'ഇന്ത്യക്കാരെ ഡേറ്റ് ചെയ്യാൻ പേടിയായി'; ആദ്യ പ്രണയത്തിലെ ദുരനുഭവം പറഞ്ഞ് ജിസേൽ; Bigg Boss Malayalam Season 7

Bigg Boss malayalam Season 7:ബിഗ് ബോസ് മലയാളം സീസൺ 7 അഞ്ചാമത്തെ ആഴ്ചയിലേക്ക് എത്തിയപ്പോഴാണ് ജീവിത കഥ പറയാനുള്ള അവസരം ജിസേലിനെ തേടിയെത്തിയത്. ആലപ്പുഴക്കാരിയായ തന്റെ മമ്മിയുടേയും പഞ്ചാബുകാരനായ അച്ഛന്റേയും പ്രണയത്തെ കുറിച്ചും അച്ഛന്റെ പെട്ടെന്നുണ്ടായ മരണം സൃഷ്ടിച്ച ആഘാതത്തെ കുറിച്ചുമെല്ലാം ജിസേൽ പറഞ്ഞു. താൻ ആദ്യമായി പ്രണയിച്ച വ്യക്തിയിൽ നിന്നേറ്റ ദുരനുഭവത്തെ തുടർന്ന് ഇന്ത്യയിൽ നിന്നുള്ളവരെ ഡേറ്റ് ചെയ്യാൻ തനിക്ക് പേടിയായിരുന്നു എന്ന് ജിസേൽ ബിഗ് ബോസ് ഹൗസിൽ വെച്ച് പറഞ്ഞു. 

"എനിക്ക് ആദ്യമായി ബോയ്ഫ്രണ്ട് ഉണ്ടാവുന്നത് 18ാമത്തെ വയസിലാണ്. മൂന്ന് വർഷത്തോളം ആ ബന്ധം നീണ്ടിരുന്നു. പിന്നെ അത് ബ്രേക്കപ്പായി. രണ്ട് വർഷത്തിന് ശേഷം ആണ് അയാൾ വിവാഹിതനാണ് എന്ന് ഞാൻ അറിയുന്നത്. അവനൊരു മുസ്ലിം പയ്യനായിരുന്നു. അവന്റെ പേരിൽ ഞാൻ ടാറ്റു എല്ലാം ചെയ്തിരുന്നു. എന്റെ ജീവിതത്തിലെ വലിയൊരു പാഠം ആയിരുന്നു അത്. ആ സംഭവത്തിന് ശേഷം ഇന്ത്യയിൽ നിന്ന് ഡേറ്റ് ചെയ്യാൻ എനിക്ക് പേടിയായി. അതിന് ശേഷം ഒരു ബ്രിട്ടീഷ് പയ്യനുമായാണ് ഞാൻ പ്രണയത്തിലാവുന്നത്. 2022ൽ ആ ബന്ധവും ബ്രേക്കപ്പായി. ഇപ്പോൾ ഞാൻ സിംഗിൾ ആണ്," ജിസേൽ പറഞ്ഞു.

Also Read: 100 റൗണ്ട് ഓടണം; നെവിന് ഏഴിന്റെ പണി; കട്ട കലിപ്പിൽ ബിഗ് ബോസ് ; Bigg Boss Malayalam Season 7

മമ്മിയുടേയും അച്ഛന്റേയും പ്രണയവും വീട്ടുകാരുടെ ഭാഗത്ത് നിന്നുണ്ടായ എതിർപ്പിനേയും കുറിച്ച് ജിസേൽ പറയുന്നത് ഇങ്ങനെ,"എന്റെ മമ്മി ഹാഫ് കത്തോലിക്കയും ഹാഫ് ഹിന്ദുവുമാണ്. മമ്മിയുടെ സഹോദരിയാണ് മമ്മിയെ പഠിക്കാനായി പഞ്ചാബിലേക്ക് കൊണ്ടുപോയത്. അവിടെ വെച്ച് മമ്മിയും അച്ഛനും തമ്മിൽ പ്രണയത്തിലായി. മിസ്റ്റർ പഞ്ചാബ് ഒക്കെയായിരുന്നു അച്ഛൻ. അച്ഛൻ ഭയങ്കര ഹാൻഡ്സം ആയിരുന്നു. പഞ്ചാബിൽ കളക്ടറായിരുന്നു അച്ഛൻ. അതിന്റെ ഈഗോ അച്ഛനുണ്ടായിരുന്നു."

Also Read: അനുമോളെ ശരത്തിൽ നിന്ന് രക്ഷിച്ച് അനീഷ്; മാസ് എന്ന് പ്രേക്ഷകർ ; Bigg Boss Malayalam Season 7

"അച്ഛന്റെ വീട്ടുകാർ അച്ഛനെ കൊണ്ട് വേറെ വിവാഹം കഴിപ്പിക്കാൻ നോക്കി. ഇത് മമ്മി സമ്മതിച്ചില്ല. ഇതോടെ വലിയ പ്രശ്നമായി. ഒടുവിൽ അച്ഛനും മമ്മിയും ഗുരുവായൂരിൽ വന്ന് വിവാഹിതരായി. തിരിച്ച് ഇരുവരും പഞ്ചാബിൽ എത്തിയപ്പോൾ അച്ഛന്റെ ബന്ധുക്കൾ തോക്കുമായെല്ലാംവന്ന്കൊല്ലുമെന്ന്മമ്മിയെഭീഷണിപ്പെടുത്തി. പിന്നെ കുടുംബ സ്വത്തിൽ അച്ഛന് പങ്ക് വേണ്ട എന്ന നിലയിൽ അവർ അച്ഛനെ കൊണ്ട് എഴുതി വാങ്ങിപ്പിച്ചു."

Also Read: 'എന്നെ പുറത്തുവിടൂ ബിഗ് ബോസ്'; വീണ്ടും കരഞ്ഞ് രേണു സുധി ; Bigg Boss Malayalam Season 7

"അതിന് ശേഷം കാര്യങ്ങൾ എല്ലാം നന്നായി പോവുകയായിരുന്നു. അവരുടെ വിവാഹം കഴിഞ്ഞ് നാല് വർഷത്തിന് ശേഷമാണ് ഞാൻ ജനിക്കുന്നത്. ഒരുപാട് ലാളിച്ചാണ് രണ്ട് പേരും എന്നെ വളർത്തിയത്. എന്നാൽ അച്ഛന്റെ മരണം പെട്ടെന്നായിരുന്നു. 33 വയസുള്ളപ്പോഴാണ് അച്ഛൻ അറ്റാക്ക് വന്ന് മരിച്ചത്. അച്ഛന്റെ മരണം ഉൾക്കൊള്ളാൻ മമ്മി ഒരുപാട് പ്രയാസപ്പെട്ടു," ജിസേൽ പറഞ്ഞു.

Also Read: ബിഗ് ബോസ് താരങ്ങൾക്ക് ഒരു ദിവസം ലഭിക്കുന്ന പ്രതിഫലം എത്രയെന്നറിയാമോ?: Bigg Boss Malayalam Season7