അനുമോളെ ശരത്തിൽ നിന്ന് രക്ഷിച്ച് അനീഷ്; മാസ് എന്ന് പ്രേക്ഷകർ ; Bigg Boss Malayalam Season 7

Bigg Boss malayalam Season 7: ബിഗ് ബോസ് മലയാളം സീസൺ 7ൽ വ്യക്തിഗത കണ്ടന്റുകൾ ഒന്നുമില്ലെന്ന പ്രേക്ഷകരുടെ അഭിപ്രായം ശക്തമാവുന്നതിന് ഇടയിൽ ഇന്നത്തെ ലൈവിൽ നിറഞ്ഞ് നിന്നത് അനീഷ്. അനുമോളെ ലക്ഷ്യം വെച്ച് രൂക്ഷമായ വാക്കുകളുമായി എത്തിയ ശരത്തിന്റെ വായടപ്പിച്ചും ഷാനവാസിനും അക്ബറിനും മറുപടി നൽകിയും മോണിങ് ടാസ്കിൽ തന്റെ ജീവിത കഥ പറഞ്ഞും അനീഷ് നിറഞ്ഞു നിന്നു. 

ബിഗ് ബോസ് നൽകിയ തൊപ്പി ടാസ്കിൽ ആദ്യ ദിനം അനീഷിന്റെ ടീമിനെ രേണു സുധി ക്യാപ്റ്റനായ അക്ബറും ഷാനവാസും ഉൾപ്പെട്ട ടീം തോൽപ്പിച്ചിരുന്നു. ടാസ്കിന്റെ രണ്ടാം ദിനം അനീഷിനെ തോൽപ്പിച്ച അതേ രീതിയിൽ തന്നെയാണ് അക്ബറിന്റേയും ഷാനവാസിന്റേയും ടീം തോറ്റത്. ഇത് അനീഷ് ഹൗസിൽ ആഘോഷിച്ചു.

Also Read: ബിഗ്ഗ് ബോസിൽ പോകാൻ വാങ്ങി കൂട്ടിയത് ഒരു ലക്ഷം രൂപയുടെ വസ്ത്രങ്ങൾ: ആർ ജെ ബിൻസി, Bigg Boss Malayalam Season 7

"ഇന്നലെ എന്നെ പുറത്താക്കിയത് പോലെ ഇന്ന് നിങ്ങൾ പുറത്തായില്ലേ? ഇന്ന് ഞാൻ നാളെ നീ...ഇങ്ങനെ ഹൗസിൽ തുടർച്ചയായി വിളിച്ചുപറയുകയായിരുന്നു അനീഷ് ഷാനവാസിനും അക്ബറിനും നേരെ.ഇന്നലെ അനീഷിന്റെ തൊപ്പിയുടെ പകുതി ഭാഗം ആണ് ഹുക്കിൽ ഇട്ടിരുന്നത്. തൊപ്പിയുടെ പകുതി ഭാഗം ഹുക്കിൽ ഇട്ടാലും ഔട്ട് ആവും എന്ന് ബിഗ് ബോസ് പറഞ്ഞിരുന്നു. ഇന്നത്തെ ടാസ്കിൽ ക്യാപ്റ്റനായ രേണുവിന്റെ തൊപ്പിയുടെ പകുതി മാത്രമാണ് ഹുക്കിൽ ഇട്ടത്. തൊപ്പിയുടെ ഭൂരിഭാഗവും ഷാനവാസിന്റെ കയ്യിരിലിക്കുന്നുണ്ട്. എന്നാൽ ഷാനവാസും അക്ബറും രേണുവും ഉൾപ്പെടുന്ന ടീം ഔട്ട് ആയതായി ബിഗ് ബോസ് പറഞ്ഞു. ഇതോടെ അനീഷ് ഇന്ന് ഞാൻ നാളെ നീ എന്ന് വിളിച്ച് പറയാനും തുടങ്ങി. 

Also Read: ഇവരെ കൊണ്ട് ബിഗ് ബോസിന് മതിയായി; പൊരിഞ്ഞ അടി; പിന്നെ കെട്ടിപിടിച്ച് കരച്ചിലും; Bigg Boss Malayalam Season 7

അനുമോൾക്കെതിരെ രൂക്ഷമായ വാക്കുകളുമായി അപ്പാനി ശരത് എത്തിയപ്പോൾ അനീഷ് ഇടപെട്ടതും പ്രേക്ഷകരുടെ ശ്രദ്ധ പിടിച്ചു. അനുമോളും നെവിനും ഇനി അനുവാദം നൽകുന്നത് വരെ ഹൗസിൽ  സംസാരിക്കാൻ പാടില്ല എന്ന് ബിഗ് ബോസ് പറഞ്ഞിരുന്നു. ഇതോടെ അപ്പാനി ശരത് അനുമോളെ ലക്ഷ്യം വെച്ച് എത്തി.  "നാളെ രാവിലെ എഴുന്നേൽക്കുമ്പോഴേക്കും നീ കുഴിയിലേക്ക് വീഴും. രാവിലെ നിനക്ക് എഴുന്നേൽക്കാൻ പറ്റില്ല. എല്ലാവരേയും നീ പറ്റിക്കുകയാണ്. നിന്റെ നാടകം ഞാൻ പൊളിക്കും. ബിഗ് ബോസ് ഹൗസിൽ നിന്ന് പോകുന്നതിന് മുൻപ് നിന്നെ തകർക്കും," ഇങ്ങനെയെല്ലാം അപ്പാനി ശരത് അനുമോളോട് പറഞ്ഞു.

Also Read: ജിസേലിനെ യക്ഷിയാക്കി അനുമോൾ; ജയിലിലും പൊരിഞ്ഞ അടി ; Bigg Boss Malayalam Season 7

ഈ സമയം അനുമോളെ പിന്തുണയ്ക്കാൻ ആരും എത്തിയിരുന്നില്ല. എന്നാൽ അപ്രതീക്ഷിതമായി ശരത്തിനെ നേരിടാൻ അനീഷ് ഇറങ്ങി. നീ പ്രഷറിന്റെ മരുന്ന് കഴിക്കാൻ മറന്ന് പോയോ? ഇങ്ങനെയൊക്കെ പെരുമാറാൻ പാടുണ്ടോ? ശരത് ശരത്തിന്റെ നിലവാരം ആണ് ഇവിടെ കാണിക്കുന്നത് എന്നെല്ലാം അനീഷ് പറഞ്ഞതോടെ ശരത് പിൻവാങ്ങി പോയി.

View this post on Instagram

A post shared by Asianet (@asianet)

Also Read: ഞാനും സിംഗിൾ അവനും സിംഗിൾ, ഞങ്ങൾ എന്തിനു നുണ പറയണം: സദാചാര വിചാരണയ്ക്ക് എതിരെ ജിസേൽ- Bigg Boss Malayalam Season 7