'മരിച്ചതൊരു പുരുഷനാണ്'; ഹാട്രിക് ഹിറ്റടിക്കാൻ ആസിഫ് അലി; ആഭ്യന്തര കുറ്റവാളി ട്രെയിലർ

ബ്ലോക്ക്ബസ്റ്ററായ കിഷ്കിന്ധാ കാണ്ഡം, രേഖാചിത്രം എന്നീ സിനിമകൾക്കു ശേഷം ആസിഫ് അലി നായകനാകുന്ന 'ആഭ്യന്തര കുറ്റവാളി'യുടെ ട്രെയിലർ പുറത്തിറക്കി. സേതുനാഥ് പത്മകുമാറാണ് ചിത്രം തിരക്കഥയെഴുതി സംവിധാനം ചെയ്യുന്നത്. കോമഡി ഫാമിലി എൻ്റർടെയിനർ വിഭാഗത്തിലാണ് ചിത്രം ഒരുങ്ങുന്നത്. 

നൈസാം സലാം പ്രൊഡക്ഷൻസിൻ്റെ ബാനറിൽ നൈസാം സലാമാണ് ആഭ്യന്തര കുറ്റവാളിയുടെ നിർമാണം. പുതുമുഖമായ തുളസിയാണ് നായികയായി ചിത്രത്തിലെത്തുന്നത്. ജഗദീഷ്, ഹരിശ്രീ അശോകൻ, സിദ്ധാർഥ് ഭരതൻ, അസീസ് നെടുമങ്ങാട്, ജോജി,വിജയകുമാർ, ബാലചന്ദ്രൻ ചുള്ളിക്കാട്, ആനന്ദ് മന്മഥൻ, പ്രേം നാഥ് എന്നിവരാണ് ചിത്രത്തിലെ മറ്റു സുപ്രധാന കഥാപാത്രങ്ങളെ അവതരിപ്പിച്ചിരിക്കുന്നത്.

ഡ്രീം ബിഗ് ഫിലിംസാണ് ആഭ്യന്തര കുറ്റവാളി വിതരണത്തിനെത്തിക്കുന്നത്. അജയ് ഡേവിഡ് കാച്ചപ്പള്ളി ആണ് ഛായാഗ്രഹണം നിർവഹിക്കുന്നത്, എഡിറ്റിംഗ് സോബിൻ സോമൻ, സംഗീതം ബിജിബാൽ എന്നിവർ കൈകാര്യം ചെയ്യുന്നു. ചിത്രം ഉടന്‍ തിയേറ്ററുകളിലേക്കെത്തുമെന്നാണ് വിവരം.

Read More:

• Alappuzha Gymkhana Review: കിന്റൽ ഇടിയല്ല, സൗഹൃദ പഞ്ച്; ആലപ്പുഴ ജിംഖാന റിവ്യൂ
• Bazooka Review: മമ്മൂട്ടി ഇറങ്ങി കളിച്ച ത്രില്ലിംഗ് ഗെയിം; ബസൂക്ക റിവ്യൂ
• 'എമ്പുരാൻ' സിനിമയ്ക്കെതിരായ നിർമ്മാതാക്കളുടെ സമരം കഥയറിഞ്ഞിട്ടോ?; കെ ബി ഗണേശ് കുമാർ
• Maranamass Review: സീൻ ഡാർക്കാണെങ്കിലും ചിരിയ്ക്കുള്ള വകയുണ്ട്; മരണമാസ് റിവ്യൂ
• സുന്ദരിയായ അമ്മയുടെ അതിസുന്ദരിയായ മകൾ; ഈ നടിയെ മനസ്സിലായോ?