യാത്രകളിൽ കൂട്ടായി മിനി കൂപ്പർ; പുതിയ വാഹനം സ്വന്തമാക്കി പേളിയും ശ്രീനിഷും

അവതാരക, അഭിനേത്രി, യൂട്യൂബർ എന്നീ നിലകളിലെല്ലാം ആരാധകരുടെ പ്രിയപ്പെട്ട താരമാണ് പേളി മാണി. യാത്രകൾക്ക് കൂട്ടായി പുത്തൻ മിനി കൂപ്പർ സ്വന്തമാക്കിയിരിക്കുകയാണ് പേളിയും ഭർത്താവ് ശ്രീനിഷും. മിനി കൺട്രിമാൻ, ഇലക്ട്രിക് മോഡലാണ് പേളി സ്വന്തമാക്കിയിരിക്കുന്നത്.

മലയാളം സിനിമ മേഖലയ്ക്ക് ഏറെ പ്രിയപ്പെട്ട ബ്രാൻഡാണ് മിനി. നിരവധി മലയാളം നടി-നടന്മാർ മിനി സ്വന്തമാക്കിയിട്ടുണ്ട്. 4-5 ആളുകളുമായി യാത്ര ചെയ്യാൻ കഴിയുന്ന വലുപ്പം കുറഞ്ഞ ആഡംബര വാഹനമെന്നതു തന്നെയാണ് മിനിയുടെ സവിശേഷത. ആളു ചെറുതാണെങ്കിലും, മിനി കാറുകൾ സ്റ്റൈലിഷും പവർഫുള്ളുമാണ്. 

View this post on Instagram

A post shared by MINI EVM Autokraft (@minievmautokraft)

കുട്ടികൾക്കും ശ്രീനിഷിനും ഒപ്പമാണ് കാർ സ്വീകരിക്കാനായി പേളി ഷോറൂമിൽ എത്തിയത്. 5 കളർ ഓപ്ഷനുകളിൽ ലഭ്യമായ കൺട്രിമാന്റെ പച്ച നിറത്തിലുള്ള കാറാണ് പേളി സ്വന്തമാക്കിയത്. 47.75 ലക്ഷം രൂപയാണ് കാറിൻ്റെ എക്‌സ് ഷോറൂം വില.

View this post on Instagram

A post shared by Pearle Maaney (@pearlemaany)

മഴവിൽ മനോരമയിലെ 'ഡി ഫോർ ഡാൻസ്' റിയാലിറ്റി ഷോയിലെ അവതാരകയായെത്തിയാണ് പേളി പ്രേക്ഷക മനസ്സിലിടം നേടിയത്. ബിഗ് ബോസ് മലയാളത്തിന്റെ ആദ്യ  സീസണിലൂടെയാണ് പേളി ശ്രീനിഷ് അരവിന്ദിനെ പരിചയപ്പെടുന്നതും പ്രണയത്തിലാവുന്നതും. പ്രേക്ഷകരുടെ ഇഷ്ട ജോഡികളായി മാറിയ ഇരുവർക്കും നില, നിതാര എന്നീ രണ്ടു മക്കളുണ്ട്. 

2019 മേയ് അഞ്ചിനായിരുന്നു പേളിയുടെയും ശ്രീനിഷിന്റെയും വിവാഹം. യൂട്യൂബ് ചാനലും വ്ളോഗുമൊക്കെയായി സോഷ്യൽ മീഡിയയിൽ സജീവമാണ് ഈ ദമ്പതികൾ. അടുത്തിടെ, കൊച്ചിയിൽ പുതിയ ഫ്ളാറ്റും ഇരുവരും സ്വന്തമാക്കിയിരുന്നു. വൈറ്റിലയിലെ സിൽവർ സാൻഡ് ഐലൻഡിലാണ് പേളിയുടെയും ശ്രീനിഷിന്റെയും പുതിയ ഫ്ളാറ്റ്. 

Read More Entertainment Stories Here

• Jai Mahendran OTT: ജയ് മഹേന്ദ്രൻ ഒടിടിയിലേക്ക്
• കാത്തിരിപ്പിനൊടുവിൽ നയൻതാര വിഘ്നേശ് വിവാഹം ഒടിടിയിലേക്ക്: Nayanthara Vignesh Shivan Wedding Documentary OTT Release On Netflix
• ''അവൻ പോയതു മുതൽ എൻ്റെ ഹൃദയം തകർന്നിരിക്കുകയാണ്''; കല്യാണി പ്രിയദർശൻ
• കപ്പിൾസ് ഇൻ ബ്ലാക്ക്: പൂർണ്ണിമയെ ചേർത്തു പിടിച്ച് ഇന്ദ്രജിത്ത്
• ഫഹദ് ഫാസിലിനെ പോലെയൊരു അസാധ്യ നടനെ എവിടെയും കണ്ടിട്ടില്ല: രജനീകാന്ത്
• Kishkindha Kandam OTT: കിഷ്‌കിന്ധാകാണ്ഡം എപ്പോൾ ഒടിടിയിൽ എത്തും? എവിടെ കാണാം?
• 35 വർഷങ്ങൾക്കു ശേഷം 'ഒരു വടക്കൻ വീരഗാഥ' വീണ്ടും വെള്ളിത്തിരയിലേക്ക്; ആശംസകളുമായി മമ്മൂട്ടി; ടീസർ