കള്ളപ്പണക്കാർക്ക് പിന്നാലെ കേന്ദ്ര ഏജൻസികളുണ്ടാകും: എക്‌സ്‌പ്രസ് അഡ്ഡയിൽ നിർമ്മലാ സീതാരാമൻ

ബംഗളൂരു: പ്രധാനമന്ത്രി നരേന്ദ്ര മോദിയുടെ കീഴിലുള്ള  സർക്കാർ തികച്ചും ശുദ്ധമാണെന്നും അതിൽ താൻ സന്തുഷ്ടയാണെന്നും കേന്ദ്ര ധനമന്തരി നിർമ്മലാ സീതാരാമൻ. ബെംഗളൂരുവിലെ എക്‌സ്പ്രസ് അഡ്ഡയിലെ അതിഥിയായി പങ്കെടുത്തുകൊണ്ടായിരുന്നു നിർമ്മലാ സീതാരാമന്റെ പ്രതികരണം. ദി ഇന്ത്യൻ എക്‌സ്‌പ്രസ് ഗ്രൂപ്പിന്റെ എക്‌സിക്യൂട്ടീവ് ഡയറക്ടർ അനന്ത് ഗോയങ്ക, ദി ഇന്ത്യൻ എക്‌സ്‌പ്രസ് എക്‌സിക്യൂട്ടീവ് എഡിറ്റർ പി വൈദ്യനാഥൻ അയ്യർ എന്നിവരുമായാണ് അവർ സംഭാഷണത്തിൽ പങ്കെടുത്തത്. 

ആദായനികുതി, സിബിഐ, ഇഡി എന്നിവയെ സൂചിപ്പിക്കുന്ന ഐസിഇഡിയെക്കുറിച്ചുള്ള ചോദ്യത്തെ സീതാരാമൻ അഭിസംബോധന ചെയ്ത ധനമന്ത്രി ഞങ്ങൾ (ബിജെപി) അഴിമതിക്കാരല്ലെന്നും പ്രധാനമന്ത്രി നരേന്ദ്ര മോദിയുടെ സർക്കാർ തികച്ചും ശുദ്ധമാണെന്നും അതിൽ ഞാൻ സന്തോഷിക്കുകയും അഭിമാനിക്കുകയും ചെയ്യുന്നുവെന്നും വ്യക്തമാക്കി. 

മൂലധനച്ചെലവിൽ കേന്ദ്രസർക്കാർ ഊന്നൽ നൽകി ഇന്ത്യയുടെ വളർച്ചാ പാത രൂപപ്പെടുത്തുന്ന സമയത്താണ് ഈ പരിപാടി നടക്കുന്നതെന്ന് കേന്ദ്ര ധനമന്ത്രി പറഞ്ഞു.  ഭൗമരാഷ്ട്രീയ സംഘട്ടനങ്ങളിൽ നിന്നുള്ള ആഗോള അപകടസാധ്യതകൾ വ്യാപാരത്തെയും ചരക്കുകളുടെ വിലയെയും വിതരണ ശൃംഖലയെയും ബാധിക്കുന്നതിനുള്ള അപകടസാധ്യതയുള്ള സമയം കൂടിയാണിത്. അത്തരം ഘടകങ്ങളിൽ നിന്നുള്ള തുടർച്ചയായ അപകടസാധ്യതകൾക്കിടയിൽ വളർച്ചാ പാത നിലനിർത്തുക എന്നതാണ് ധനമന്ത്രിയുടെ വെല്ലുവിളി.

നരേന്ദ്ര മോദിയുടെ നേതൃത്വത്തിലുള്ള സർക്കാരിൽ രണ്ട് പ്രധാന പോർട്ട്‌ഫോളിയോകളുടെ ചുമതല സീതാരാമനാണ്, കൂടാതെ ഇന്ത്യയിലെ ഏറ്റവും കൂടുതൽ കാലം മുഴുവൻ സമയ വനിതാ ധനമന്ത്രി എന്ന നിലയിൽ, അവർ തുടർച്ചയായി ആറ് ബജറ്റുകൾ അവതരിപ്പിച്ചു. ഇതോടെ അവർ മൊറാർജി ദേശായിയുടെ റെക്കോർഡിന് ഒപ്പമെത്തി. വരാനിരിക്കുന്ന ലോക്‌സഭാ തെരഞ്ഞെടുപ്പിന് ആഴ്‌ചകൾ മാത്രം ശേഷിക്കെ, 2024-25 ലെ ഇടക്കാല ബജറ്റ് അവർ ആത്മവിശ്വാസത്തോടെ അവതരിപ്പിച്ചു. സാമ്പത്തിക വിവേകം പ്രദർശിപ്പിച്ചതിന് സീതാരാമന്റെ ബജറ്റ് പ്രശംസിക്കപ്പെട്ടിരുന്നു. 

