1000 Babies OTT: 1000 ബേബീസ് ഒടിടിയിലേക്ക്

ഡിസ്നി പ്ലസ് ഹോട്ട്സ്റ്റാറിന്റെ അഞ്ചാമത്തെ മലയാളം ഒറിജിനൽ സീരിസായ "1000 ബേബീസ്" സ്ട്രീമിങ്ങിന് ഒരുങ്ങുന്നു. തെന്നിന്ത്യയുടെ പ്രിയതാരം റഹ്മാൻ ആദ്യമായി അഭിനയിക്കുന്ന വെബ് സീരീസിന്റെ ട്രെയ്‌ലർ പുറത്തിറക്കിയിരുന്നു. ആകാംക്ഷയും സസ്‌പെൻസും നിറഞ്ഞ കഥാപശ്ചാത്തലമാണ് ട്രെയ്‌ലറിൽ. നീന ഗുപ്തയും റഹ്‌മാനൊപ്പം പ്രധാന വേഷത്തിൽ സീരീസിൽ എത്തുന്നു. സൈക്കോളജിക്കൽ സസ്പെൻസ് ക്രൈം ത്രില്ലർ ജോണറിലുള്ള വ്യത്യസ്തമായ പ്രമേയത്തിലാണ് 1000 ബേബീസ് ഒരുക്കിയിരിക്കുന്നത്.

സഞ്ജു ശിവറാം, അശ്വിൻ കുമാർ, ആദിൽ ഇബ്രാഹിം, ഷാജു ശ്രീധർ, ഇർഷാദ് അലി, ജോയ് മാത്യു, വികെപി, മനു എം ലാൽ,  ഷാലു റഹീം, സിറാജുദ്ധീൻ നാസർ, ഡെയിൻ ഡേവിസ്, രാധിക രാധാകൃഷ്ണൻ, വിവിയ ശാന്ത്, നസ്ലിൻ, ദിലീപ് മേനോൻ, ധനേഷ് ആനന്ദ്, ശ്രീകാന്ത് മുരളി, ശ്രീകാന്ത് ബാലചന്ദ്രൻ, രാധാ ഗോമതി തുടങ്ങി മലയാളികളുടെ പ്രിയപ്പെട്ട താരനിര തന്നെയാണ് സീരീസിൽ അണിനിരക്കുന്നത്.

നജീം കോയ സംവിധാനം ചെയ്തിരിക്കുന്ന ഈ ത്രില്ലർ സീരീസ്, നജീം കോയയും അറൗസ് ഇർഫാനും ചേർന്നാണ് രചിച്ചിരിക്കുന്നത്. ഓഗസ്റ്റ് സിനിമയുടെ ബാനറിൽ ഷാജി നടേശനും ആര്യയും ചേർന്നാണ് സീരീസിന്റെ നിർമ്മാണം. സീരീസിനായി ദൃശ്യങ്ങൾ പകർത്തുന്നത് ഫെയ്‌സ് സിദ്ദിക്കാണ്. ശങ്കർ ശർമ്മ സംഗീതം നിർവഹിച്ചിരിക്കുന്ന ഈ ത്രില്ലർ സീരീസിന്റെ സൗണ്ട് ഡിസൈനിംഗ് ധനുഷ് നായനാരും, എഡിറ്റിംഗ് ജോൺകുട്ടിയുമാണ്. കലാസംവിധാനം ആഷിക് എസ്, ശബ്ദമിശ്രണം ഫസൽ എ. ബാക്കർ, സ്റ്റിൽ ഫോട്ടോഗ്രാഫി സന്തോഷ് പട്ടാമ്പിയുമാണ്.

1000 ബേബീസ് ഒടിടി റിലീസ് തീയതി: 1000 Babies OTT Release Date

ഡിസ്നി പ്ലസ് ഹോട്ട്സ്റ്റാറിലൂടെ ഒക്ടോബര്‍ 18 മുതൽ 1000 ബേബീസ് സ്ട്രീമിങ് ആരംഭിക്കും. മലയാളം, തമിഴ്, തെലുങ്ക്, കന്നഡ, മറാത്തി, ഹിന്ദി, ബംഗാളി എന്നീ  ഏഴു ഭാഷകളിൽ 1000 ബേബീസ് കാണാം.

Read More Entertainment Stories Here

• Jai Mahendran OTT: ജയ് മഹേന്ദ്രൻ ഒടിടിയിലേക്ക്
• കാത്തിരിപ്പിനൊടുവിൽ നയൻതാര വിഘ്നേശ് വിവാഹം ഒടിടിയിലേക്ക്: Nayanthara Vignesh Shivan Wedding Documentary OTT Release On Netflix
• ''അവൻ പോയതു മുതൽ എൻ്റെ ഹൃദയം തകർന്നിരിക്കുകയാണ്''; കല്യാണി പ്രിയദർശൻ
• കപ്പിൾസ് ഇൻ ബ്ലാക്ക്: പൂർണ്ണിമയെ ചേർത്തു പിടിച്ച് ഇന്ദ്രജിത്ത്
• ഫഹദ് ഫാസിലിനെ പോലെയൊരു അസാധ്യ നടനെ എവിടെയും കണ്ടിട്ടില്ല: രജനീകാന്ത്
• Kishkindha Kandam OTT: കിഷ്‌കിന്ധാകാണ്ഡം എപ്പോൾ ഒടിടിയിൽ എത്തും? എവിടെ കാണാം?
• 35 വർഷങ്ങൾക്കു ശേഷം 'ഒരു വടക്കൻ വീരഗാഥ' വീണ്ടും വെള്ളിത്തിരയിലേക്ക്; ആശംസകളുമായി മമ്മൂട്ടി; ടീസർ