ധ്രുവ് വിക്രമിനൊപ്പം അനുപമയും ലാലും; ഞെട്ടിച്ച് മാരി സെൽവരാജ് ചിത്രം 'ബൈസൺ' ട്രെയിലർ

ധ്രുവ് വിക്രമിനെ നായകനാക്കി മാരി സെൽവരാജ് സംവിധാനം ചെയ്യുന്ന ഏറ്റവും പുതിയ ചിത്രമാണ് 'ബൈസൺ'. ചിത്രത്തിന്റെ ട്രെയിലർ പുറത്തിറക്കി. അനുപമ പരമേശ്വരൻ നായികയായി എത്തുന്ന ചിത്രത്തിൽ മലയാളി താരങ്ങളായ രജിഷ വിജയൻ, ലാൽ എന്നിവരും പ്രധാന വേഷത്തില്‍ എത്തുന്നു.

Also Read: 'എല്ലാ കുറ്റകൃത്യങ്ങളും ഒരു പാതിരാത്രിയെ സ്നേഹിക്കുന്നു', ത്രില്ലടിപ്പിക്കാൻ നവ്യ- സൗബിൻ ചിത്രം 'പാതിരാത്രി'; ട്രെയിലർ

കബ‍ഡി കളിക്കാരനായി ധ്രുവ് എത്തുന്ന ബൈസൺ സ്പോർട്സ് ഡ്രാമ വിഭാഗത്തിൽപെട്ട ചിത്രമായിരിക്കും. കബഡി താരമായ മാനത്തി ഗണേശന്റെ ജീവിതത്തെ ആസ്പദമാക്കിയൊരുങ്ങുന്ന ചിത്രമായിരിക്കും ബൈസണെന്ന അഭ്യൂഹങ്ങൾ പ്രചരിച്ചിരുന്നെ​ങ്കിലും ബൈസണിന്റെ പ്രമേയം സാങ്കല്‍പിക കഥയായിരിക്കും എന്ന് സംവിധായകൻ മാരി സെല്‍വരാജ് തന്നെ വ്യക്തമാക്കിയിട്ടുണ്ട്.

Also Read: 'ഒരു പെണ്ണും കുറേ ഭർത്താക്കന്മാരും'; നിഖില വിമലിന്റെ 'പെണ്ണ് കേസ്' ടീസർ എത്തി

ധ്രുവിൻ്റെ കരിയറിലെ മൂന്നാമത്തെ ചിത്രമാണ് ബൈസൺ. ദീപാവലി റിലീസായി ഒക്ടോബർ 17ന് ബൈസൺ തിയറ്ററുകളിലെത്തും. വിക്രം, ബോബി സിംഹ എന്നിവർ പ്രധാനവേഷത്തിലെത്തിയ 'മഹാൻ' ആയിരുന്നു ധ്രുവിന്റേതായി അവസാനം പുറത്തിറങ്ങിയ ചിത്രം.

Read More: ചിരിപ്പിച്ച് ത്രില്ലടിപ്പിക്കാൻ ഷറഫുദ്ദീനൊപ്പം അനുപമ പരമേശ്വരൻ; 'പെറ്റ് ഡിറ്റക്ടീവി' ട്രെയിലർ എത്തി