൽ പോയാൽ ചെടികളോട് സംസാരിക്കും, വഴക്കു പറയും, പിറ്റേദിവസം എല്ലാം കായ്ക്കും: മേഘ്ന വിൻസെന്റ്
- 'ഇതു കണ്ട് എന്റെ അമ്മ ഞെട്ടും;' മഞ്ജു പിള്ളയ്ക്ക് സർപ്രൈസുമായി മകൾ
Stay updated with the latest news headlines and all the latest Lifestyle news. Download Indian Express Malayalam App - Android or iOS.