മാടപ്രാവുകളെ പോലെ നടന്ന സുരേശനും സുമലതയ്ക്കും ഇതെന്തു പറ്റി?  തല്ലി പിരിഞ്ഞോ?: വീഡിയോ

രതീഷ് ബാലകൃഷ്ണ പൊതുവാളിന്റെ സംവിധാനത്തിൽ ഒരുങ്ങിയ ചിത്രമാണ് 'ന്നാ താൻ കേസ് ക്കൊട്' എന്ന ചിത്രത്തിലെ സുമലത ടീച്ചറെയും സുരേശനെയും ഓർക്കുമ്പോൾ പ്രേക്ഷകരെ മുഖത്തൊരു പുഞ്ചിരി വിരിയും. പ്രണയം നിറഞ്ഞ നോട്ടവുമായി   'ആയിരം കണ്ണുമായി' പാടുന്ന സുരേശനും സുമലതയും. ആ കഥാപാത്രങ്ങളുടെ വിജയം തന്നെയാണ് ഇരുവരെയും കേന്ദ്രകഥാപാത്രങ്ങളാക്കി 'സുരേശന്റെയും സുമലതയുടെയും ഹൃദയഹാരിയായ പ്രണയകഥ' എന്ന ചിത്രം ഒരുക്കാൻ രതീഷ് ബാലകൃഷ്ണ പൊതുവാളിന് പ്രചോദനമായതും. 

വാലന്റൈൻസ് ഡേയ്ക്ക് മുന്നോടിയായി ചിത്രത്തിലെ ഒരു ഗാനരംഗം റിലീസ് ചെയ്തിരിക്കുകയാണ് അണിയറപ്രവർത്തകർ. എന്നാൽ ഈ ഗാനം ഒരു പ്രണയത്തെയല്ല, വിരഹത്തെ കുറിച്ചുള്ളതാണ് എന്നതാണ് കൗതുകം. ഗാനരംഗത്തിൽ സുരേശനും സുമലതയും അൽപ്പം ഖിന്നരാണ്. ഇരുവർക്കും ഇതെന്തു പറ്റി? രണ്ടാളും അടിച്ചു പിരിഞ്ഞോ എന്നാണ് ആരാധകർ തിരക്കുന്നത്. സുരേശനിങ്ങനെ വിരഹഗാനം പാടി നടക്കാൻ കാരണമായതെന്തെന്ന് അറിയാൻ മെയ് 16 വരെ കാത്തിരിക്കാം, അന്നാണ് ചിത്രത്തിന്റെ റിലീസ്. 

രാജേഷ് മാധവനും ചിത്ര നായരുമാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. കുഞ്ചാക്കോ ബോബനും ചിത്രത്തിലൊരു പ്രധാന കഥാപാത്രത്തെ അവതരിപ്പിക്കുന്നുണ്ട്.  പയ്യന്നൂരും പരിസര പ്രദേശങ്ങളുമാണ് ചിത്രത്തിന്റെ ലൊക്കേഷൻ.

ഇമ്മാനുവൽ ജോസഫ്, അജിത് തലപ്പള്ളി എന്നിവരാണ് നിർമാണം. സബിൻ ഊരാളുക്കണ്ടി ഛായാഗ്രഹണവും ആകാശ് തോമസ് എഡിറ്റിംഗും ഡോൺ വിൻസെൻറ് സംഗീതവും നിർവ്വഹിക്കുന്നു. 

Read More Entertainment News Here

• നസ്‍ലെനെ ഒരുപാട് ഇഷ്ടപ്പെട്ടു, അവനെ ഒന്നു കാണണം: പ്രിയദർശൻ
• സംസാരത്തിൽ എന്തോ തകരാറുണ്ടല്ലോ മമ്മൂക്കാ, മനയ്ക്കലേക്ക് ക്ഷണിക്കുകയാണോ?; മമ്മൂട്ടിയോട് ആരാധകർ
• അഞ്ചരമാസം ഗർഭിണിയാണ്; ട്രെയിലർ ലോഞ്ചിനിടെ സർപ്രൈസുമായി യാമി ഗൗതം
• നിനക്കൊക്കെ ആരാടാ എന്റെ ചെറുപ്പമല്ലാതെ റോളുതരുന്നത്; മകന്റെ സിനിമയെപ്പറ്റി സലിംകുമാർ