ദീപാവലി കളറാക്കി സൂര്യയുടെ 'ഗോഡ് മോഡ്'; സായ് അഭ്യങ്കറിന്റെ സംഗീതത്തിൽ 'കറുപ്പി'ലെ ഗാനം എത്തി

സൂര്യയെ നായകനാക്കി ആര്‍.ജെ ബാലാജി സംവിധാനം ചെയ്യുന്ന ഏറ്റവും പുതിയ ചിത്രമാണ് 'കറുപ്പ്.' ആരാധകർ ആവേശത്തോടെ കാത്തിരിക്കുന്ന കറുപ്പിലെ പുതിയ ഗാനം പുറത്തിറക്കി. 'ഗോഡ് മോഡ്' എന്ന ഗാനത്തിന്റെ ലിറിക്കൽ വിഡിയോ ആണ് പുറത്തിറക്കിയത്.

സായ് അഭ്യങ്കർ സംഗീതം ഒരുക്കിയ ഗാനം ഉത്സവ വൈബിലുള്ളതാണ്. തകർപ്പൻ സ്റ്റെപ്പുകളുമായി സൂര്യ എത്തുന്ന ഗാനം ദീപാവലി ദിനത്തിലാണ് പുറത്തിറക്കിയിരിക്കുന്നത്. വിഷ്ണു ഇടവന്റേതാണ് വരികൾ. ഗാന മുത്തുവും സായ് അഭ്യങ്കറും ചേർന്നാണ് ആലപിച്ചിരിക്കുന്നത്. 

Also Read: "ഒരുത്തൻ കാട്ടു തീ എങ്കിൽ, മറ്റവൻ കൊടുങ്കാറ്റ്;" ടൊവിനോ, ബേസിൽ, വിനീത് കോമ്പോയിൽ 'അതിരടി'; ടീസർ എത്തി

സൂര്യയുടെ കരിയറിലെ 45-ാമത്തെ ചിത്രമാണ് കറുപ്പ്. ചിത്രത്തിന്റെ റിലീസ് തീയതി ഇതുവരെ പുറത്തുവിട്ടിട്ടില്ല. ഡ്രീം വാരിയർ പിക്‌ചേഴ്‌സ് നിർമിക്കുന്ന കറുപ്പിൽ തൃഷയാണ് നായികയായെത്തുന്നത്. സ്വാസിക, ഇന്ദ്രൻസ്, യോഗി ബാബു, ശിവദ, സുപ്രീത് റെഡ്ഡി, അനക മായ രവി എന്നിവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു. 

Also Read: കട്ട റൊമാൻസുമായി ഡബിൾ മോഹൻ; വിലായത്ത് ബുദ്ധയിലെ ഗാനമെത്തി

ജി.കെ വിഷ്ണു ആണ് ചിത്രത്തിനായി ക്യാമറ ചലിപ്പിക്കുന്നത്. എഡിറ്റിങ് കലൈവാനൻ നിർവഹിക്കുന്നു. കലാസംവിധാനം അരുൺ വെഞ്ഞാറമൂട്, സ്റ്റണ്ട് കൊറിയോഗ്രഫി വിക്രം മോർ എന്നിവർ നിർവഹിക്കുന്നു. അടുത്തിടെ പുറത്തിറക്കിയ ചിത്രത്തിന്റെ ടീസർ ഏറെ ശ്രദ്ധനേടിയിരുന്നു.

Read More: ധ്രുവ് വിക്രമിനൊപ്പം അനുപമയും ലാലും; ഞെട്ടിച്ച് മാരി സെൽവരാജ് ചിത്രം 'ബൈസൺ' ട്രെയിലർ