അന്നും ഇന്നും ഞങ്ങൾ; പൃഥ്വിയ്ക്ക് ഒപ്പമുള്ള ചിത്രവുമായി അമല പോൾ

വർഷങ്ങളുടെ കാത്തിരിപ്പിനൊടുവിൽ പൃഥ്വിരാജിനെ നായകനാക്കി ബ്ലെസി സംവിധാനം ചെയ്യുന്ന 'ആടുജീവിതം' റിലീസിനൊരുങ്ങുകയാണ്.  മാർച്ച് 28ന് ചിത്രം തിയേറ്ററുകളിലേക്ക് എത്തും. ബ്ലെസി, പൃഥ്വിരാജ്, അമല പോൾ എന്നിവരുടെയെല്ലാം ജീവിതത്തിലെ വർഷങ്ങൾ അപഹരിച്ച ചിത്രമാണ് ആടുജീവിതം. 2018ൽ തുടങ്ങിയ ആടുജീവിതത്തിന്റെ യാത്ര പൂർത്തിയായത് 2024ൽ ആണ്. കോവിഡ് അടക്കം പലവിധ പ്രതിസന്ധികളെ മറികടന്നായിരുന്നു ആടുജീവിതത്തിന്റെ യാത്ര.

ആടുജീവിതം യാത്രയെ ഓർമ്മിപ്പിക്കുന്ന രണ്ടു ചിത്രങ്ങൾ പങ്കിടുകയാണ് നടി അമല പോൾ. 

"2018ൽ ആരംഭിച്ചതും 2024 വരെ തുടർന്നതുമായ അവിശ്വസനീയമായ യാത്രയെ പ്രതിഫലിപ്പിക്കുന്ന ചിത്രം. വാക്കുകൾക്കതീതമായ നന്ദി," എന്നാണ് പൃഥ്വിയ്ക്ക് ഒപ്പമുള്ള ചിത്രങ്ങൾ പങ്കുവച്ച് അമല കുറിച്ചത്.

View this post on Instagram

A post shared by Amala Paul (@amalapaul)

ഒരു ചിത്രം 2018ൽ ആടുജീവിതത്തിന്റെ പ്രാരംഭജോലികൾ തുടങ്ങിയ കാലത്ത് പകർത്തിയതാണ്. മറ്റേത്, അടുത്തിടെ ആടുജീവിതം പ്രമോഷനിടയിൽ പകർത്തിയതും. കാഴ്ചയിൽ പോലും വളരെ മാറിപ്പോയ പൃഥ്വിരാജിനെയും അമലേയുമാണ് പുതിയ ചിത്രത്തിൽ കാണാനാവുക.

ചിത്രത്തിനു വേണ്ടി അമ്പരപ്പിക്കുന്ന മേക്കോവർ തന്നെ പൃഥ്വി നടത്തിയിരുന്നു. ആടുജീവിതത്തിലെ നജീബായി മാറാൻ 30 കിലോയോളമാണ് പൃഥ്വി  ശരീരഭാരം കുറച്ചത്. 

പൃഥ്വിരാജിനും അമല പോളിനുമൊപ്പം ജിമ്മി ജീൻ ലൂയിസും ചിത്രത്തിൽ പ്രധാന കഥാപാത്രമാവുന്നുണ്ട്. എ ആർ റഹ്മാൻ സംഗീത സംവിധാനവും റസൂൽ പൂക്കുട്ടി സൗണ്ട് ഡിസൈനും നിർവ്വഹിക്കുന്ന ചിത്രത്തിന്റെ എഡിറ്റിങ് നിർവ്വഹിച്ചത് ശ്രീകർ പ്രസാദാണ്. 

Read More Related Stories 

• ഏറ്റവും കൂടുതൽ പ്രതിഫലം വാങ്ങുന്ന ബോളിവുഡ് നടി ആരെന്നറിയാമോ?
• കൗമാരക്കാലം മുതൽ കണ്ട സ്വപ്നം മുന്നിൽ; സന്തോഷമടക്കാനാവാതെ സുചിത്ര മോഹൻലാൽ, വീഡിയോയുമായി മായ
• കുഞ്ഞാറ്റയെ ചേർത്തുപിടിച്ച് മീനാക്ഷി; ഇവർ തമ്മിൽ കൂട്ടായിരുന്നോ എന്ന് ആരാധകർ
• ഒടിടിയിൽ ഇപ്പോൾ ലഭ്യമായ ഏറ്റവും പുതിയ ചിത്രങ്ങൾ
• തിരുപ്പതിയിൽ ദർശനം നടത്തി മോഹൻലാൽ; വീഡിയോ
• ഉർവശിയേക്കാൾ മികച്ചതായി വരില്ല: അന്ന് കൽപ്പന പറഞ്ഞത്
• 99,000 രൂപയുടെ ഡെനിം ജാക്കറ്റ്, ക്രോപ്പ് ടോപ്പിന് 16,000 രൂപ: ആര്യന്റെ ബ്രാൻഡിന് തൊട്ടാൽ പൊള്ളുന്ന വില