'ഡിവോഴ്സിന്റെ സമയത്തെ പ്രശ്നങ്ങളാവാം അനീഷിനെ ഇങ്ങനെ മാറ്റിയത്'; നൂറയോട് ഷാനവാസ്; Bigg Boss Malayalam Season 7

Bigg Boss malayalam Season 7: ബിഗ് ബോസിൽ പ്രേക്ഷകർ ഏറെ ഇഷ്ടപ്പെട്ട സൗഹൃദമായിരുന്നു ഷാനവാസിന്റേയും അനീഷിന്റേയും. സീസൺ അവസാന ദിവസത്തോട് അടുക്കുമ്പോൾ സ്ട്രാറ്റജികളുമായി എല്ലാ മത്സരാർഥികളും പോര് കടുപ്പിക്കുകയാണ്. തെറ്റാണ് താൻ പറയുന്നത് എന്ന് അറിഞ്ഞിട്ടും എന്തുകൊണ്ടാണ് അനീഷ് അതിൽ തന്നെ ഉറച്ച് നിൽക്കുന്നത് എന്ന നൂറയുടെ ചോദ്യത്തിന് ഷാനവാസ് നൽകുന്ന മറുപടി ചർച്ചയായിരുന്നു. 

കഴിഞ്ഞ ദിവസം കിച്ചണിലുണ്ടായ വഴക്കിൽ അനുമോൾക്കൊപ്പം അനീഷ് മാത്രമാണ് നിന്നത്. മറ്റ് മത്സരാർഥികളോടെല്ലാം അനുമോൾക്ക് വേണ്ടി അനീഷ് സംസാരിച്ചു. അനുമോളുമായി വഴക്കിട്ടതിന് പിന്നാലെ ഈ വിഷയത്തെ കുറിച്ച് സംസാരിക്കുന്നതിന് ഇടയിലാണ് അനീഷിന്റെ സ്വഭാവം എന്താണ് ഇങ്ങനെ ആയത് എന്ന് ഷാനവാസിനോട് നൂറ ചോദിക്കുന്നത്. 

Also Read: എനിക്ക് ഷാനവാസിക്കയെ കുറിച്ച് ചില കാര്യങ്ങൾ പറയാനുണ്ട്: മേഘ്ന വിൻസെന്റ്, Bigg Boss Malayalam 7

ഡിവോഴ്സുമായി ബന്ധപ്പെട്ടുണ്ടായ പ്രശ്നങ്ങളും സമ്മർദങ്ങളും അനീഷിന് ട്രോമയായിട്ടുണ്ടാവാം എന്നാണ് ഷാനവാസ് നൽകുന്ന മറുപടി. ബിഗ് ബോസ് ഹൗസിൽ നിന്ന് തനിക്ക് പോവണ്ട, ഇവിടെ താൻ ഹാപ്പിയാണ് എന്നാണ് എല്ലാ ദിവസവും അനീഷ് പറഞ്ഞുകൊണ്ടിരിക്കുന്നത്. അതിനർഥം ഇപ്പോഴാണ് അവൻ ഹാപ്പിയായി വരുന്നത് എന്നാണ്. ആദ്യം വന്ന അനീഷിൽ നിന്ന് ഇപ്പോഴത്തെ അനീഷിലേക്ക് എത്തിയപ്പോൾ എത്രത്തോളം മാറ്റങ്ങൾ ഉണ്ടായെന്ന് നോക്കണം എന്നും ഷാനവാസ് നൂറയോട് പറഞ്ഞു. 

Also Read: അനുമോൾക്ക് വേണ്ടി ഒറ്റയ്ക്ക് നിന്ന് പൊരുതി അനീഷ്; Bigg Boss Malayalam Season 7

അതല്ലെങ്കിൽ ഈ കാണുന്നത് എല്ലാം ഒരുപക്ഷേ അനീഷിന്റെ ഗെയിം സ്ട്രാറ്റജി ആയിരിക്കാം. ഇതൊന്നും നമുക്ക് ഉറപ്പിച്ച് പറയാൻ സാധിക്കില്ല എന്നും ഷാനവാസ് ചൂണ്ടിക്കാണിക്കുന്നു. അനുമോളും അനീഷും തമ്മിലെ കോംമ്പോ പ്രേക്ഷകർക്കിടയിൽ ശ്രദ്ധ പിടിച്ചിരുന്നു. വീക്കെൻഡ് എപ്പിസോഡിൽ മോഹൻലാൽ അനീഷിനോട് അനുമോളുടെ കാര്യം ചോദിച്ചിരുന്നു. 

Also Read: ഷോ ക്വിറ്റ് ചെയ്യേണ്ടി വരുമോ എന്ന് ചോദിച്ചു; വേദനയും സമ്മർദവും മറക്കില്ലെന്ന് ഷാനവാസ് ; Bigg Boss Malayalam Season 7

അനുമോളും അനീഷും തമ്മിലെ രസകരമായ നിമിഷങ്ങൾ ഹൗസിലുണ്ടായിരുന്നു. കിച്ചണിൽ ഭക്ഷണം വിളമ്പുന്നതിനെ ചൊല്ലി അനുമോൾക്കെതിരെ ബാക്കി എല്ലാ കണ്ടസ്റ്റൻസും തിരിഞ്ഞപ്പോഴും അനുമോൾക്കൊപ്പം നിൽക്കുകയാണ് അനീഷ് ചെയ്തത്. അനുമോളുടെ ബെഡ്ഡിൽ നെവിൻ വെള്ളമൊഴിച്ച സമയം അനുമോൾ സോഫയ്ക്ക് പിന്നിലായാണ് കിടന്നത്. ഈ സമയം അനീഷ് വന്ന് ആദിലയ്ക്ക് ബ്ലാങ്കറ്റും പില്ലോയും എല്ലാം കൊടുത്തിരുന്നു.

Also Read:  ആർക്കാണ് പി ആറിന്റെ കാര്യത്തിൽ അനുമോളെ പേടിയില്ലാത്തത്?: ആര്യൻ, Bigg Boss Malayalam 7