സർദാർ 2 ഷൂട്ടിനിടെ അപകടം: 20 അടി ഉയരത്തിൽ നിന്ന് വീണ് സ്റ്റണ്ട്മാന് ദാരുണാന്ത്യം

ചെന്നൈ: 'സർദാറിൻ്റെ 2'ൻ്റെ സെറ്റിൽ ഉണ്ടായ അപകടത്തിൽ സ്റ്റണ്ട്മാൻ ഏഴുമലൈ മരിച്ചു. ചിത്രത്തിലെ ഒരു സംഘട്ടനരംഗത്തിൻ്റെ ചിത്രീകരണത്തിനിടെയാണ് 20 അടി താഴ്ചയിലേക്ക് വീണ് ചെന്നൈയിലെ ന്യൂ വാഷർമെൻപേട്ട സ്വദേശിയായ ഏഴുമലൈ മരിച്ചത്. കഴിഞ്ഞ 35 വർഷമായി വിവിധ സിനിമകളിൽ സ്റ്റണ്ട് ആർട്ടിസ്റ്റായി പ്രവർത്തിച്ചുവരികയാണ് ഏഴുമലൈ. 

ജൂലൈ 15നാണ് ചെന്നൈയിലെ സാലിഗ്രാമത്തിലുള്ള പ്രസാദ് സ്റ്റുഡിയോയിലെ സെറ്റിൽ ചിത്രത്തിൻ്റെ ഷൂട്ടിംഗ് ആരംഭിച്ചത്.  ആക്ഷൻ രംഗത്തിൽ യാതൊരു സുരക്ഷാ ഉപകരണങ്ങളും ഇല്ലാതെയാണ് സ്റ്റണ്ട്മാൻ പങ്കെടുത്തത് എന്നും റിപ്പോർട്ടുണ്ട്. അപ്രതീക്ഷിതമായി 20 അടിയോളം ഉയരത്തിൽ നിന്ന് താഴേക്ക് വീഴുകയായിരുന്നു. ഉടൻ തന്നെ ആശുപത്രിയിൽ എത്തിച്ചെങ്കിലും മരണം സംഭവിച്ചതായി ഡോക്ടർമാർ അറിയിച്ചു.  "ഉയരത്തിൽ നിന്നുള്ള വീഴ്ചയെ തുടർന്ന് നെഞ്ചിന് പരിക്കേറ്റു, ശ്വാസകോശത്തിൽ രക്തസ്രാവമുണ്ടായി", ഡോക്ടർമാർ പറയുന്നതിങ്ങനെ. 

വിവരമറിഞ്ഞ് വിരുഗമ്പാക്കം പോലീസ് സ്ഥലത്തെത്തി, അന്വേഷണം ആരംഭിച്ചിരിക്കുകയാണ്. മുൻപ്, ഇന്ത്യൻ 2 ഷൂട്ടിംഗിൽ ക്രെയിൻ അപകടത്തിൽ മൂന്ന് പേർ മരിക്കുകയും 10 പേർക്ക് പരിക്കേൽക്കുകയും ചെയ്തിരുന്നു. 

The auspicious pooja for #Karthi starrer #Sardar2 took place recently and the shooting of the film is scheduled to start on July 15th 2024 in grand sets in Chennai.@Karthi_Offl@psmithran@Prince_Pictures@lakku76@venkatavmedia@thisisysr@george_dop@rajeevan69@dhilipaction… pic.twitter.com/nVraSAbMi4

— Prince Pictures (@Prince_Pictures) July 12, 2024

കാർത്തിയെ നായകനാക്കി പി എസ് മിത്രൻ സംവിധാനം ചെയ്ത ചിത്രമാണ് ‘സർദാർ 2'. ജൂലൈ 12നാണ് ചിത്രത്തിന്റെ ഷൂട്ടിംഗ് ആരംഭിച്ചത്. പ്രിൻസ് പിക്‌ചേഴ്‌സ് നിർമ്മിക്കുന്ന ചിത്രത്തിൻ്റെ സംഗീതം യുവൻ ശങ്കർ രാജയാണ്.

Read More Stories Here

• തങ്കമേ, എൻ ഉലകമായവളേ; നയൻതാരയ്ക്കു സ്നേഹചുംബനമേകി വിഘ്നേഷ്, ചിത്രങ്ങൾ
• അനന്ത് അംബാനിയും രാധിക മെർച്ചന്റും വിവാഹിതരായി, ആദ്യ ചിത്രങ്ങൾ പുറത്ത്
• അംബാനി കല്യാണം കൂടി നയൻതാരയും; വീഡിയോ
• നൂർ ജലീലയെ എനിക്ക് നേരത്തെയറിയാം, ഞങ്ങൾ പഴേ ഫ്രണ്ട്സാ: മമ്മൂട്ടി
• ആ പാട്ട് ഷൂട്ട് ചെയ്തത് നാലര വർഷം കൊണ്ട്: ഹിറ്റ് ഗാനത്തിനു പിന്നിലെ കഥ പറഞ്ഞ് ശിൽപ്പ ഷെട്ടി