മധുരയിൽ ഒരു ഇടത്തരം കുടുംബത്തിൽ ജനിച്ച സീതാരാമൻ ജെഎൻയുവിൽ നിന്ന് സാമ്പത്തിക ശാസ്ത്രത്തിൽ ബിരുദാനന്തര ബിരുദം നേടി. 2008ൽ ബിജെപിയിൽ ചേർന്ന അവർ 2010ൽ പാർട്ടിയുടെ ദേശീയ വക്താവായി. മോദി സർക്കാരിന്റെ ആദ്യ അഞ്ച് വർഷത്തെ കാലയളവിൽ, പ്രതിരോധ മന്ത്രി സ്ഥാനത്തേക്ക് എത്തുന്നതിനു മുൻപ് അവർ, കോർപ്പറേറ്റ് കാര്യങ്ങളുടെ സ്വതന്ത്ര ചുമതലയുള്ള കേന്ദ്രമന്ത്രിയായും ധനകാര്യ സഹമന്ത്രിയായും സേവനമനുഷ്ഠിച്ചു. നിലവിലെ സർക്കാരിൽ, കേന്ദ്ര ധനകാര്യ, കോർപ്പറേറ്റ് കാര്യ മന്ത്രാലയങ്ങളുടെ ചുമതലയാണ് നിർമ്മല സീതാരാമൻ വഹിക്കുന്നത്. 

ഇന്ത്യൻ എക്‌സ്‌പ്രസ് ഗ്രൂപ്പിന്റെ ഒരു പരമ്പരയാണ് എക്‌സ്‌പ്രസ് അഡ്ഢ. വിദേശകാര്യ മന്ത്രി എസ്.ജയശങ്കർ, ടാറ്റ സൺസ് ചെയർമാൻ എൻ.ചന്ദ്രശേഖരൻ, കേന്ദ്ര ആരോഗ്യ മന്ത്രി മൻസുഖ് മാണ്ഡവ്യ, കേന്ദ്രമന്ത്രി ഹർദീപ് സിങ് പുരി, മോട്ടിവേഷണൽ സ്ട്രാറ്റജിസ്റ്റ് ഗൗർ ഗോപാൽ ദാസ് എന്നിവരായിരുന്നു അഡ്ഢയിലെ മുൻ അതിഥികൾ.

Read More

• ഓപ്പറേഷൻ ലോട്ടസിലൂടെ ഹിമാചലിലെ ജനവിധി അട്ടിമറിക്കാൻ അനുവദിക്കില്ലെന്ന് കോൺഗ്രസ്
• സുപ്രീം കോടതി വിധിക്ക് തൊട്ട് മുമ്പായി കേന്ദ്രം പുറത്തിറക്കിയത് 8,350 കോടി രൂപയുടെ ഇലക്ടറൽ ബോണ്ടുകൾ
• മലയാളിയായ പ്രശാന്ത് ബാലകൃഷ്ണൻ നായർ ബഹിരാകാശത്തേക്ക്; ഗഗൻയാൻ ദൗത്യസംഘത്തിന്റെ തലവൻ
• 370 സീറ്റുകൾ മാത്രമല്ല, ബിജെപി ലക്ഷ്യം വെക്കുന്നത് 50 ശതമാനം വോട്ടും
• ലോക്സഭാ തിരഞ്ഞെടുപ്പ്: അഞ്ചിടത്ത് കോൺഗ്രസ്-ആം ആദ്മി പാർട്ടി സീറ്റുകളിൽ ധാരണയായി