അനുമോൾ, നാണമുണ്ടോ? തോന്ന്യാസം പറഞ്ഞിട്ട് അറിയില്ലെന്നു പറയുന്നോ? കട്ട കലിപ്പിൽ മോഹൻലാൽ: Bigg Boss Malayalam Season 7

Bigg Boss malayalam Season 7: ബിഗ് ബോസ് മലയാളത്തിന്റെ  ഏഴാം  സീസൺ അതിന്റെ അഞ്ചാം വാരത്തിലേക്ക് കടന്നിരിക്കുകയാണ്. മത്സരം മുറുകുന്നതിനൊപ്പം അതിരുവിട്ടുള്ള തർക്കങ്ങളും പഴിചാരലുകളും സദാചാര പൊലീസിംഗുമെല്ലാം വീടിനകത്ത് സംഭവിക്കുന്നുണ്ട്.  സംഘർഷഭരിതമായ ദിവസങ്ങളിലൂടെയാണ് ഷോ കടന്നുപോവുന്നത്. വാരാന്ത്യ എപ്പിസോഡിനായി എത്തിയ മോഹൻലാലും വീടിനകത്തെ പ്രശ്നങ്ങൾ ചോദ്യം ചെയ്യുകയാണ്. പുതിയ പ്രൊമോ ആണ് ഇപ്പോൾ വൈറലാവുന്നത്.

കഴിഞ്ഞ ദിവസം ജിസേലും ആര്യനും അടുത്തു കിടന്നതുമായി ബന്ധപ്പെട്ട് അൽപ്പം മോശമായ കമന്റുകൾ അനുമോളുടെ ഭാഗത്തു നിന്നും ഉണ്ടായിരുന്നു. ഒരു ഘട്ടത്തിൽ അനുമോൾ  ഈ വിഷയം വീടിനകത്തെ ചർച്ചയ്ക്കിടയിൽ എടുത്തിടുകയും മത്സരാർത്ഥികൾ എല്ലാം ചേർന്ന് ജിസേലിനെ ഒരുതരം ആൾക്കൂട്ട വിചാരണ നടത്തുകയും ചെയ്തിരുന്നു. ആര്യൻ പൊട്ടിത്തെറിക്കുകയും അനുമോളെ തല്ലാൻ കയ്യോങ്ങുന്നതും വരെയെത്തി കാര്യങ്ങൾ. 

Also Read: അപ്പാനി ഈ ആഴ്ച പുറത്തായാൽ അനു 'ദിഗംബരി'; ഹൗസിനുള്ളിലെ 'കൂടോത്രം' ; Bigg Boss Malayalam Season 7

 ഇപ്പോഴിതാ ആ വിഷയം മോഹൻലാലും ചോദ്യം ചെയ്യുകയാണ്. പുതിയ പ്രൊമോയിൽ ക്ഷുഭിതനായി അനുമോളോട് സംസാരിക്കുന്ന മോഹൻലാലിനെയാണ് കാണാനാവുക. "അനുമോൾ നിങ്ങൾക്ക് നാണമുണ്ടോ? എന്തൊക്കെയാണ് കാണിക്കുന്നത്? ഇതൊരു ഷോയല്ലേ?" എന്നൊക്കെ മോഹൻലാൽ ചോദിക്കുന്നുണ്ട്.

Also Read: കിരീടം ടാസ്ക് തൂക്കി നൂറ; 'നന്മമരം' കളിച്ചില്ല; അഭിക്ക് നൽകാതെ സൂപ്പർ പവർ ബിന്നിക്ക്; Bigg Boss Malayalam Season 7

 "ആരും കാണാത്ത കാര്യം അനുമോൾ എങ്ങനെ കണ്ടു?" എന്ന മോഹൻലാലിന്റെ ചോദ്യത്തിന് "എനിക്കറിയില്ല," എന്നാണ് അനുമോൾ ഉത്തരം നൽകുന്നത്. "അതെങ്ങനെയാണ് അറിയില്ലെന്നു പറയുന്നത്, തോന്ന്യവാസം പറഞ്ഞിട്ട്?" എന്നും മോഹൻലാൽ ചോദിക്കുന്നുണ്ട്. 

Also Read: ബിഗ് ബോസ് വീട്ടിൽ വെളുത്തുള്ളി തരില്ല, ഇഞ്ചി തരില്ല, ആകെ തരുന്നത് പരിപ്പ് മാത്രം: സരിക, Bigg Boss Malayalam Season 7

മസ്താനി, ജിഷിൻ എന്നിവരെയും പ്രൊമോയിൽ മോഹൻലാൽ ശകാരിക്കുന്നതു കാണാം. എന്തായാലും ലാലേട്ടന്റെ വരവ് ഈ ആഴ്ച മത്സരാർത്ഥികളിൽ പലർക്കും അത്ര സുഖകരമായ ഓർമയാവില്ലെന്ന് ഉറപ്പ്.

Also Read: 'ഇന്ത്യക്കാരെ ഡേറ്റ് ചെയ്യാൻ പേടിയായി'; ആദ്യ പ്രണയത്തിലെ ദുരനുഭവം പറഞ്ഞ് ജിസേൽ; Bigg Boss Malayalam Season 7