"ഗൊറില്ലയോ ചിമ്പാൻസിയോ പോലെ... ഇതുവരെ കാണാത്ത ഒരു ജീവി"; പേടിപ്പിച്ചും ചിരിപ്പിച്ചും 'നെല്ലിക്കാംപൊയിൽ നൈറ്റ് റൈഡേഴ്‌സ്' ട്രെയിലർ

മാത്യു തോമസിനെ നായകനാക്കി, പ്രശസ്ത എഡിറ്റർ നൗഫൽ അബ്ദുള്ള ആദ്യമായി സംവിധാനം ചെയ്ത 'നെല്ലിക്കാംപൊയിൽ നൈറ്റ് റൈഡേഴ്‌സ്' എന്ന ചിത്രത്തിൻ്റെ ട്രെയിലർ പുറത്തിറക്കി. ഹൊറർ ഫാന്റസിക്കൊപ്പം കോമഡിയും സസ്‍പെൻസും ആക്ഷനും കോർത്തിണക്കിയ ചിത്രമായിരിക്കും നൈറ്റ് റൈഡേഴ്‌സ് എന്ന സൂചനയാണ് ട്രെയിലർ നൽകുന്നത്.

Also Read: "ഒരുത്തൻ കാട്ടു തീ എങ്കിൽ, മറ്റവൻ കൊടുങ്കാറ്റ്;" ടൊവിനോ, ബേസിൽ, വിനീത് കോമ്പോയിൽ 'അതിരടി'; ടീസർ എത്തി

എ ആന്‍ഡ് എച്ച്.എസ്. പ്രൊഡക്ഷന്‍സിന്റെ ബാനറില്‍ അബ്ബാസ് തിരുനാവായ, സജിന്‍ അലി, ഹംസ തിരുനാവായ എന്നിവര്‍ ചേര്‍ന്നാണ് ചിത്രം നിർമ്മിച്ചിരിക്കുന്നത്. ‘പ്രണയവിലാസം’ എന്ന ചിത്രത്തിന്റെ എഴുത്തുകാരായ ജ്യോതിഷ് എം, സുനു എ.വി. എന്നിവരാണ് ചിത്രത്തിൻ്റെ രചന നിർവഹിച്ചിരിക്കുന്നത്.

Also Read: ദീപാവലി കളറാക്കി സൂര്യയുടെ 'ഗോഡ് മോഡ്'; സായ് അഭ്യങ്കറിന്റെ സംഗീതത്തിൽ 'കറുപ്പി'ലെ ഗാനം എത്തി

മാത്യു തോമസിനെ കൂടാതെ, മീനാക്ഷി ഉണ്ണികൃഷ്ണന്‍, അബു സലിം, റോണി ഡേവിഡ് രാജ്, വിഷ്ണു അഗസ്ത്യ, റോഷന്‍ ഷാനവാസ്, ശരത് സഭ, മെറിന്‍ ഫിലിപ്പ്, സിനില്‍ സൈനുദ്ദീന്‍, നൗഷാദ് അലി, നസീര്‍ സംക്രാന്തി, ചൈത്ര പ്രവീണ്‍ എന്നിവരാണ് ചിത്രത്തിലെ മറ്റു പ്രധാന താരങ്ങൾ. നെല്ലിക്കാംപൊയില്‍ എന്ന ഗ്രാമത്തില്‍ നടക്കുന്ന സംഭവമാണ് ചിത്രത്തിൽ അവതരിപ്പിക്കുന്നത്.

Also Read: കട്ട റൊമാൻസുമായി ഡബിൾ മോഹൻ; വിലായത്ത് ബുദ്ധയിലെ ഗാനമെത്തി

വിമല്‍ ടി.കെ, കപില്‍ ജാവേരി, ഗുര്‍മീത് സിങ് എന്നിവരാണ് ചിത്രത്തിന്റെ സഹനിര്‍മ്മാണം. ഛായാഗ്രഹണം- അഭിലാഷ് ശങ്കര്‍, എഡിറ്റര്‍- നൗഫല്‍ അബ്ദുള്ള, സംഗീതം- യാക്‌സന്‍ ഗാരി പെരേര, നേഹ എസ്. ഒക്ടോബർ 24 ന് ആഗോള റിലീസായി ചിത്രം തിയേറ്ററുകളിലെത്തും.

Read More: ധ്രുവ് വിക്രമിനൊപ്പം അനുപമയും ലാലും; ഞെട്ടിച്ച് മാരി സെൽവരാജ് ചിത്രം 'ബൈസൺ' ട്രെയിലർ